“Qazgidromet” RMK baspasóz hatshysy Alina Ismaǵulova búgin óńirlerde aýa raiy qalai qubylatynyn baiandady dep habarlaidy "Ult Aqparat".
"Atmosferalyq frontaldy bólimdermen QR soltústik jáne ońtústik óńirlerinde turaqsyz aýa-raiy kútiledi, naizaǵaimen jańbyr jaýady, ońtústiktiń, ońtústik-shyǵystyń taýly aimaqtarynda jańbyr men qar túrinde jaýyn-shashyn, ońtústik-shyǵysta kei ýaqyttarda qatty jaýyn-shashyn jaýady. Elimizdiń batysyna, shyǵysyna, ortalyǵyna antitsiklon áser etedi, onymen jaýyn-shashynsyz aýa-raiy kútiledi. Respýblika boiynsha jeldiń kúsheiýi, ońtústiginde, ońtústik-shyǵysynda burshaq, ońtústiginde daýyl, shańdy daýyl, ońtústik-shyǵysynda tuman kútiledi", -dedi Alina Ismaǵulova.
Sonymen qatar, Jambyl oblysynyń túnde shyǵysynda, taýly aýdandarynda 2 gradýs úsik kútiledi eken. Mańǵystaý oblysynyń basym bóliginde, Qyzylorda oblysynyń ortalyǵynda, ońtústiginde, Túrkistan oblysynyń soltústiginde, Atyraý oblysynyń ońtústiginde joǵary órt qaýipi saqtalady, Jetisý oblysynyń soltústiginde, Abai, Qaraǵandy oblystarynyń ońtústiginde joǵary órt qaýipi kútiletin kórinedi.
