2021 جىلى مەملەكەت باسشىسىنىڭ تاپسىرمالارىن ورىنداۋعا 1,6 ترلن تەڭگە قاراستىرىلىپ وتىر. بۇل تۋرالى قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆ ايتتى, دەپ حابارلايدى قازاقپارات.
«پرەزيدەنتتٸڭ جولداۋدا بەرگەن تاپسىرمالارىن ورىنداۋ تيٸستٸ قارجىنى قاجەت ەتەدٸ. بيىلعى رەسپۋبليكالىق بيۋدجەتتە تيٸستٸ قارجى قاراستىرىلعان. مىسالى, تەز سالىناتىن 13 جاڭا ينفەكتسييالىق اۋرۋحاناعا 30 ملرد تەڭگە ەسكەرٸلگەن. ٷكٸمەت رەزەرۆٸنەن تابىسى از وتباسىلاردىڭ بالالارى ٷشٸن كومپيۋتەرلٸك تەحنيكانى ساتىپ الۋعا 70 ملرد تەڭگە بٶلٸندٸ. قازٸرگٸ كەزدە 2020 جىلعى بيۋدجەتتٸ ناقتىلاۋ اياسىندا قوسىمشى شىعىستاردى قامتاماسىز ەتۋ بويىنشا جۇمىستار جٷرگٸزٸلۋدە», - دەدٸ ول ٷكٸمەت ٷيٸندەگٸ ٶتكەن باسپاسٶز مەسليحاتىندا.
وسى ورايدا مەديتسينا قىزمەتكەرلەرٸنە قوسىمشا ٷستەماقى, دەرٸ-دەرمەك ساتىپ الۋ مەن باسقا دا قاجەتتٸلٸكتەر قامتىلعان. الدىن الا ەسەپتەۋلەر بويىنشا بيىلعا قوسىمشا قاجەتتٸلٸك شامامەن 300 ملرد تەڭگەنٸ قۇراۋى مٷمكٸن.
«2021 جىلدىڭ بيۋدجەتٸندە جولداۋداعى پرەزيدەنت تاپسىرمالارىن ورىنداۋعا 1,6 ترلن تەڭگە قاراستىرىلعان. بٸرٸنشٸ كەزەكتە مەديتسينا قىزمەتكەرلەرٸنٸڭ, مۇعالٸمدەردٸڭ ەڭبەكاقىسىن كٶتەرۋ, شاعىن جەنە ورتا بيزنەستٸڭ نەسيە بويىنشا پايىزدىق ستاۆكاسىن سۋبسيدييالاۋ, رەسپۋبليكالىق ماڭىزداعى جولداردىڭ قۇرىلىسى, «اۋىل – ەل بەسٸگٸ» باعدارلاماسىنا, سونداي-اق باسقا دا باعىتتارعا ارنالعان شىعىستار ەسكەرٸلگەن. بۇدان باسقا تاپسىرمالار تۇرعىسىندا مەملەكەتتٸك ورگاندارمەن شىعىستار كٶلەمٸ ناقتىلانىپ جاتىر», - دەدٸ قر پرەمەر-مينيسترٸنٸڭ بٸرٸنشٸ ورىنباسارى.
ونىڭ سٶزٸنە قاراعاندا, تاپسىرمالاردى ورىنداۋ اياسىندا شىعىنداردى وڭتايلاندىرۋ قاراستىرىلعان. سونىمەن قاتار بيۋدجەتكە قوسىمشا تٷسٸمدەر كٶلەڭكەلٸ ەكونوميكانى تٶمەندەتۋ بويىنشا جۇمىستاردان قامتاماسىز ەتٸلەدٸ.
