“قازگيدرومەت” رمك باسپاسٶز حاتشىسى الينا يسماعۇلوۆا بٷگٸن ٶڭٸرلەردە اۋا رايى قالاي قۇبىلاتىنىن باياندادى دەپ حابارلايدى "ۇلت اقپارات".
"اتموسفەرالىق فرونتالدى بٶلٸمدەرمەن قر سولتٷستٸك جەنە وڭتٷستٸك ٶڭٸرلەرٸندە تۇراقسىز اۋا-رايى كٷتٸلەدٸ, نايزاعايمەن جاڭبىر جاۋادى, وڭتٷستٸكتٸڭ, وڭتٷستٸك-شىعىستىڭ تاۋلى ايماقتارىندا جاڭبىر مەن قار تٷرٸندە جاۋىن-شاشىن, وڭتٷستٸك-شىعىستا كەي ۋاقىتتاردا قاتتى جاۋىن-شاشىن جاۋادى. ەلٸمٸزدٸڭ باتىسىنا, شىعىسىنا, ورتالىعىنا انتيتسيكلون ەسەر ەتەدٸ, ونىمەن جاۋىن-شاشىنسىز اۋا-رايى كٷتٸلەدٸ. رەسپۋبليكا بويىنشا جەلدٸڭ كٷشەيۋٸ, وڭتٷستٸگٸندە, وڭتٷستٸك-شىعىسىندا بۇرشاق, وڭتٷستٸگٸندە داۋىل, شاڭدى داۋىل, وڭتٷستٸك-شىعىسىندا تۇمان كٷتٸلەدٸ", -دەدٸ الينا يسماعۇلوۆا.
سونىمەن قاتار, جامبىل وبلىسىنىڭ تٷندە شىعىسىندا, تاۋلى اۋداندارىندا 2 گرادۋس ٷسٸك كٷتٸلەدٸ ەكەن. ماڭعىستاۋ وبلىسىنىڭ باسىم بٶلٸگٸندە, قىزىلوردا وبلىسىنىڭ ورتالىعىندا, وڭتٷستٸگٸندە, تٷركٸستان وبلىسىنىڭ سولتٷستٸگٸندە, اتىراۋ وبلىسىنىڭ وڭتٷستٸگٸندە جوعارى ٶرت قاۋٸپٸ ساقتالادى, جەتٸسۋ وبلىسىنىڭ سولتٷستٸگٸندە, اباي, قاراعاندى وبلىستارىنىڭ وڭتٷستٸگٸندە جوعارى ٶرت قاۋٸپٸ كٷتٸلەتٸن كٶرٸنەدٸ.
