2021 جىلى قازاقستاندىقتاردىڭ ٶمٸر سٷرۋ ۇزاقتىعى 73,3 جاسقا ۇلعايتىلادى. بۇل تۋرالى ٷكٸمەتتٸڭ كەڭەيتٸلگەن وتىرىسىندا پرەمەر-مينيستر اسقار مامين ايتتى, دەپ حابارلايدى قازاقپارات.
«وتاندىق دەنساۋلىق ساقتاۋ جٷيەسٸن ماتەريالدىق-تەحنيكالىق جەنە كادرلىق قامتاماسىز ەتۋدٸ كٷشەيتۋ بويىنشا شارالار قابىلدانۋدا. حالىققا ەرٸكتٸ نەگٸزدە, تەگٸن كوروناۆيرۋسقا قارسى ۆاكتسيناتسييا جاساۋ قامتاماسىز ەتٸلەدٸ. ۇلتتىق سانيتارييالىق-ەپيدەميولوگييالىق قىزمەتتٸڭ رەفورماسى جەنە تسيفرلاندىرۋى جٷرگٸزٸلەدٸ. ٶڭٸرلەردە مەديتسينالىق كٶمەكتٸڭ قولجەتٸمدٸلٸگٸ ارتادى», - دەدٸ ول.
ونىڭ ايتۋىنشا, اۋداندىق اۋرۋحانالار مەن پەرزەنتحانالاردا مەديتسينالىق جابدىقپەن قامتاماسىز ەتٸلۋ دەڭگەيٸ 70 پايىزعا جەتكٸزٸلەدٸ. 33 فەلدشەرلٸك-اكۋشەرلٸك جەنە مەديتسينالىق پۋنكت اشۋ, 2 عىلىمي ورتالىق پەن 8 كٶپسالالى اۋرۋحانا سالۋ جوسپارلانعان.
«باستاپقى مەديتسينالىق-سانيتارلىق كٶمەكتٸڭ پروگرەسسيۆتٸ مودەلٸن جاساۋ جالعاسادى. جالپى قابىلدانعان شارالار بولجامدى ٶمٸر سٷرۋ ۇزاقتىعىن 2021 جىلى 73,3 جاسقا ۇلعايتۋعا مٷمكٸندٸك بەرەدٸ», - دەدٸ ٷكٸمەت باشسىسى.
