فوتو: اشىق دەرەككٶز
استانادا «بەدەۋلٸكتٸ ەمدەۋدٸڭ زاماناۋي تەسٸلدەرٸ. قرت: بٷگٸنٸ مەن بولاشاعى» اتتى قازاقستاننىڭ رەپرودۋكتيۆتٸك مەديتسينا قاۋىمداستىعىنىڭ XVII حالىقارالىق كونگرەسٸ اشىلدى. ٸس-شارادا دەنساۋلىق ساقتاۋ ۆيتسە-مينيسترٸ تيمۋر سۇلتانعازيەۆ سٶز سٶيلەپ, ەلدەگٸ رەپرودۋكتيۆتٸك مەديتسينا سالاسىنىڭ جەتٸستٸكتەرٸن اتاپ ٶتتٸ, دەپ حابارلايدى Ult.kz.
ۆيتسە-مينيستردٸڭ ايتۋىنشا, سوڭعى 30 جىلدا ەلٸمٸزدە ەكستراكورپورالدىق ۇرىقتاندىرۋ (ەكۇ) باعدارلامالارىنىڭ ارقاسىندا 40 مىڭعا جۋىق بالا ٶمٸرگە كەلگەن.
«ۇلت ساۋلىعى انالاردىڭ دەنساۋلىعى مەن ٶمٸر ساپاسىمەن تٸكەلەي بايلانىستى. بەدەۋلٸك مەسەلەسٸن شەشۋ – ەربٸر ازاماتتىڭ وتباسى قۇرۋ قۇقىعىن جٷزەگە اسىرۋدىڭ ماڭىزدى بٶلٸگٸ», — دەدٸ سۇلتانعازيەۆ.
قازاقستاندا بٷگٸندە 32 ەكۇ ورتالىعى جۇمىس ٸستەيدٸ, ونىڭ 19-ى مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ اياسىندا قىزمەت كٶرسەتەدٸ. ٷش ٸرٸ مەملەكەتتٸك ورتالىق — انا مەن بالا ۇلتتىق عىلىمي ورتالىعى, اكۋشەرلٸك, گينەكولوگييا جەنە پەريناتولوگييا ۇلتتىق عىلىمي ورتالىعى, جەنە اقتٶبە وبلىستىق پەريناتالدىق ورتالىعى.
سونداي-اق, 2021 جىلدان بەرٸ جٷزەگە اسىرىلىپ كەلە جاتقان «اڭساعان سەبي» مەملەكەتتٸك باعدارلاماسى اياسىندا 11 مىڭنان استام بالا دٷنيەگە كەلدٸ.
«بٸزدٸڭ كلينيكالار ورتالىق ازييا ەلدەرٸنٸڭ ماماندارى ٷشٸن تەجٸريبە مەكتەبٸنە اينالدى. قازاقستاندىق رەپرودۋكتولوگتاردىڭ جەتٸستٸكتەرٸ شەتەلدە دە كەڭٸنەن تانىمال», — دەدٸ سۇلتانعازيەۆ.
ۆيتسە-مينيستردٸڭ سٶزٸنشە, قازاقستان بٷگٸندە قوسالقى رەپرودۋكتيۆتٸك تەحنولوگييالاردى (قرت) قولدانۋ تەجٸريبەسٸ ەڭ دامىعان ەلدەردٸڭ قاتارىندا.
«بەدەۋلٸك – تەك مەديتسينالىق ەمەس, سونىمەن قاتار ەلەۋمەتتٸك مەسەلە. ول كٶپتەگەن وتباسىلاردىڭ تاعدىرىنا ەسەر ەتەدٸ. بٸز بۇل باعىتتاعى جٷيەلٸ جۇمىستى جالعاستىرامىز», — دەدٸ ول.
الماتىدا ٶتٸپ جاتقان كونگرەسكە بيىل قازاقستانمەن قاتار ەلەمنٸڭ 25-تەن استام ەلٸنەن 1000-نان استام مامان قاتىسۋدا. ولاردىڭ قاتارىندا اۋسترالييا, گەرمانييا, ۇلىبريتانييا, اقش, جاپونييا, تٷركييا, ٷندٸستان, رەسەي جەنە ٶزبەكستان سيياقتى ەلدەردٸڭ جەتەكشٸ عالىمدارى بار.
كونگرەسس بەدەۋلٸكتٸ ەمدەۋدٸڭ يننوۆاتسييالىق تەسٸلدەرٸنە, ەرلەر مەن ەيەلدەردٸڭ رەپرودۋكتيۆتٸك دەنساۋلىعىن جاقسارتۋعا جەنە مەديتسينانىڭ ەتيكالىق قىرلارىنا ارنالعان.
