قر دەنساۋلىق ساقتاۋ مينيسترٸ ەلجان بٸرتانوۆ پرەزيدەنت تاپسىرماسى اياسىندا قاي قىزمەتكەرلەردٸڭ جالاقىسى كٶتەرٸلەتٸنٸن ايتتى. بٷگٸن «نۇر وتان» پارتيياسىنىڭ XVIII سەزٸندە مەملەكەت باسشىسى نۇرسۇلتان نازارباەۆ 1 شٸلدەدەن باستاپ جالاقىسى تٶمەن بيۋدجەتتٸك سالا قىزمەتكەرلەرٸنٸڭ ايلىعىن 30 پروتسەنتكە كٶتەرۋدٸ تاپسىردى, دەپ xابارلايدى قازاقپارات تٸلشٸسٸ.
«ەلباسى تٸكەلەي تاپسىرما بەرٸپ جاتىر. بيۋدجەتتٸك سالا قىزمەتكەرلەرٸنٸڭ جالاقىسىن 30 پروتسەنتكە كٶتەرۋ كەرەك. جالپى, بٷگٸندە بٸزدٸڭ سالادا 60 مىڭنان استام دەرٸگەر جۇمىس ٸستەيدٸ. سونىمەن قاتار, 170 مىڭ مەيٸربيكە بار. بۇدان بٶلەك, سانيتارلار, ينجەنەرلەر, بۋxگالتەر-ەكونوميستەر بار, قوسىمشا 400 مىڭنان اسا ادام ەڭبەك ەتەدٸ. ەرينە, كٶبٸنٸڭ جالاقىسى 100 مىڭنان تٶمەن. بٸرٸنشٸدەن, وسى تٸزٸمدەردٸ قاراپ, ەسەپ-قيسابىن جاساپ, ٸسكە اسىرۋعا دايىندايمىز. وسى ماقساتتا قوسىمشا قارجى بٶلٸندٸ. بيىل 1 شٸلدەدەن باستاپ تٶمەن جالاقى الاتىن بارلىق مەديتسينا سالاسىنىڭ قىزمەتكەرلەرٸ قوسىمشا ٷستەمەاقى الادى», - دەدٸ ە.بٸرتانوۆ جۋرناليستەرگە بەرگەن سۇxباتىندا.
مينيستردٸڭ ايتۋىنشا, اعىمداعى جىلى 1 قاڭتاردا مەديتسينا قىزمەتكەرلەرٸنٸڭ جالاقىسىن 20 پروتسەنتكە كٶتەرۋ شارالارى باستالدى.
«ونى ماڭىزدى اۋرۋلار بويىنشا ارنايى باعدارلامانى وقىعان دەرٸگەرلەر مەن مەيٸربيكەلەرگە قوسىپ جاتىرمىز. قازٸرگٸ كەزدە قىزمەتكەرلەردٸڭ 17 پروتسەنتٸ وقۋدان ٶتٸپ, جالاقىعا قوسىمشا 20 پروتسەنتتٸك ٷستەمەاقىنى الدى. ەندٸ ەلباسى تٶمەن جالاقى الاتىن بيۋدجەتتٸك مەكەمە قىزمەتكەرلەرٸنٸڭ جالاقىسىن 30 پروتسەنتكە كٶتەرۋدٸ تاپسىرىپ وتىر. بۇل - ٶتە قۋانىشتى جاعداي», - دەپ اتاپ كٶرسەتتٸ ە.بٸرتانوۆ.
ايتا كەتەيٸك, بٷگٸن مەملەكەت باسشىسى نۇرسۇلتان نازارباەۆ جالاقىسى تٶمەن بيۋلجەتتٸك سالا قىزمەتكەرلەرٸنٸڭ ايلىعىن كٶتەرۋ ٷشٸن قوسىمشا قارجى بٶلۋدٸ جٷكتەدٸ.
«وسى جىلدان باستاپ قاڭتار ايىندا بازالىق ايلىق مٶلشەرٸن بٸر جارىم ەسەگە ٶسٸردٸك. مۇعالٸمدەردٸڭ ايلىعىن 30 پايىزعا, بٸلٸكتٸلٸگٸن ارتتىرعان ۇستازدارعا 50 پايىزعا ارتتىردىق. دەمەك, وسى ساناتتاعى ازاماتتاردىڭ كٸرٸسٸ ايتارلىقتاي ٶستٸ. بۇل باعدارمادا بٸر ميلليون ازاماتتىق قىزمەتكەردٸ قامتيدى. وسى جىلدىڭ 1 شٸلدەسٸنەن باستاپ بيۋدجەت سالاسىنداعى ايلىعى تٶمەن قىزمەتكەرلەردٸڭ جالاقىسىن 30 پايىزعا ارتتىرۋدى تاپسىرامىن. بٸز ولاردى قولداۋىمىز كەرەك. وسى ماقساتتا 2019-2021 جىلدارى قوسىمشا 980 ملرد تەڭگە بٶلٸنەتٸن بولادى», - دەدٸ نۇرسۇلتان نازارباەۆ «نۇر وتاننىڭ» كەزەكتٸ سەزٸندە.
بۇدان بٶلەك, دەنساۋلىق ساقتاۋ سالاسىن دامىتۋعا قوسىمشا 120 ملرد تەڭگە بٶلٸنەدٸ.
