مەملەكەتتٸك قىزمەت ٸستەرٸ اگەنتتٸگٸ باسشىسىنىڭ جاڭا ورىنباسارى اينۇر سەرعازيەۆا ەلەۋمەتتٸك جەلٸدە ايتىلعان سىنعا جاۋاپ بەردٸ, - دەپ حابارلايدى Tengrinews.kz تٸلشٸسٸ.
30 جاستاعى اينۇر سەرعازيەۆانىڭ مەملەكەتتٸك قىزمەتتە جوعارى لاۋازىمعا يە بولعانى تۋرالى حاباردى قازنەت قولدانۋشىلارى ەرتٷرلٸ قابىلدادى. كەيبٸرەۋلەر ول بۇل قىزمەتكە شەنەۋنٸك تۋىستارىنىڭ ارقاسىندا كەلگەن بولۋى مٷمكٸن دەگەن بولجام ايتقان بولاتىن.
وسىدان كەيٸن شەنەۋنٸك Instagram پاراقشاسىندا ٶزٸنە قاتىستى ايتىلعان بارلىق قاۋەسەتتەر مەن سىندارعا جاۋاپ بەردٸ. سەرعازيەۆانىڭ ايتۋىنشا, ول اگەنتتٸكتەگٸ بوس جۇمىس ورنى تۋرالى بۇرىنعى جۇمىسىنداعى ەرٸپتەستەرٸنەن بٸلگەن.
"ۇات-تا پرەزيدەنتتٸك رەزەرۆشٸلەر ماعان مەملەكەتتٸك قىزمەت ٸستەرٸ اگەنتتٸگٸ باسشىسىنىڭ تسيفرلىق ورىنباسارىن ٸزدەپ جاتقانىن, بٸراز ادامدى سۇحباتقا شاقىرعانىن ايتتى. مەندە ٶز باعىمدى سىناپ كٶرۋگە شەشٸم قابىلدادىم. بٸراق مەنٸ نەگٸزگٸ ٷمٸتكەر رەتٸندە قاراستىرىپ جاتقانىن تاعايىنداۋدان ٷش كٷن بۇرىن بٸلدٸم", - دەدٸ سەرعازيەۆا.
ول ٶزٸ تۋرالى ايتىلاتىن "بايدىڭ قىزى, ىقپالدى تۋىستارى بار" دەگەن سەكٸلدٸ قاۋەسەتتەرگە توقتالدى.
"بۇل ايتىلعاندار جالعان. يپوتەكادا پەتەرٸم بار, زەينەتكەر اتا-انام ورالدا تۇرادى, قاراپايىم ساۋدا نٷكتەلەرٸنەن العان سٶمكەلەرٸم, تيففانيدٸڭ كٷمٸس ەشەكەيلەرٸ بار. مەن شەنەۋنٸك بولعان ەمەسپٸن, كٷيەۋٸم دە, بالالارىم دا جوق, جالاقىمدى ٶزٸمە جۇمسايمىن.
مەملەكەتتٸك قىزمەتكە نە ٷشٸن كەلدٸڭٸز? ەلٸمٸزدٸ جاقسى جاققا ٶزگەرتۋ ٷشٸن, ٶسكەلەڭ ۇرپاقتىڭ ٶكٸلٸ رەتٸندە دامۋعا ٷلەس قوسقىم كەلەدٸ", - دەدٸ شەنەۋنٸك.
سەرعازيەۆانىڭ ايتۋىنشا, جاڭا لاۋازىمدا ول مەملەكەتتٸك قىزمەتتە مەريتوكراتيياعا جەتۋگە نيەتتٸ. ول ٷشٸن كەلەسٸ مٸندەتتەردٸ شەشۋدٸ جوسپارلاپ وتىر:
- تسيفرلاندىرۋ ارقىلى مەملەكەتتٸك قىزمەتشٸلەردٸ ٸرٸكتەۋ/قابىلداۋ/جۇمىستان شىعارۋ پروتسەسٸن اشىق ەتۋ;
- مقٸا مەملەكەتتٸك قىزمەتتەردٸڭ ساپاسىن باعالاۋ سالاسىنداعى ۋەكٸلەتتٸ ورگان بولىپ تابىلاتىندىقتان, مەملەكەتتٸك ورگاندارعا اقپارات ۇسىنا وتىرىپ, مەملەكەتتٸك قىزمەتتەردٸڭ ساپاسى تۋرالى كەرٸ بايلانىستى جيناۋ پروتسەسٸن تسيفرلاۋ (كليەنتكە باعدارلانۋ);
- مەملەكەتتٸك قىزمەتتٸڭ اشىقتىعى مەن ايقىندىعىنا قول جەتكٸزۋ ٷشٸن تسيفرلاندىرۋدا مەملەكەتتٸك قىزمەتشٸلەردٸڭ بٸلٸكتٸلٸگٸن ارتتىرۋ.
"ٶز جۇمىسىم تۋرالى ايتا وتىرىپ جەنە جۇرتشىلىقپەن اقىلداسا وتىرىپ, اشىقتىق پەن ايقىندىقتىڭ ٷلگٸسٸ بولۋعا تىرىسامىن. ٸستەر مەن نەتيجەلەردٸ تالقىلايىق. مەن ەرقاشان سىندارلى ديالوگقا اشىقپىن", - دەپ تٷيٸندەدٸ ول.
