ەلٸمٸز «جاسىل» ەنەرگەتيكانى ٶندٸرۋدٸ ودان ەرٸ دامىتا تٷسپەك. سونداي-اق, قازاقستاندا جاڭارتىلاتىن ەنەرگييا كٶزدەرٸن ٶندٸرۋ 15%-عا دەيٸن ۇلعايتۋ جوسپارى تۇر. وسى ورايدا وتاندىق ەنەرگەتيكا سالاسىن دامىتۋ تۋرالى قر پرەمەر-مينيسترٸ اسقار مامين سالا مينيسترلٸگٸ الدىنداعى مٸندەتپەن بٶلٸستٸ, دەپ حابارلايدى قازاقپارات.
«قازٸرگٸ تاڭدا ەلٸمٸزدە پوليپروپيلەن, پوليەتيلەن جەنە بۋتاديەن ٶندٸرۋ بويىنشا جالپى قۇنى 11 ملرد دوللاردى قۇرايتىن ٸرٸ جوبالار ٸسكە اسىپ جاتىر. بۇل جوبالاردىڭ سالانى دامىتۋ ٷشٸن ماڭىزى زور. سوندىقتان ولاردى ساپالى ٸسكە اسىرۋ, جوسپارلى قۋاتقا شىعۋ جەنە كەسٸپورىنداردى ٶتكٸزۋ نارىقتارىمەن قامتاماسىز ەتۋ قاجەت. قازٸرگٸ كەزدە ەلدە ەنەرگييا نەگٸزٸنەن كٶمٸر ەسەبٸنەن ٶندٸرٸلەدٸ. بۇل ورايدا قازٸرگٸ زامانعى كٶمٸرتەگٸ بەيتاراپتىعىنا قول جەتكٸزۋ ٷشٸن بٸزدٸڭ الدىمىزدا «جاسىل» ەنەرگەتيكانى دامىتۋ مٸندەتٸ تۇر», - دەدٸ ا. مامين.
ونىڭ ايتۋىنشا, ەنەرگەتيكا سالاسىنا قاتىستى زاڭنامالىق ٶزگەرٸستەردٸ قايتا پىسىقتاۋ قاجەت.
«بٷگٸندە جاڭارتىلاتىن ەنەرگييا كٶزدەرٸن ٶندٸرەتٸن 134 نىسان جۇمىس ٸستەپ تۇر. ونداعى جىلدىق ٶندٸرٸستٸڭ جالپى كٶلەمٸ 3,3 پايىزدى قۇرايدى. 2030 جىلى ونىڭ ٷلەسٸن 15 پايىزعا دەيٸن ۇلعايتۋ كەرەك. بۇل پروتسەستٸ جانداندىرۋ ٷشٸن جەكە ٶندٸرٸستٸك قاجەتتٸلٸكتەر ٷشٸن جاڭارتىلاتىن ەنەرگييا كٶزدەرٸ نىساندارىن سالۋعا قاتىستى زاڭنامالىق ٶزگەرٸستەردٸ پىسىقتاۋ قاجەت. قازاقستاننىڭ ەلەكتر ەنەرگەتيكاسى جٷيەسٸنٸڭ تۇراقتىلىعىن قامتاماسىز ەتۋ ٷشٸن وتىن-ەنەرگەتيكا كەشەنٸن تەزدەتٸپ جاڭعىرتۋ جەنە جاڭا قۋاتتاردى سالۋ قاجەت», - دەيدٸ ٷكٸمەت باسشىسى.
