دەنساۋلىق ساقتاۋ جٷيەسٸنٸڭ بارلىق ەلەۋەتٸ كوروناۆيرۋس ينفەكتسيياسىمەن كٷرەسۋگە باعىتتالعان. بۇل تۋرالى دەپۋتات تۇرعىن سىزدىكوۆتىڭ دەپۋتاتتىق ساۋالىنا وراي قر پرەمەر-مينيسترٸ اسقار ماميننىڭ بەرگەن جاۋابىندا ايتىلعان, دەپ حابارلايدى "ۇلت اقپارات".
«ەپيدەميياعا قارسى ٸس-شارالارعا 46 مىڭنان استام مەديتسينا قىزمەتكەرلەرٸ تارتىلدى. ەنگٸزٸلگەن قاتاڭ شەكتەۋ شارالارىنىڭ ارقاسىندا كۆي بويىنشا ەپيدەميولوگييالىق جاعداي تۇراقتاندىرىلدى, مەديتسينالىق ۇيىمدارعا جٷكتەمە ايتارلىقتاي تٶمەندەدٸ. قازٸرگٸ ۋاقىتتا ينفەكتسييانىڭ تەۋلٸكتٸك ٶسٸمٸ 0,07%-عا دەيٸن تٶمەندەدٸ, ناۋقاستاردىڭ 95%-ى ساۋىعىپ كەتتٸ, تٶسەك-ورىن جٷكتەمەسٸ 12%-دى قۇرايدى», - دەپ جازدى اسقار مامين دەپۋتاتتىق ساۋالعا جاۋابىندا.
ونىڭ ايتۋىنشا, ٷكٸمەت كٷزگٸ-قىسقى كەزەڭدەگٸ ەپيدەميولوگييالىق جاعدايدى ەسكەرە وتىرىپ, كۆي تولقىنىنا قاتىستى كەشەندٸ شارالار قابىلداۋدا.
«جىل سوڭىنا دەيٸنگٸ جەكە قورعانىس قۇرالدارىنىڭ قورى قۇرىلدى, پتر تەستٸلەۋ ەلەۋەتٸ تەۋلٸگٸنە 43 مىڭعا دەيٸن ۇلعايتىلدى (قاجەت بولعان جاعدايدا كٷنٸنە 60 مىڭعا دەيٸن ۇلعايتىلادى). بيىلعى قازان ايىندا 3100 ورىندىق 15 مودۋلدٸ جۇقپالى اۋرۋلار اۋرۋحاناسى پايدالانۋعا بەرٸلەدٸ. قاجەت بولعان جاعدايدا ستاتسيونارلار قايتا بەيٸمدەلٸپ, ينفەكتسييالىق تٶسەك-ورىن سانى 51 مىڭعا دەيٸن كەڭەيەدٸ. مەديتسينالىق كٶمەكتٸ ەسٸرەسە اۋىلداردا قولجەتٸمدٸ ەتۋ ٷشٸن قوسىمشا 100 جىلجىمالى مەديتسينالىق كەشەن, 53 رەنتگەن-اپپارات, 2700 ٶكپەنٸ جاساندى جەلدەتۋ اپپاراتى, 64 وتتەگٸ ستانتسيياسى ساتىپ الىنادى, قاراشاعا دەيٸن 807 جەدەل جەردەم اۆتوماشيناسى جەتكٸزٸلەدٸ», - دەيدٸ اسقار مامين.
