25 ادام «بولاشاق» ستيپەنديياسىنان ايىرىلدى. بۇل تۋرالى حالىقارالىق باعدارلامالار ورتالىعىنىڭ پرەزيدەنتٸ اينۇر كەربوزوۆا ايتتى, دەپ حابارلايدى "ۇلت اقپارات".
«شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسى ٶتتٸ. كوميسسييانىڭ كٷن تەرتٸبٸندە ەكٸ مەسەلە بولدى. بٸرٸنشٸ - كونكۋرستىق ٸرٸكتەۋدەن ٶتكەن ٷمٸتكەرلەرگە «بولاشاق» حالىقارالىق ستيپەنديياسىن تاعايىنداۋ تۋرالى, ەكٸنشٸ - «بولاشاق« حالىقارالىق ستيپەنديياسىنىڭ جەكەلەگەن يەلەرٸن كەلٸسٸمشارت مٸندەتتەمەسٸن ورىنداماۋىنا بايلانىستى ودان ايىرۋ تۋرالى. كونكۋرستىق ٸرٸكتەۋدٸڭ ەكٸ كەزەڭٸنەن سەتتە ٶتكەن 57 ٷمٸتكەرگە ستيپەندييا تاعايىندالدى», - دەدٸ اينۇر كەربوزاۆا وتىرىستان كەيٸن باق ٶكٸلدەرٸنە بەرگەن سۇحباتىندا.
سونىمەن قاتار ول ەكٸنشٸ مەسەلە بويىنشا كەلٸسٸمشارت مٸندەتتەمەسٸن ورىنداماعان 25 ستيپەنديياتقا قاتىستى جان-جاقتى قارالىپ, ولاردى ستيپەندييادان ايىرۋ تۋرالى شەشٸم قابىلدانعانىن اتاپ ٶتتٸ.
«ەكٸنشٸ مەسەلەگە قاتىستى ايتار بولسام, ول اكادەمييالىق باعدارلاما اياقتالعاننان كەيٸن ماگيستر دەرەجەسٸن الماعان, سونىمەن قاتار وقۋىن اياقتاماعان ستيپەنديياتتارعا قاتىستى بولدى. بٷگٸنگٸ كوميسسييا مۇنداي 25 شەشٸم شىعاردى. ولار كەلٸسٸمشارت مٸندەتتەمەلەرٸن ورىنداماعاندارى ٷشٸن ستيپەندييادان ايىرىلدى. ەندٸ ولارمەن مەملەكەت الدىنداعى بەرەشەكتەرٸن ٶتەتۋ بويىنشا جۇمىس جٷرگٸزٸلەدٸ. اتالعان ازاماتتار وقۋلارىنا جۇمسالعان بارلىق شىعىنداردى ٶتەۋٸ تيٸس», - دەدٸ ول.
