فوتو: dalanews.kz
قازاقستاندا 25 قازاندا ۇلتتىق مەرەكە – رەسپۋبليكا كٷنٸ اتالىپ ٶتەدٸ. بيىل رەسپۋبليكا كٷنٸ سەنبٸگە تٷسٸپ وتىر. بۇل دەمالىس كٷنٸن دٷيسەنبٸ, 27 قازانعا اۋىستىرۋ ەسەبٸنەن قوسىمشا بٸر كٷن دەمالىس بەرەدٸ. نەتيجەسٸندە قازاقستاندىقتار ٷش كٷن قاتارىنان: 25, 26 جەنە 27 قازاندا دەمالادى. وسى ورايدا Ult.kz دەمالىس كٷندەرٸ استانا مەن الماتىدا دەمالىس ٷشٸن باراتىن جەرلەردٸ ۇسىنادى.
بيىل رەسپۋبليكا كٷنٸ اياسىندا ەلٸمٸزدٸڭ قوس مەگاپوليسٸ الماتى مەن استانا تۇرعىندارى مەن قوناقتارى ٷشٸن ەرەكشە مازمۇندى ەرٸ كەڭ اۋقىمدى مەرەكەلٸك باعدارلاما ەزٸرلەنگەن. قالا كٶشەلەرٸ مەن مەدەني نىسانداردا وتباسىلىق سەرۋەندەر, جەرمەڭكەلەر, كونتسەرتتەر مەن ەكولوگييالىق اكتسييالار ٶتٸپ جاتىر.
استانادا ٶتەتٸن شارالار
ەلوردا تۇرعىندارى ٷشٸن دە رەسپۋبليكا كٷنٸ ەرەكشە كٶڭٸل-كٷي سىيلاماق. 25 قازان كٷنٸ ەسٸل جاعالاۋىندا, Mega Silk Way جەنە Abu Dhabi Plaza ورتالىقتارىندا كونتسەرتتەر مەن جاپپاي مارافون ٶتەدٸ. سول كٷنٸ ا.مەمبەتوۆ اتىنداعى مەملەكەتتٸك دراما تەاترىندا «سەيگٷلٸك» قويىلىمى كٶرەرمەنگە جول تارتپاق.
25–27 قازان ارالىعىندا «دەۋلەت» تەننيس ورتالىعىندا ەۋەسقويلار اراسىندا تۋرنير ٶتەدٸ. قالا الاڭدارىندا ەسترادا جۇلدىزدارىنىڭ قاتىسۋىمەن كونتسەرتتەر مەن حالىقتىق سەرۋەندەر ۇيىمداستىرىلادى.
دەمالاتىن ورىندار
استانالىقتار ٷشٸن Central Park, Presidential Park, Triathlon Park جەنە ەسٸل جاعالاۋى – وتباسىلىق دەمالىستىڭ سٷيٸكتٸ مەكەندەرٸ. ال مەدەنيەت جانكٷيەرلەرٸ ۇلتتىق مۋزەيگە, EXPO ايماعىنداعى كٶرمەلەرگە جەنە Astana Opera ساحناسىنا ات باسىن بۇرا الادى.
كەشكٸ ۋاقىتتا بەيتەرەك الاڭى مەن Love Park رومانتيكالىق سەرۋەن ٷشٸن ەرەكشە اتموسفەرا سىيلايدى. قالانىڭ اسپانمەن استاسقان شامدارى مەرەكەلٸك كٶڭٸل-كٷيدٸ ودان ەرٸ ارتتىرىپ, رەسپۋبليكا كٷنٸن ەل تەۋەلسٸزدٸگٸنٸڭ, بٸرلٸكتٸڭ جەنە جاڭا جەتٸستٸكتەردٸڭ نىشانى رەتٸندە ايشىقتاي تٷسەدٸ.
الماتىدا ٶتەتٸن شارالار
25–27 قازان ارالىعىندا الماتىدا رەسپۋبليكا كٷنٸنٸڭ 35 جىلدىعىنا ارنالعان اۋقىمدى ٸس-شارالار ٶتەدٸ. مەرەكە 25 قازاندا ساعات 11:00-دە «مەدەۋ» سپورت كەشەنٸندە مەملەكەتتٸك تۋدى كٶتەرۋ جەنە ەنۇراندى ورىنداۋ رەسٸمٸنەن باستاۋ الادى. وسىدان كەيٸن رەسپۋبليكا سارايىنىڭ الدىنداعى الاڭدا «اتامەكەن» پاتريوتتىق اكتسيياسى ۇيىمداستىرىلماق.
قالانىڭ باستى مەرەكەلٸك الاڭدارىنىڭ بٸرٸ — جٸبەك جولى كٶشەسٸندە ٶتەتٸن قولٶنەرشٸلەر مەن سۋرەتشٸلەر جەرمەڭكەسٸ. مۇندا سەندٸك-قولدانبالى ٶنەر تۋىندىلارى, ۇلتتىق ناقىشتاعى بۇيىمدار مەن زاماناۋي شىعارماشىلىق ٷلگٸلەر ۇسىنىلادى.
ال قالاداعى ون ٸرٸ ساۋدا جەنە ويىن-ساۋىق ورتالىقتارى — Forum, Aport Mall East, MEGA Almaty, Moskva Metropolitan, MEGA Park, Mart, Grand Park, Sputnik, Asia Park سيياقتى ورىندار كەلۋشٸلەرگە كونتسەرتتەر, جەرمەڭكەلەر, بالالارعا ارنالعان باعدارلامالار جەنە ارنايى جەڭٸلدٸكتەر ۇسىنادى.
رەسپۋبليكا كٷنٸنە وراي ۇيىمداستىرىلاتىن اۋىل شارۋاشىلىعى جەرمەڭكەسٸ قازىبەك بي كٶشەسٸندە (ابىلاي حان داڭعىلىنان پانفيلوۆ كٶشەسٸنە دەيٸن) ٷش كٷن بويى جالعاسادى. وندا تٶرت ٶڭٸردەن كەلگەن 15 اۋداننىڭ فەرمەرلەرٸ مەن اۋىل شارۋاشىلىعى ٶندٸرۋشٸلەرٸ 400 تونناعا جۋىق ٶنٸم ۇسىنادى. ەت, سٷت, كٶكٶنٸس, جەمٸس-جيدەك جەنە باسقا دا 50-دەن استام ٶنٸم تٷرٸن الماتىلىقتار تاڭعى 08:00-دەن كەشكٸ 17:00-گە دەيٸن تٸكەلەي ٶندٸرۋشٸدەن ساتىپ الا الادى.
مەدەني ورىندار
الماتىلىقتار مەن قالا قوناقتارى ٷشٸن مەرەكە كٷندەرٸ تابيعات اياسىندا تىنىعۋعا دا تاماشا مٷمكٸندٸك بار. كٷزگٸ بوياۋعا بٶلەنگەن بوتانيكالىق باق پەن ورتالىق مەدەنيەت جەنە دەمالىس ساياباعى جاياۋ سەرۋەندەۋگە ٶتە قولايلى بولسا, پرەزيدەنت ساياباعى مەن جاروكوۆتاعى سكۆەرلەر قالا ورتاسىنداعى تىنىشتىق مەكەنٸ ٸسپەتتٸ.
مەدەنيەت سٷيەر قاۋىم ٷشٸن قاستەەۆ اتىنداعى ٶنەر مۋزەيٸ, Aspan Gallery, Arvest گالەرەيالارى زاماناۋي جەنە كلاسسيكالىق ٶنەر كٶرمەلەرٸن ۇسىنادى. كەشكٸ ۋاقىتتا اباي اتىنداعى وپەرا جەنە بالەت تەاترى مەن Philarmonic Hall ساحنالارىندا مەرەكەلٸك كونتسەرتتەر مەن قويىلىمدار ٶتەدٸ.
