پاۆلودار وبلىسىندا 4 جاستاعى ەرەكشە بالانى ۇرىپ-سوعىپ, كٷش قولدانعان 20 جاستاعى دەنە شىنىقتىرۋ نۇسقاۋشىسىنا سوت ٷكٸمٸ شىقتى. ول كەمەلەتكە تولماعان بالانى تەربيەلەۋ مٸندەتٸن تيٸسٸنشە ورىنداماي, قاتىگەزدٸك تانىتقانى ٷشٸن كٸنەلٸ دەپ تانىلدى. الايدا راقىمشىلىققا بايلانىستى نەگٸزگٸ جازادان بوساتىلدى, دەپ حابارلايدى ult.kz.
وقيعا بىلتىر قازاندا ەكٸباستۇزداعى جەكەمەنشٸك تٷزەتۋ ورتالىعىندا بولعان. اۋتيزم سپەكترٸ بۇزىلعان قىزدىڭ ساباقتان كەيٸن قولى جاراقاتتانىپ, دەرٸگەرلەر سٷيەگٸ شىتىناعانىن انىقتاعان.
اتا-اناسى بەينەباقىلاۋ جازباسىن قاراپ, پوليتسيياعا ارىزدانعان. تەرگەۋ بارىسىندا نۇسقاۋشىنىڭ بالانى بٸلەگٸنەن ۇستاپ, زال ٸشٸندە سٷيرەتكەنٸ, باسىنان يتەرٸپ قۇلاتقانى جەنە اياعىنا وتىرىپ العانى انىقتالدى. بۇل ەرەكەتتەر شامامەن جارتى ساعاتقا سوزىلعان.
سوت نۇسقاۋشىنى قىلمىستىق كودەكستٸڭ 140-بابىنىڭ 2-بٶلٸگٸ بويىنشا كٸنەلٸ دەپ تانىپ, بٸر جىلعا باس بوستاندىعىن شەكتەۋ جازاسىن تاعايىندادى. سونىمەن قاتار ول ٷش جىلعا پەداگوگيكالىق قىزمەتپەن جەنە بالالارمەن جۇمىس ٸستەۋ قۇقىعىنان ايىرىلدى.
نەگٸزگٸ جازا راقىمشىلىققا بايلانىستى قولدانىلمادى. بۇعان قوسا, سوتتالۋشى جەبٸرلەنۋشٸ وتباسىنا 500 مىڭ تەڭگە ٶتەماقى تٶلەۋگە مٸندەتتەلدٸ.
بالانىڭ اناسى راقىمشىلىق قولدانۋ تۋرالى شەشٸممەن كەلٸسپەيتٸنٸن ايتتى. ونىڭ سٶزٸنشە, قىزى ەلٸ دە وڭالتۋدان ٶتٸپ جاتىر, ۇيقىسى بۇزىلىپ, بەيتانىس ادامداردان قورقۋ بەلگٸلەرٸ ساقتالعان.
