بيىل جازعى كانيكۋل كەزٸندە ەلەۋمەتتٸك وسال وتباسىلاردان شىققان 500 مىڭنان استام وقۋشى ساۋىقتىرۋ دەمالىسىنا جٸبەرٸلەدٸ. بۇل تۋرالى قر بٸلٸم جەنە عىلىم مينيسترلٸگٸنەن مەلٸم ەتتٸ, دەپ حابارلايدى "ۇلت اقپارات".
ۆەدومستۆو اقپاراتىنا سەيكەس, وسى جازدا 13 مىڭ بالالار لاگەرٸ مەن دەمالىس ۇيىمدارىنىڭ جۇمىسىن ۇيىمداستىرۋ جوسپارلانعان. قاراجات جەرگٸلٸكتٸ اتقارۋشى ورگانداردىڭ بيۋدجەتٸنەن بٶلٸنەتٸن بولادى. ەپيدەميولوگييالىق جاعداي كٷردەلەنٸپ كەتپەسە, جازعى دەمالىسقا 1 ميلليوننان استام وقۋشى بارا الادى.
جازعى ساۋىقتىرۋ ناۋقانى وقۋ جىلى اياقتالعاننان كەيٸن بٸردەن باستالادى. بۇل رەتتە بالالار لاگەرلەرٸن اشۋ جەنە ولاردىڭ تولىمدىلىعى تۋرالى شەشٸمدٸ ٶڭٸرلٸك سانيتارلىق دەرٸگەرلەر قابىلدايدى. مۇنىڭ بەرٸ ٶڭٸرلەردەگٸ ەپيدەميولوگييالىق جاعدايعا بايلانىستى.
«سانيتارلىق نورمالار قاتاڭ ساقتالۋى كەرەك. ٶڭٸرلەر تيٸستٸ جۇمىس جٷرگٸزدٸ, ساۋىقتىرۋ لاگەرلەرٸ بالالاردى قابىلداۋعا دايىندالىپ جاتىر. ٶڭٸردەگٸ سانيتارلىق-ەپيدەميولوگييالىق جاعداي ەسكەرٸلەتٸن بولادى. سانيتارلىق دەرٸگەرلەرمەن بٸرگە بالالاردىڭ قاۋٸپسٸز دەمالۋى قامتاماسىز ەتٸلۋٸ كەرەك. بالالاردىڭ قۇقىقتارىن قورعاۋ كوميتەتٸ بۇل مەسەلەنٸ باقىلاۋعا الۋعا تيٸس», — دەپ تاپسىردى
سونىمەن قاتار جازعى كەزەڭدە وليمپيادالىق رەزەرۆتەگٸ جازعى مەكتەپتەر, تٸل مەكتەپتەرٸ, دەبات كلۋبتارى جەنە تٷرلٸ دامىتۋ ٷيٸرمەلەرٸ جۇمىس ٸستەيدٸ.
قاۋٸپسٸزدٸكتٸ قامتاماسىز ەتۋ ماقساتىندا جەدەل ەرەكەت ەتۋ ٷشٸن ارنايى جۇمىس توبى قۇرىلدى. ونىڭ قۇرامىنا بٸلٸم باسقارمالارى باسشىلارىنىڭ ورىنباسارلارى, مٷددەلٸ مەملەكەتتٸك ورگاندار مەن قوعامدىق ۇيىمداردىڭ ٶكٸلدەرٸ ەنگەن.
رەسپۋبليكانىڭ بارلىق ٶڭٸرٸندە «قاۋٸپسٸز اتتراكتسيون» رەيدتٸك شارالارى ٶتكٸزٸلەدٸ. سونىمەن بٸرگە «بالاعا لايىق» جوباسى باستالدى. مەسەلەن جازعى ۋاقىتتا بالالاردىڭ قۇقىقتارىن قورعاۋ كوميتەتٸنٸڭ رەسمي پاراقشالارىندا بالالار مەن ولاردىڭ اتا-انالارى ماقۇلداعان دەمحانالاردىڭ, ساياباقتاردىڭ, سكۆەرلەردٸڭ جەنە باسقا دا وبەكتٸلەردٸڭ فوتوسۋرەتتەرٸ ورنالاستىرىلاتىن بولادى.
«سونداي-اق قر تٶتەنشە جاعدايلار مينيسترلٸگٸمەن بٸرلەسٸپ سۋدا جەنە ٶرت كەزٸندە بالالاردىڭ قاۋٸپسٸزدٸگٸن قامتاماسىز ەتۋدٸڭ بٸرىڭعاي تەسٸلدەرٸ ەزٸرلەندٸ. اتا-انالارعا قىراعىلىق تانىتىپ, بالالاردى ٷلكەندەردٸڭ قاراۋىنسىز سۋ قويمالارىنا جٸبەرمەۋگە كەڭەس بەرەمٸز», - دەدٸ قر بعم باسپاسٶز قىزمەتٸنەن.
