قر پرەمەر-مينيسترٸ ا. ماميننٸڭ تٶراعالىعىمەن ٶتكەن ٷكٸمەت وتىرىسىندا «نۇرلى جەر» باعدارلاماسىن ٸسكە اسىرۋ بارىسى قارالدى, دەپ حابارلايدى "ۇلت اقپارات".
قر يندۋسترييا جەنە ينفراقۇرىلىمدىق دامۋ مينيسترٸ رومان سكليار وسى جىلى 6 اي ٸشٸندە تۇرعىن ٷي قۇرىلىسىنا 605,7 ملرد تەڭگە ينۆەستيتسييا تارتىلعانىن, بۇل 2018 جىلعى دەڭگەيدەن 15,5%-عا جوعارى ەكەنٸن ايتتى. 1 تەڭگە مەملەكەتتٸك قاراجاتقا 7,4 تەڭگە جەكە ينۆەستيتسييا تارتىلدى.
«وسى جىلدىڭ سوڭىنا دەيٸن 118 مىڭ تۇرعىن ٷي سالۋدى جوسپارلادىق. جارتى جىلدىق قورىتىندى بويىنشا 48 925 تۇرعىن ٷي بەرٸلدٸ. تۇرعىن ٷيدٸ ۋاقىتىلى بەرۋ ٷشٸن قۇرىلىس الاڭدارىنا ينجەنەرلٸك كوممۋنيكاتسييا جٷرگٸزۋگە 81,7 ملرد تەڭگە قاراستىرىلعان», — دەدٸ ر. سكليار.
جارتى جىلدىق قورىتىندى نەگٸزٸندە قارجىلاندىرۋ جوسپارى بويىنشا ٶڭٸرلەرگە 36,8 ملرد تەڭگە اۋدارىلدى, ونىڭ 35,8 ملرد تەڭگەسٸ نەمەسە 96,1% يگەرٸلدٸ.
«جاو-دا كەزەكتە تۇرعاندار ٷشٸن ساتىپ الماي جالعا بەرٸلەتٸن تۇرعىن ٷي سالۋعا جەنە ساتىپ الۋعا 32,8 ملرد تەڭگە كٶزدەلگەن. ٶڭٸرلەرگە 14,9 ملرد تەڭگە اۋدارىلدى, 14,8 ملرد تەڭگە نەمەسە 99% يگەرٸلدٸ. بيىل كەزەكتە تۇرعاندار ٷشٸن 6 مىڭ پەتەردٸ پايدالانۋعا بەرۋ جوسپارلانۋدا. 1 شٸلدەدە 924 پەتەر بەرٸلدٸ», — دەدٸ يندۋسترييا جەنە ينفراقۇرىلىمدىق دامۋ مينيسترٸ.
كٶپ بالالى وتباسىلار ٷشٸن جالعا بەرٸلەتٸن تۇرعىن ٷي سالۋعا جەنە ساتىپ الۋعا 50 ملرد تەڭگە قاراستىرىلدى. قارجىلاندىرۋ جوسپارى بويىنشا ٶڭٸرلەرگە 9,7 ملرد تەڭگە اۋدارىلدى, ونىڭ 9,6 ملرد تەڭگەسٸ نەمەسە 99,6% يگەرٸلدٸ. بارلىق كٶزدەردەن 7482 پەتەر بەرۋ جوسپارلانۋدا. مامىر ايىنان باستاپ 1619 كٶپبالالى وتباسىنا تۇرعىن ٷي بەرٸلدٸ.
سونىمەن قاتار, ر. سكليار جۇمىس ٸستەيتٸن جاستاردىڭ ەڭبەك ۇتقىرلىعىن قامتاماسىز ەتۋ ٷشٸن نۇر-سۇلتان, الماتى جەنە شىمكەنت قالالارىندا 2019-2021 جىلدارى جىلىنا 1 مىڭ جالدامالى پەتەر سالۋ جوسپارلانعانىن اتاپ ٶتتٸ.
«بۇل 2019, 2020 جەنە 2021 جىلدارى جۇمىسشى جاستارعا 3 مىڭ جالعا بەرٸلەتٸن پەتەر بەرۋگە مٷمكٸندٸك بەرەدٸ», — دەپ ناقتىلادى مينيستر.
از قامتاماسىز ەتٸلگەن وتباسىلاردى جىلدىق 2%-بەن جەڭٸلدٸكپەن نەسيەلەندٸرۋ اياسىندا تۇرعىن ٷي قۇرىلىس جيناق بانكٸنە 50 ملرد تەڭگە بٶلٸندٸ. ٶڭٸرلەر اراسىنداعى نەسيە بەرۋ ليميتتەرٸ كەزەكتەگٸلەر سانىنا بارا-بار انىقتالعان.
15 شٸلدەدە بانك تٶلەم قابٸلەتتٸلٸگٸن الدىن الا باعالاۋ بويىنشا كەزەكتە تۇرعانداردان ٶتٸنٸش قابىلداۋدى باستادى. قاراۋعا 9,9 ملرد تەڭگە سوماسىنا 920 ٶتٸنٸش تٷستٸ. نەسيە بەرۋگە 1 ملرد تەڭگەگە 91 ٶتٸنٸم ماقۇلداندى.
«2019 جىلى شامامەن 13 ملن شارشى مەتر تۇرعىن ٷي سالۋ جوسپارلانعان. بۇل ٶتكەن جىلعى كٶرسەتكٸشتەن 500 مىڭ شارشى مەترگە ارتىق. سونىمەن قاتار, تۇرعىن ٷي باعدارلاماسىنىڭ نەگٸزگٸ مٸندەتتەرٸنٸڭ بٸرٸ ەلەۋمەتتٸك باعىتقا نەگٸزدەلگەن. جىل سايىن 6 مىڭ از قامتىلعان وتباسى مەن 3 مىڭ جۇمىس ٸستەيتٸن جاستاردى باسپانامەن قامتاماسىز ەتۋ مٸندەتتەمەسٸن الدىق. مامىردان باستاپ ونى ٸسكە اسىرۋعا كٸرٸستٸك. بارلىق زاڭنامالىق نورمالار قابىلدانىپ, قاجەتتٸ قاراجات بٶلٸندٸ», - دەدٸ اسقار مامين ٷكٸمەت وتىرىسىندا.
وسى ورايدا ٷكٸمەت باسشىسى ەلەۋمەتتٸك باعىتتاعى تۇرعىن ٷي كٶلەمٸن تولىعىمەن بەرۋ جەنە ساتىپ الۋ بويىنشا ناقتى شارالاردى قابىلداۋ كەرەكتٸگٸن تاپسىردى.
بۇدان بٶلەك, پرەمەر-مينيستر تۇرعىن ٷيدٸ سالۋعا, ينجەنەرلٸك ينفراقۇرىلىمدى جەتكٸزۋگە ۋاقتىلى دايىندالۋدىڭ ماڭىزى زور ەكەنٸن اتاپ ٶتتٸ.
«مەملەكەت باسشىسى بارلىق تۇرعىن ٷي باعدارلامالارىن بٸرتۇتاس تۇرعىن ٷي ساياساتىنا بٸرٸكتٸرۋدٸ تاپسىردى. سوندىقتان بيىل 2025 جىلعا دەيٸنگٸ جاڭا «نۇرلى جەر» مەملەكەتتٸك باعدارلاماسى قابىلدانادى, ونىڭ اياسىندا 650 مىڭعا جۋىق وتباسى نەمەسە 2 ميلليوننان استام ادام جاڭا تۇرعىن ٷيمەن قامتاماسىز ەتٸلەدٸ», - دەدٸ اسقار مامين.
وسى ورايدا يندۋسترييا جەنە ينفراقۇرىلىمدىق دامۋ مينيسترلٸگٸنە مٷددەلٸ مەمورگاندارمەن جەنە ۇيىمدارمەن بٸرلەسٸپ, قىركٷيەكتە تيٸستٸ قاۋلى جوباسىن ٷكٸمەتكە ەنگٸزۋدٸ جٷكتەدٸ.
