قاڭتار وقيعالارى سالدارىنان 273 پوليتسييا قىزمەتكەرٸ مەن ەسكەري قىزمەتشٸ مٷگەدەك بولىپ قالدى. بۇل تۋرالى قر ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ ايتتى, دەپ حابارلايدى قازاقپارات.
«بۇعان دەيٸن اتاپ ٶتكەندەي تەرتٸپسٸزدٸكتەر بارىسىندا 3 مىڭنان استام قۇقىق قورعاۋ ورگاندارى قىزمەتكەرلەرٸ جەنە ەسكەري قىزمەتشٸلەر ەرتٷرلٸ دەنە جاراقاتتارىن الدى. ونىڭ ٸشٸندە اتىس جەنە پىشاقتاۋ جاراقاتتارى, سونداي-اق باسقا دا اۋىر زارداپتار بار. قازٸرگٸ ۋاقىتتا مەديتسينالىق مەكەمەلەردە جاپپاي تەرتٸپسٸزدٸكتەر بارىسىندا اۋىر جاراقات العان 273 قىزمەتكەر مەن ەسكەري قىزمەتشٸ ەمدەلۋدە. ولاردىڭ بٸر بٶلٸگٸ وسى ۋاقىتقا دەيٸن جان ساقتاۋ بٶلٸمٸندە. ٶكٸنٸشكە وراي ولار ارى قاراي جۇمىس جاساي المايدى, ٸس جٷزٸندە مٷگەدەك بولىپ قالدى», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, پوليتسييا قىزمەتكەرلەرٸ مەن ەسكەريلەردٸ قاتىگەزدٸكپەن ۇرىپ-سوعۋدىڭ, سونداي-اق ەكٸمشٸلٸك جەنە ٶزگە عيماراتتارعا شابۋىل جاساۋدىڭ كادرلارى ەلەۋمەتتٸك جەلٸلەردە جەتكٸلٸكتٸ مٶلشەردە بار. ولاردىڭ كٶپشٸلٸگٸن تەرتٸپسٸزدٸكتەرگە قاتىسۋشىلاردىڭ ٶزدەرٸ تاراتتى.
«باسقا مەلٸمەتتەرمەن قاتار وسى بەينەجازبالار بويىنشا قىلمىستىق شابۋىلدارعا قاتىسقان ادامدار انىقتالۋدا. مەسەلەن, اتىراۋدا قالانىڭ ورتالىق كٶشەلەرٸنٸڭ بٸرٸندە 5-شٸ قاڭتاردا وبلىستىق ەكٸمدٸك عيماراتىن قورعاۋعا تارتىلعان پوليتسييا قىزمەتكەرلەرٸن توپ بولىپ قاتىگەزدٸكپەن ۇرىپ-سوققان وسى قالانىڭ ەكٸ تۇرعىنى ۇستالدى. بەينەدە كٶرٸنٸپ تۇرعانداي, شابۋىلداۋشىلار بٸر قىزمەتكەردٸ جەرگە جاتقىزىپ, ونى تەۋٸپ, تاياقپەن ۇرعان. ەكٸنشٸسٸن اياقپەن, قولمەن, سونداي-اق كاسكامەن باسىنان ۇرىپ, اۋىر زاقىم كەلتٸرگەن. سول قالادا تەرتٸپسٸزدٸككە قاتىسۋشىلار جەدەل جەردەم اۆتوماشيناسىن بۇعاتتاپ, اۋرۋحاناعا جەتكٸزٸلٸپ بارا جاتقان جاراقاتتانعان پوليتسييا قىزمەتكەرلەرٸن قايتا ۇرىپ-سوققان. وسى فاكتٸلەر بويىنشا اتىراۋ قالاسىنىڭ تٶرت تۇرعىنى انىقتالدى, ولار سوتتىڭ سانكتسيياسىنان قاماۋعا الىندى», - دەدٸ دەپارتامەنتٸ باستىعى.
سانجار ەدٸلوۆتٸڭ دەرەگٸنشە, قىزىلوردادا 5 قاڭتاردا ەسكەريلەردەن تارتىپ الىنعان «كاماز» ارنايى اۆتوماشيناسىن قوعامدىق تەرتٸپتٸ قورعاۋدى قامتاماسىز ەتكەن قىزمەتكەرلەر تٸزبەگٸن باسىپ ٶتۋگە باعىتتاعان وسى قالانىڭ تۇرعىنى ۇستالدى. كٶلٸكپەن باسىپ كەتۋدٸڭ نەتيجەسٸندە ۇلتتىق ۇلاننىڭ 19 جاسار ەسكەري قىزمەتشٸسٸ وقيعا ورنىندا كٶز جۇمدى.
«اتا-اناسى جالعىز ۇلىنان ايرىلدى, تٸرٸ كٷنٸندە ول باعدارلاما جاساۋمەن اينالىسۋشى ەدٸ جەنە فيلوسوفييامەن ەۋەستەنگەن. قاراعاندى مەملەكەتتٸك تەحنيكالىق ۋنيۆەرسيتەتٸندە وقىدى. ٶمٸرگە ٷلكەن جوسپارلار جاساپ, ٸت-مامان بولۋدى ارمانداعان ەدٸ», - دەدٸ ول.
«سول كٷنٸ وسى قالانىڭ تاعى بٸر شابۋىلشىسى ەسكەريلەردەن باسقا «كاماز» اۆتوماشيناسىن تارتىپ الىپ, جەدەل باسقارۋ ورتالىعىنىڭ جۇمىسىنا كەدەرگٸ جاساۋ ماقساتىندا ەلەكتر باعانىن قاساقانا سوعىپ, بەينەباقىلاۋ كامەرالارىن ٸستەن شىعاردى. ودان سوڭ جەرگٸلٸكتٸ پوليتسييا قىزمەتٸنٸڭ عيماراتىن باسىپ الۋ ماقساتىندا قورشاۋدىڭ قاقپاسىن سوقتى. ەكٸ وقيعا بويىنشا دا كٷدٸكتٸلەر سوت سانكتسيياسىمەن قاماۋعا الىندى, بەينەجازبالار ولاردىڭ كٸنەسٸن دەلەلدەيدٸ», - دەدٸ دەپارتامەنت باستىعى.
ونىڭ اتاپ ٶتۋٸنشە, وسىعان ۇقساس فاكتٸلەر ەلٸمٸزدٸڭ بٸرقاتار ٶڭٸرٸندە, ەسٸرەسە الماتىدا ورىن الدى.
«مىسالى, وسى قالادا جاپپاي تەرتٸپسٸزدٸكتەر بارىسىندا قىزمەتكەرلەرگە دەنە جاراقاتتارىن كەلتٸرۋ ٷشٸن مەتالل كەسٸندٸلەرٸن ەزٸرلەپ, قالانىڭ كٶشەلەرٸندە «گازەل» اۆتوماشيناسىمەن جٷرٸپ, ولاردى نارازىلىق بٸلدٸرۋشٸلەرگە تاراتقان التى ادام ۇستالدى», - دەدٸ سانجار ەدٸلوۆ.
