مەملەكەتتٸك ۋنيۆەرسيتەتتەر بۇدان بىلاي جٶندەۋ جۇمىستارى مەن جالاقى شىعىندارىنا, ماتەريالدىق-تەحنيكالىق بازانى جاڭارتۋعا بيۋدجەتتەن قارجى سۇراي المايدى. قر بٸلٸم جەنە عىلىم مينيسترٸ اسحات ايماعامبەتوۆ ٷكٸمەت وتىرسىندا وسىنداي مەلٸمەت ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرماسى بويىنشا ستۋدەنتتەردٸڭ ستيپەنديياسى دا ەكٸ ەسەگە جۋىق ٶسٸپ, 2025 جىلعا قاراي تاعى دا ەكٸ ەسە, ال ماگيسترانتتار مەن دوكتورانتتاردىڭ شەكٸرتاقىسى 1,5 ەسە ارتادى», - دەگەن مينيستر جوعارى وقۋ ورىندارىن قارجىلاندىرۋ جٷيەسٸندەگٸ ٶزگەرٸستەرگە توقتالدى.
«قازاقستان ۋنيۆەرسيتەتتەرٸنٸڭ بەرٸ جان باسىنا شاعىپ قارجىلاندىرۋ جٷيەسٸنە كٶشتٸ. ۋنيۆەرسيتەتتەردٸ قانشا تالاپكەر تاڭداسا, سول مٶلشەردە عانا مەملەكەت تاراپىنان گرانت, ياعني قاراجات الادى. سەيكەسٸنشە, بٸزدٸڭ مەملەكەتتٸك جوعارى وقۋ ورىندارى جٶندەۋ جۇمىستارىن جٷرگٸزۋگە, جالاقىعا, ماتەريالدىق بازاسىن جاڭارتۋعا بيۋدجەتتەن تٸكەلەي قارجى المايدى. ولار جەكەمەنشٸك ۋنيۆەرسيتتەر سيياقتى تەك ستۋدەنتتەردٸڭ تاڭداۋىنا سەيكەس جان باسىنا شاعىپ قارجىلاندىرىلادى», - دەدٸ ۆەدومستۆو باسشىسى.
سونىمەن قاتار, ول ەلدەگٸ ەڭ ٸرٸ 28 مەملەكەتتٸك وقۋ ورنى كوممەرتسييالىق ەمەس اكتسيونەرلٸك قوعام رەتٸندە قايتا قۇرىلىپ, كورپوراتيۆتٸ باسقارۋ جٷەسٸنە كٶشكەنٸن ەسكە سالدى.
وسىنىڭ ارقاسىندا بۇل وقۋ ورىندارىندا بىلتىردان باستان باستى شەشٸمدەردٸ ديرەكتورلار كەڭەسٸ قابىلدايتىن بولعان.
ال رەكتور سول قابىلدانعان شەشٸمدەردٸ ٸسكە اسىرادى.
