استانانىڭ سارىارقا اۋدانىنا قارايتىن اۆتوماتيكا اۋىلىنداعى №6 ٷيدٸڭ تۇرعىنى قالا ەكٸمٸنٸڭ بٸرٸنشٸ ورىنباسارى سەرگەي حوروشۋنعا شاعىمداندى, دەپ حابارلايدى قازاقپارات تٸلشٸسٸ.
«22 جىل بويى جىلۋسىز تۇرۋ مٷمكٸن بە? جوق. 2014 جىلدان بەرٸ ٷيٸمٸزدٸ تۇرۋعا جارامسىز ەتٸپ تاپسىن دەپ جانتالاسىپ كەلەمٸن. اپاتتى ٷيلەر تٸزٸمٸنە 47% توزعان دەپ كٶرسەتەدٸ. بٸرٸنشٸدەن, كوميسسييا جالعان تەحنيكالىق اكت جاسادى. جىلۋ قۇبىرى تراسساسىنىڭ 80% توزعان دەپ جازىلعان. جىلۋ قۇبىرى جوق بولسا, قالاي توزادى? گاز جوق, ىستىق سۋ جوق, كەرٸز جٷيەسٸ ەكٸ جىلدان بەرٸ جەرتٶلەگە اعىپ جٷر. ٶز كٷشٸمٸزبەن جٶندەپ كٶردٸك, بٸراق قىس كەلٸسٸمەن جىلۋ بولماي, قۇبىرلار تاعى جارىلادى, تاعى دا جەرتٶلەگە بارىپ قۇيىلادى (...) مۇندا 6 ٷي, 1 بالاباقشا جەنە 1 دٷكەن بولدى. بەس ٷيدٸ اپاتتى دەپ تانىپ, باسقا جاققا كٶشٸردٸ. ال بٸزدٸڭ بەس قاباتتى ٷيدٸ قالدىردى. بٸز وندا مامونتتار سەكٸلدٸ قىرىلىپ قالاتىن شىعارمىز», - دەدٸ تۇرعىن بٸرٸنشٸ ورىنباساردىڭ ەسەپ بەرۋ جيىنىندا.
ٷي تۇرعىنى اپاتتى ٷيدە زەينەتكەرلەر تۇراتىنىن اتاپ ٶتتٸ. ولار قىس مەزگٸلٸندە «بۋرجۋيكا» پەشتەرٸن قولدانىپ, بەسٸنشٸ قاباتقا كٶمٸر تاسۋعا مەجبٷر بولادى.
سەرگەي حوروشۋن ٶز جاۋابىندا مەسەلەلٸ ٷي تۋرالى حاباردار ەكەنٸن ايتتى.
«بۇل بەس قاباتتى تۇرعىن ٷي دسك پانەلٸنەن تۇرعىزىلعان. كونسترۋكتسييالار بويىنشا تۇجىرىمداماعا سەيكەس مەسەلە تۋىندامادى. بٸراق, سٸز ٶتٸنٸش ايتىپ وتىرعاندىقتان, كەلەسٸ اپتادا ٶزٸم شىعىپ اۋداندىق ەكٸمدٸكپەن جەنە تۇرعىن ٷي ينسپەكتسيياسىمەن بارامىن. مەسەلەنٸ شەشۋگە تىرىسامىن», - دەپ جاۋاپ بەردٸ استانا ەكٸمٸنٸڭ بٸرٸنشٸ ورىنباسارى.
