مەجٸلٸستە 2021-2023 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭ جوباسى قارالدى, دەپ حابارلايدى قازاقپارات.
ۇلتتىق ەكونوميكا مينيسترٸ ەسەت ەرعاليەۆتٸڭ ايتۋىنشا, 2021 جىلعا ارنالعان ماكروەكونوميكالىق كٶرسەتكٸشتەر مەن بيۋدجەتتٸك پارامەترلەر بولجامىنا ناقتىلاۋ ەنگٸزٸلٸپ وتىر. ماكروكٶرسەتكٸشتەر بولجامى ەل ەكونوميكاسىنىڭ ٶسۋٸ بويىنشا جەدەل دەرەكتەردٸ, ەلەمدٸك ەكونوميكا مەن نارىقتاعى ٷردٸستەردٸ ەسكەرە وتىرىپ, ناقتىلاندى.
«جالپى ٸشكٸ ٶنٸمنٸڭ ٶسۋ قارقىنى قاڭتار ايىنداعى مينۋس 4,5 پايىزدان بٸرٸنشٸ توقساننىڭ قورىتىندىسى بويىنشا مينۋس 1,6 پايىزعا دەيٸن جەتتٸ. ماكروكٶرسەتكٸشتەردٸ ناقتىلاۋ كەزٸندە مۇنايدىڭ ورتاشا جىلدىق باعاسى باررەلٸنە 50 دوللار دەڭگەيٸندە ايقىندالدى. دٷنيەجٷزٸلٸك بانك پەن حالىقارالىق ۆاليۋتا قورىنىڭ بولجامدارى بويىنشا ەلەمدٸك ەكونوميكانىڭ ٶسۋٸ بيىل 4,3% جەنە 6% قۇرايدى. جوعارىدا ايتىلعاندى ەسكەرە وتىرىپ, ەل ەكونوميكاسىنىڭ ٶسۋ بولجامى 2,8 پايىزدان 3,1 پايىزعا دەيٸن جاقساردى. وسىلايشا ەكونوميكالىق ٶسٸم قالپىنا كەلۋ ساتىسىندا بولادى», - دەدٸ ۇلتتىق ەكونوميكا مينيسترٸ مەجٸلٸستٸڭ جالپى وتىرىسىندا.
بۇل رەتتە نومينالدى جالپى ٸشكٸ ٶنٸم 77,8 ترلن تەڭگە كٶلەمٸندە باعالانۋدا.
سىرتقى سۇرانىستى قالپىنا كەلتٸرۋ اياسىندا مەتاللۋرگيياداعى ٶندٸرٸستٸڭ بەلسەندٸ ٶسۋٸ ەسەبٸنەن ٶڭدەۋشٸ ٶنەركەسٸپتەگٸ بولجامدى كٶرسەتكٸشتەر 4,1 پايىزدان 5,2 پايىزعا دەيٸن جاقساردى. قۇرىلىستا جوسپارلانعان 17 ملن شارشى مەتر تۇرعىن ٷيدٸڭ بەرٸلۋٸنە بايلانىستى بولجام 2,5%-دان 5%-عا دەيٸن جاقساردى. اقپارات پەن بايلانىستا IT قىزمەتتەرگە سۇرانىستىڭ ٶسۋ نەتيجەسٸندە بولجام 3,8%-دان 6,5%-عا دەيٸن ۇلعايدى.
ۇلتتىق بانكتٸڭ بولجامى بويىنشا ەكسپورت 10,8 ملرد دوللارعا ياعني 52,2 ملرد دوللارعا دەيٸن ۇلعايادى. يمپورت 37,1 ملرد دوللاردى كٶرسەتكەن.
ينفلياتسييا بۇرىن بەكٸتٸلگەن 4-6% دەلٸزدە ساقتالدى.
«تٷزەتٸلگەن ماكروەكونوميكالىق بولجام نەگٸزٸندە 2021 جىلعا ارنالعان رەسپۋبليكالىق بيۋدجەت پارامەترلەرٸنٸڭ بولجامى ناقتىلاندى. رەسپۋبليكالىق بيۋدجەت كٸرٸستەرٸ ترانسفەرتتەردٸ ەسەپكە الماعاندا, 2021 جىلى 7 204 ملرد تەڭگە كٶلەمٸندە باعالانادى. ۇلتتىق قوردان كەپٸلدەندٸرٸلگەن ترانسفەرت ٶزگەرمەيدٸ جەنە 2 700 ملرد تەڭگە مٶلشەرٸندە ساقتالدى. ۇلتتىق قوردان نىسانالى ترانسفەرت 1 ترلن تەڭگەدەن 1 850 ملرد تەڭگەگە دەيٸن ۇلعايادى. رەسپۋبليكالىق بيۋدجەت شىعىستارى 15 334 ملرد تەڭگە كٶلەمٸندە بولجانۋدا. بيۋدجەت تاپشىلىعى جالپى ٸشكٸ ٶنٸمگە قاتىستى 3,5% دەڭگەيٸندە بولجانىپ وتىر», - دەدٸ ەسەت ەرعاليەۆ.
