وسى جىلدىڭ بٸرٸنشٸ توقسانىندا 1055 رەسەي ازاماتى قازاقستانعا ۋاقىتشا تۇرۋعا ٶتٸنٸش بٸلدٸردٸ. بۇل ٶتكەن جىلدارمەن سالىستىرعاندا ەكٸ-ٷش ەسەگە كٶپ.
بۇل تۋرالى ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆ مەلٸمدەدٸ, دەپ حابارلايدى Sputnik قازاقستان.
مەجٸلٸس وتىرىسىندا دەپۋتاتتار ۋكرايناداعى وقيعاعا بايلانىستى اقپان-ناۋرىز ايلارىندا رەسەي مەن ۋكراينادان قانشا ازامات قازاقستانعا كەلگەنٸن, قانشا ادام ازاماتتىق پەن ىقتييارحات الۋعا ٶتٸنٸش بەرگەنٸن سۇرادى.
مارات قوجاەۆتىڭ ايتۋىنشا, بٸرٸنشٸ قاڭتاردان بەرٸ رەسپۋبليكاعا 457 مىڭ شەتەلدٸك كەلگەن. ونىڭ دەنٸ – كٶرشٸ ەلدەردەن, ەڭ كٶبٸ – ٶزبەكتەر, ەكٸنشٸ ورىندا – رەسەي ازاماتتارى.
"24 اقپاننان 11 سەۋٸرگە دەيٸن 130 مىڭ رەسەي ازاماتى ەلٸمٸزگە كٸرگەن. 120 مىڭنان استامى شىعىپ كەتتٸ. بىلتىرعى جىلمەن سالىستىرعاندا, بۇل كٶرسەتكٸش ەكٸ ەسە ٶسٸپ وتىر. بٸراق 2020-2021 جىلدارى پاندەميياعا بايلانىستى شەكارا جابىلعانىن بٸلەسٸزدەر. ال ونىڭ الدىڭعى جىلدارى – 2018-2019 جىلدارمەن سالىستىرعاندا, بۇل سان ٷش ەسەگە از. ول جىلدارى بٸرٸنشٸ توقساندا ەلٸمٸزگە رەسەيدەن 350-360 مىڭ ادام كٸرٸپ-شىعىپ تۇردى", - دەدٸ قوجاەۆ مەجٸلٸس وتىرىسىندا.
ال وسى جىلدىڭ بٸرٸنشٸ توقسانىندا ۋكراينادان قازاقستانعا 3481 ادام كەلگەن.
قوجاەۆ كەلتٸرگەن ستاتيستيكاعا سٷيەنسەك, بٷگٸندە 170 رەسەيلٸك جەنە جەتٸ ۋكرايندىق قازاقستان ازاماتتىعىن الۋعا ٶتٸنٸش بٸلدٸردٸ. بۇل ٶتكەن جىلدارداعى كٶرسەتكٸشپەن بٸردەي.
2019 جىلى رەسەيدەن 200-دەن استام ازامات قازاقستان ازاماتتىعىن الۋعا ٶتٸنٸش بٸلدٸرگەن.
بۇدان بٶلەك, قوجاەۆ بيىل قازاقستاندا ۋاقىتشا تۇرۋعا سۇرانىپ وتىرعان شەتەلدٸكتەر ازداپ ٶسكەنٸن اتاپ ٶتتٸ.
"ٶتكەن جىلدارى بٸر توقساندا 350-400 ادام ۋاقىتشا تۇرۋعا سۇرانسا, قازٸر مىڭنان اسىپ كەتتٸ. بيىل بٸرٸنشٸ توقساندا رەسەيدەن كەلگەن 1055 ادام بٸزدٸڭ ەلدە ۋاقىتشا تۇرۋعا سۇرانىپ جاتىر", - دەدٸ قوجاەۆ.
