فوتو: ©️ Tengrinews.kz / تۇرار قازانعاپوۆ
بٸرىڭعاي جيناقتاۋشى زەينەتاقى قورى 2024 جىلعا ارنالعان زەينەتاقى جيناقتارىنىڭ ەڭ تٶمەنگٸ جەتكٸلٸكتٸلٸك شەگٸ 2023 جىلعى دەڭگەيٸندە قالعانىن مەلٸم ەتتٸ, دەپ حابارلايدى "ۇلت اقپارات".
بۇل مەن بجزق سالىمشىسى زەينەتاقى جيناعىنان قانشا قاراجاتتى مەرزٸمٸنەن بۇرىن الا الاتىنىن انىقتاۋ ٷشٸن قاجەت.
جەتكٸلٸكتٸلٸك شەگٸ جاس ەرەكشەلٸكتەرٸنە قاراي 3-تەن 10 ميلليون تەڭگەگە دەيٸن بولادى.
"ەڭ تٶمەنگٸ جەتكٸلٸكتٸلٸك شەگٸنٸڭ مٶلشەرٸن بۇرىنعى دەڭگەيدە ساقتاۋ ٸشٸنارا كٸرٸستٸڭ بولجامدى جىلدىق پايىزدىق مٶلشەرلەمەسٸنٸڭ جوعارىلاۋىمەن دە بايلانىستى. وسىلايشا, بەكٸتٸلگەن ەلەۋمەتتٸك-ەكونوميكالىق كٶرسەتكٸشتەر مەن بولجامدى ەسەپتەۋلەردٸ ەسكەرە وتىرىپ, 2024 جىلعا ارنالعان ەڭ تٶمەنگٸ جەتكٸلٸكتٸلٸك شەگٸنٸڭ مٶلشەرٸ بۇرىنعى دەڭگەيدە ساقتالادى", - دەلٸنگەن قور حابارلاماسىندا.
2024 جىلعا ارنالعان ەلەۋمەتتٸك-ەكونوميكالىق كٶرسەتكٸشتەر:
1. ەڭ تٶمەنگٸ جالاقى مٶلشەرٸ - 85 000 تەڭگە;
2. مەملەكەتتٸك بازالىق زەينەتاقى تٶلەمٸنٸڭ ەڭ تٶمەنگٸ مٶلشەرٸ - 28 215 تەڭگە;
3. زەينەتاقىنىڭ ەڭ تٶمەنگٸ مٶلشەرٸ - 57 853 تەڭگە;
4. بازالىق ەلەۋمەتتٸك تٶلەمدەردٸڭ مٶلشەرٸن ەسەپتەۋ ٷشٸن ەڭ تٶمەنگٸ كٷنكٶرٸس دەڭگەيٸنٸڭ شاماسى – 43 407 تەڭگە.
ەستەرٸڭٸزگە سالا كەتەيٸك, تجش – بۇل اي سايىنعى زەينەتاقىنىڭ مٶلشەرٸن ەڭ تٶمەنگٸ زەينەتاقى مٶلشەرٸنەن كەم ەمەس دەڭگەيدە قامتاماسىز ەتۋگە قاجەتتٸ زەينەتاقى جيناقتارىنىڭ (مٸندەتتٸ زەينەتاقى جارنالارى ەسەبٸنەن قالىپتاستىرىلعان) ەڭ تٶمەنگٸ مٶلشەرٸ. بۇل ەلەۋمەتتٸك-ەكونوميكالىق كٶرسەتكٸشتەرگە, سونداي-اق بولاشاق زەينەتاقى جارنالارىنىڭ بولجامدى ەسەپتەۋلەرٸنە (ەڭ تٶمەنگٸ جالاقى مٶلشەرٸنەن) جەنە ينۆەستيتسييالىق تابىستىلىققا سٷيەنە وتىرىپ انىقتالاتىن زەينەتاقى جيناقتارىنىڭ باعالاۋ سوماسى. باسقاشا ايتقاندا, ەڭ تٶمەنگٸ جەتكٸلٸكتٸلٸك شەگٸ – بۇل سالىمشىنىڭ زەينەت جاسىنا جەتكەندە ەڭ تٶمەنگٸ زەينەتاقى مٶلشەرٸنەن كەم ەمەس زەينەتاقى تٶلەمدەرٸن (ەڭ تٶمەنگٸ بازالىق زەينەتاقى تٶلەمٸن ەسكەرە وتىرىپ) الۋى ٷشٸن شوتتا قالۋعا تيٸس ەڭ تٶمەنگٸ كٶرسەتكٸش.
ۆيدەو: بجزق باسپاسٶز قىزمەتٸ
