سينوپتيكتەر 11-13 شٸلدە كٷندەرٸ قازاقستاندا قانداي اۋا رايى بولاتىنىنا بولجام جاسادى, دەپ حابارلايدى "ۇلت اقپارات" قازگيدرومەتكە سٸلتەمە جاساپ.
«شٸلدەنٸڭ ورتاسىنا قاراي جازدىڭ ەڭ ىستىق كەزەڭٸ باستالادى. الداعى ٷش كٷندە كٷن رايى جاۋىن-شاشىنسىز بولادى. كٷندٸز سىناپ باعانى 30-38°س, كەي جەرلەردە تٸپتٸ 40...43°س-تى كٶرسەتەدٸ. بۇل كٶپ جىلدىق ورتاشا مەننەن جوعارى», - دەلٸنگەن حابارلامادا.
سينوپتيكتەردٸڭ ايتۋىنشا, تەك باتىس ٶڭٸرلەردە عانا جاڭبىر سەبەلەپ ٶتۋٸ مٷمكٸن, سوندا دا باسقا ٶڭٸرلەردەگٸ سيياقتى كٷن قاتتى ىسيدى.
ٸرٸ قالالارداعى اۋا رايى
11 شٸلدەدە نۇر-سۇلتاندا تٷندە اۋا تەمپەراتۋراسى 18 گرادۋس نٶلدەن جوعارى بولسا, كٷندٸز 29 گرادۋس اپتاپ ىستىق بولادى. الماتىدا تٷندە 21 گرادۋس ىستىق بولسا, كٷندٸز 31 گرادۋسقا دەيٸن جوعارىلايدى. شىمكەنتتە تٷندە +26 گرادۋس, كٷندٸز +39 گرادۋس اپتاپ ىستىق بولادى.
12 شٸلدەدە ەلوردادا تٷندە اۋا تەمپەراتۋراسى پليۋس 22 گرادۋس بولسا, كٷندٸز 30 گرادۋسقا دەيٸن ىسيدى. وڭتٷستٸك استانادا تٷندە 22 گرادۋس, كٷندٸز 34 گرادۋس اپتاپ ىستىق بولادى. شىمكەنتتە تٷندە +28 گرادۋس, كٷندٸز +40 گرادۋسقا جەتەدٸ.
13 شٸلدەدە نۇر-سۇلتاندا تٷندە 20 گرادۋس, كٷندٸز 29 گرادۋس ىستىق بولادى. الماتىدا تٷندە 24 گرادۋس نٶلدەن جوعارى, كٷندٸز 33 گرادۋس ىستىق بولادى. شىمكەنتتە تٷندە – پليۋس 29 گرادۋس, كٷندٸز – پليۋس 39 گرادۋس.
