قوستاناي وبلىسىندا جوعالىپ كەتكەن 5 جاسار مادينا ەرلانقىزىن ٸزدەۋ شارالارىنىڭ تاكتيكاسى ماماندار ۇسىنىسىمەن ٶزگەردٸ, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
"قوستاناي وبلىسى پوليتسييا دەپارتامەنتٸ بالانىڭ ەرەكشەلٸكتەرٸن ەسكەرە وتىرىپ, ٸزدەستٸرۋ تىنىشتىق رەجيمٸندە جٷرگٸزٸلٸپ جاتقانىن ايتتى. اۋماقتى تٸنتۋ باعىتى دا ٶزگەردٸ. بۇرىن اۋماقتى زەرتتەۋ توبىل ٶزەنٸنٸڭ بويىمەن جٷرگٸزٸلسە, ەندٸ توبىلدان جامبىل اۋىلىنا قاراي باعىت الادى. تٷندە جىلۋ تاراتقىشى بار ارنايى بٶلٸمشەلەر جۇمىس ٸستەدٸ, بارلاۋ تاكتيكاسى قولدانىلدى. تاڭەرتەڭ 4 باعىتتا 100 شاقىرىمعا دەيٸن سوزىلعان ٸزدەۋ ايماعىن اينالىپ ٶتۋ قايتا باستالدى", - دەلٸنگەن حابارلامادا.
ەرٸكتٸلەر, جاناشىر ازاماتتار, سونداي-اق, ۇلتتىق ۇلان, شق, قر ۇقكد ەسكەري قىزمەتشٸلەرٸ, كينولوگتار, پوليتسەيلەر, تجد جەنە باسقا دا قۇقىق قورعاۋ, ارنايى ورگاندار قىزمەتكەرلەرٸ ٸزدەۋدٸ جالعاستىرىپ جاتىر.
