فوتو: Halyq Uni
ەڭبەك جەنە حالىقتى ەلەۋمەتتٸك قورعاۋ مينيسترلٸگٸ 2024 جىلى قازاقستاندا زەينەتاقى مەن جەردەماقى قالاي ٶسەتٸنٸن ايتتى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"2024-2026 جىلدارعا ارنالعان رەسپۋبليكالىق بيۋدجەت تۋرالى زاڭدا 2024 جىلعى 1 قاڭتاردان باستاپ مەملەكەتتٸك جەردەماقىلار مەن بازالىق زەينەتاقى تٶلەمدەرٸنٸڭ بارلىق تٷرٸن قر ۇلتتىق بانكٸ ايقىندايتىن ينفلياتسييانىڭ بولجامدى دەڭگەيٸنە سەيكەس 7%-عا, ىنتىماقتى زەينەتاقىنى – 9%-عا, ياعني ينفلياتسييا دەڭگەيٸنەن 2%-عا ٸلگەرٸلەپ ارتتىرۋ كٶزدەلگەن.
2024 جىلى بيۋدجەتتەن تٶلەنەتٸن جيىنتىق زەينەتاقىنىڭ ورتاشا مٶلشەرٸ (بجزق تٶلەمدەرٸن ەسەپتەمەگەندە) 130 414 تەڭگەنٸ قۇرايدى (2023 جىلى – 120 838 تەڭگە).
بۇدان باسقا, مەملەكەت باسشىسىنىڭ تاپسىرماسى بويىنشا 2023 جىلدان باستاپ بەس جىل ٸشٸندە ەڭ تٶمەن بازالىق زەينەتاقىنى ەڭ تٶمەن كٷنكٶرٸس دەڭگەيٸنٸڭ 70%-نا دەيٸن, ەڭ جوعارى – 120%-عا دەيٸن جىل سايىن كەزەڭ-كەزەڭٸمەن ارتتىرۋ جٷزەگە اسىرىلادى" - دەلٸنگەن حابارلامادا.
مەسەلەن, 2024 جىلعى 1 قاڭتاردان باستاپ بازالىق زەينەتاقىنىڭ ەڭ تٶمەن مٶلشەرٸ ەڭ تٶمەن كٷنكٶرٸس دەڭگەيٸنەن 60%-دان 65%-عا دەيٸن ۇلعايتىلاتىن بولادى, بۇل 28 215 تەڭگەنٸ قۇرايدى, ال ەڭ جوعارى مٶلشەرٸ ەڭ تٶمەن كٷنكٶرٸس دەڭگەيٸنەن 100-دەن 105 %-عا دەيٸن ارتتىرىلىپ, 45 578 تەڭگەنٸ قۇرايدى.
2024 جىلعى 1 قاڭتاردان باستاپ مەملەكەتتٸك جەردەماقىلاردىڭ ۇلعايۋىنىڭ بٸرنەشە مىسالى:
- 1, 2, 3 بالانىڭ تۋۋىنا بەرٸلەتٸن جەردەماقى 131 100 تەڭگەدەن 140 296 تەڭگەگە دەيٸن, 4 جەنە ودان دا كٶپ بالا تۋۋىنا بەرٸلەتٸن جەردەماقى – 217 350 تەڭگەدەن 232 596 تەڭگەگە دەيٸن ۇلعايادى;
- مٶلشەرٸ بالالار سانىنا بايلانىستى كٶپبالالى وتباسىلارعا بەرٸلەتٸن جەردەماقى 4 بالاسى بار وتباسىلار ٷشٸن 55 304 تەڭگەدەن 59 183 تەڭگەگە دەيٸن, 10 بالاسى بار وتباسىلار ٷشٸن – 138 000 تەڭگەدەن 147 680 تەڭگەگە دەيٸن ۇلعايادى;
- I توپ مٷگەدەكتٸگٸ بار ادامدارعا ارنالعان جەردەماقى 89 248 تەڭگەدەن 95 496 تەڭگەگە دەيٸن, II توپ – 71 398 تەڭگەدەن 76 397 تەڭگەگە دەيٸن, III توپ – 48 681 تەڭگەدەن 52 089 تەڭگەگە دەيٸن ۇلعايتىلادى.
"سونداي-اق, مەملەكەتتٸك ەلەۋمەتتٸك ساقتاندىرۋ قورىنان (بۇدان ەرٸ – مەسق) اسىراۋشىسىنان ايىرىلۋ جەنە ەڭبەككە قابٸلەتتٸلٸگٸنەن ايىرىلۋ بويىنشا تٶلەمدەر 7%-عا ۇلعايتىلادى. اتالعان تٶلەمدەر مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋشىلارعا بيۋدجەتتەن بەرٸلەتٸن مەملەكەتتٸك جەردەماقىلارعا قوسىمشا جٷزەگە اسىرادى.
تٶلەمدەردٸڭ مٶلشەرٸ جەكە-جەكە جەنە مىنالارعا بايلانىستى بولادى: سوڭعى 2 جىلدا مەسق-عا ەلەۋمەتتٸك اۋدارىمدار جٷرگٸزٸلگەن ورتاشا ايلىق تابىس, ەڭبەككە قابٸلەتتٸلٸگٸنەن ايىرىلۋ كوەففيتسيەنتتەرٸ, اسىراۋىنداعى ادامدار سانى, مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋ ٶتٸلٸ جەنە تابىستى الماستىرۋ" - دەلٸنگەن حابارلامادا.
