قر قارجى مينيسترلٸگٸ مەملەكەتتٸك كٸرٸستەر كوميتەتٸ 2020 جىلى بيۋدجەتكە سالىقتاردى قولما-قول اقشاسىز تٶلەۋ دەڭگەيٸن 90 پايىزعا جەتكٸزۋدٸ كٶزدەپ وتىر, دەپ حابارلايدى قازاقپارات.
«قر قارجى مينيسترلٸگٸ «بٷگٸنگٸ تاڭدا مەملەكەتتٸك كٸرٸستەر ورگاندارى كٶرسەتٸلەتٸن قىزمەتتەردٸ تسيفرلاندىرۋدىڭ, كەيٸنگٸ جىلدارى بيۋدجەتكە قولما-قول اقشاسىز تٶلەم جاساۋدىڭ ىڭعايلى جەنە قاراپايىم سەرۆيستەرٸن جٷزەگە اسىرۋ ٷشٸن ٸس-شارالار جٷرگٸزۋدە. 2019 جىلدىڭ قورىتىندىسى بويىنشا بيۋدجەتكە قولما-قول اقشاسىز تٶلەمدەردٸڭ ٷلەسٸ 80 پايىزدى قۇرادى. 2020 جىلى سالىقتاردى قولما-قول اقشاسىز تٶلەۋ دەڭگەيٸن 90 پايىزعا دەيٸن ارتتىرۋ جوسپارلانۋدا. وسى كٶرسەتكٸشكە قول جەتكٸزۋ ٷشٸن مەملەكەتتٸك كٸرٸستەر كوميتەتٸ بيۋدجەتكە سالىق تٶلەۋدٸڭ ىڭعايلى جەنە قاراپايىم قىزمەتتەرٸن ٸسكە قوستى», - دەيدٸ وكق-دا ٶتكەن باسپاسٶز مەسليحاتىندا مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى تالعات ماماەۆ.
ونىڭ ايتۋىنشا, بۇل سەرۆيستەر - سالىقتار مەن ەلەۋمەتتٸك تٶلەمدەردٸ تٶلەۋ, بەرەشەك سوماسى, الداعى تٶلەمدەر جەنە سالىق ەمييانى. ولاردى ەرتٷرلٸ ينتەرنەت الاڭداردا پايدالانۋعا بولادى.
«2018 جىلدىڭ شٸلدە ايىنان باستاپ سالىق تٶلەۋشٸلەر سالىق مٶلشەرٸن مەملەكەتتٸك كٸرٸستەر كوميتەتٸنٸڭ موبيلدٸ قوسىمشاسى مەن ەكٸنشٸ دەڭگەيلٸ بانكتەردٸڭ موبيلدٸ قوسىمشالارى, ەلەكتروندى ٷكٸمەت پورتالىندا باقىلاپ, تٶلەي الادى. 2019 جىلدىڭ قىركٷيەگٸنەن باستاپ بۇل پورتالدار مەن اتالعان موبيلدٸ قوسىمشالاردا جەكە تۇلعالار مٷلٸك, جەر ۋچاسكەسٸ, كٶلٸك قۇرالدارى, جەكە تابىس بويىنشا الداعى سالىقتاردى تٶلەۋ مٷمكٸندٸگٸنە يە بولدى. ەكٸنشٸ دەڭگەيلٸ بانكتەردٸڭ موبيلدٸ قوسىمشالارى ارقىلى تٶلەنگەن سالىق تۋرالى مەلٸمەت مەملەكەتتٸك كٸرٸستەر كوميتەتٸنٸڭ اقپاراتتىق جٷيەسٸنە 2 مينۋتتىڭ ٸشٸندە كەلٸپ تٷسەدٸ. بۇرىن بۇل اقپارات 2-3 كٷندە بٸر-اق تٷسەتٸن. ۋاقىتتى وسىنداي قىسقا مەرزٸمگە قىسقارتۋ ارقىلى تاۋار شىعارۋ ٷشٸن قاجەتتٸ بۇرىنعىداي قۇجاتتاردى تالاپ ەتپەۋگە, بيۋدجەتتەگٸ شوتتىڭ جايى تۋرالى ماڭىزدى مەلٸمەتتەردٸ ۇسىنۋعا, ٶسٸماقى سالماۋعا, شوتتاردى بۇعاتتان تەز بوساتۋعا مٷمكٸندٸك بەردٸ», - دەدٸ ول.
