Memlekettik ýniversitetter budan bylai jóndeý jumystary men jalaqy shyǵyndaryna, materialdyq-tehnikalyq bazany jańartýǵa biýdjetten qarjy surai almaidy. QR Bilim jáne ǵylym ministri Ashat Aimaǵambetov Úkimet otyrsynda osyndai málimet aitty, dep habarlaidy QazAqparat.
«Memleket basshysynyń tapsyrmasy boiynsha stýdentterdiń stipendiiasy da eki esege jýyq ósip, 2025 jylǵa qarai taǵy da eki ese, al magistranttar men doktoranttardyń shákirtaqysy 1,5 ese artady», - degen ministr joǵary oqý oryndaryn qarjylandyrý júiesindegi ózgeristerge toqtaldy.
«Qazaqstan ýniversitetteriniń bári jan basyna shaǵyp qarjylandyrý júiesine kóshti. Ýniversitetterdi qansha talapker tańdasa, sol mólsherde ǵana memleket tarapynan grant, iaǵni qarajat alady. Sáikesinshe, bizdiń memlekettik joǵary oqý oryndary jóndeý jumystaryn júrgizýge, jalaqyǵa, materialdyq bazasyn jańartýǵa biýdjetten tikelei qarjy almaidy. Olar jekemenshik ýniversitter siiaqty tek stýdentterdiń tańdaýyna sáikes jan basyna shaǵyp qarjylandyrylady», - dedi vedomstvo basshysy.
Sonymen qatar, ol eldegi eń iri 28 memlekettik oqý orny kommertsiialyq emes aktsionerlik qoǵam retinde qaita qurylyp, korporativti basqarý júesine kóshkenin eske saldy.
Osynyń arqasynda bul oqý oryndarynda byltyrdan bastan basty sheshimderdi direktorlar keńesi qabyldaityn bolǵan.
Al rektor sol qabyldanǵan sheshimderdi iske asyrady.
