قر بٸلٸم جەنە عىلام مينيسترٸ اسحات ايماعامبەتوۆ بيىل وقۋشىلارعا اتتەستات تاپسىرۋ رەسٸمٸ قالاي ٶتەتٸنٸن ايتىپ بەردٸ, دەپ حابارلايدى "ۇلت اقپارات".
«وسىعان دەيٸن وقۋ جىلىنىڭ اياقتالۋىنا وراي, 25 مامىردا دەستٷرلٸ تٷردە سوڭعى قوڭىراۋ سوعىلىپ كەلدٸ, ياعني مەكتەپ بٸتٸرەتٸن 9 جەنە 11-سىنىپ وقۋشىلارى بار. ەلٸمٸزدە تٶرتٸنشٸ توقسان قاشىقتان وقىتۋ فورماتىندا ٶتٸپ جاتىر جەنە 25 مامىردا مەكتەپتە ەشكٸم بولمايدى. دەستٷرلٸ فورماتتا مەكتەپتە قوڭىراۋ سوعىلمايدى. 25 مامىردا سوڭعى قوڭىراۋدى ونلاين فورماتتا ٶتكٸزۋدٸ جوسپارلاپ وتىرمىز», - دەدٸ ا. ايماعامبەتوۆ ونلاين تەرتٸپتە ٶتكەن باسپاسٶز مەسليحاتىندا.
سونىمەن قاتار مينيستر اتتەستات تاپسىرۋ شارالارىنا قاتىستى توقتالدى.
«3-4 ماۋسىمدا 11 سىنىپ ٷشٸن اتتەستات تاپسىرۋ سالتاناتى ٶتكٸزٸلەدٸ. وسى ورايدا دەنساۋلىق ساقتاۋ مينيسترلٸگٸمەن كەڭەس جٷرگٸزدٸك. قازٸرگٸ جاعدايعا قاراماستان, اتالعان مەرزٸمدە 11 سىنىپقا ارناپ اتتەستاتتى سالتاناتتى تٷردە تاپسىرۋ رەسٸمٸن ٶتكٸزۋدٸ جوسپارلىپ وتىرمىز. سونىمەن بٸرگە ولار ٷشٸن سوڭعى قوڭىراۋدى ۇيىمداستىرامىز», - دەپ تٷسٸندٸردٸ ۆەدومستۆو باسشىسى.
ونىڭ سٶزٸنە قاراعاندا, اتالعان شارا اياسىندا بٸرقاتار شەكتەۋلەر بولادى.
«سانيتارلىق تالاپتار قاتاڭ ساقتالادى. بالالاردىڭ, پەداگوگتاردىڭ قاۋٸپسٸزدٸگٸنە ايرىقشا ەكپٸن قويامىز, مەديتسينالىق ماسقا تاعۋ مٸندەتتٸ بولادى. بۇل شارا اۋلادا, ياعني اشىق كەڭٸستٸكتە ٶتەدٸ. ەر سىنىپ ٶزٸنٸڭ شاراسىن جەكەلەي ۇيىمداستىرادى. اراقاشىقتىقتى ساقتاۋ ٷشٸن ارنايى بەلگٸلەر قويىلادى», - دەدٸ مينيستر.
بۇدان بۇرىن حابارلانعانداي, 11-سىنىپ تٷلەكتەرٸنە اتتەستات 3-4 ماۋسىمدا تاپسىرىلادى.
