«قازاگرو» ۇلتتىق باسقارۋشى حولدينگٸنٸڭ ەنشٸلەس كومپانيياسى – اۋىل شارۋاشىلىعىن قارجىلاي قولداۋ قورى 2017-جىلدان بەرٸ «ەڭبەك» نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋ باعدارلاماسىنىڭ ەكٸنشٸ باعىتىن ٸسكە اسىرىپ كەلەدٸ. بيىلدىڭ ٶزٸندە مىڭنان استام كەسٸپكەر نەسيە الىپ ٷلگەردٸ.
سقو قىزىلجار اۋدانىنىڭ بەسكٶل اۋىلىندا تۇراتىن تٸگٸن تسەحٸ بار جەكە كەسٸپكەر باقىت سەيٸلوۆا كيٸم قىسقارتۋدان باستاپ مەكتەپ فورماسىنا دەيٸن تٸگەدٸ. 2010-جىلدان بەرٸ «جۇمىسپەن قامتۋدىڭ جول كارتاسى - 2020» جەنە «ەڭبەك» مەملەكەتتٸك باعدارلامالار ارقىلى قوردان تٶرت رەت نەسيە الىپ, بيزنەسٸن كەڭەيتكەن. قازٸرگٸ ۋاقىتتا 6 ادامعا جۇمىس بەرٸپ وتىر.
«قازٸر ەڭبەك ەتەمٸن دەگەن ادامعا مەملەكەت قولداۋ كٶرسەتەدٸ. ونى تەك تيٸمدٸ پايدالانۋ كەرەك. مەن وسى كەسٸپپەن اينالىسقالى اۋىل شارۋاشىلىعىن قارجىلاي قولداۋ قورىنان تٶرت رەت نەسيە الدىم. سونىڭ ارقاسىندا تٸگٸن تسەحٸمدٸ كەڭەيتتٸم, اينالىم كاپيتالىمدى تولىقتىردىم. جۇمىسىم ويداعىداي جٷرٸپ جاتىر», - دەيدٸ كەسٸپكەر باقىت سەيٸلوۆا.
وسى اۋىلدا تۇراتىن جەكە كەسٸپكەر كەڭەس كۋكيەۆ جىلقى شارۋاشىلىعىمەن اينالىسادى. ول دا 2014 جەنە 2019 جىلدارى «جۇمىسپەن قامتۋدىڭ جول كارتاسى - 2020» جەنە «ەڭبەك» مەملەكەتتٸك باعدارلاماسى اياسىندا اۋىل شارۋاشىلىعىن قارجىلاي قولداۋ قورىنىڭ سقو فيليالىنان ەكٸ رەت نەسيە الىپ, شارۋاشىلىعىن ودان ەرٸ دامىتقان. بٷگٸنگٸ تاڭدا وتىز بيە ساۋىپ وتىرعان كەسٸپكەر قىمىز دايىنداپ ساتادى. شارۋاشىلىقتا 3 ادام تۇراقتى جۇمىسپەن قامتىلعان.
«اۋىلدا تۇرعان سوڭ مالدىڭ يگٸلٸگٸن كٶرۋ كەرەك دەپ ەسەپتەيمٸن. وڭاي ولجا جوق. بەرٸ ەڭبەكپەن كەلەدٸ. جىلقى باعۋدىڭ دا ٶزٸندٸك قيىندىقتارى بار. ۇقساتا بٸلسەڭ, سوعان وراي تابىسىن دا كٶرۋگە بولادى. اۋىل شارۋاشىلىعىن قارجىلاي قولداۋ قورىنان ەكٸ رەت نەسيە الىپ, جىلقى باسىن كٶبەيتتٸم, ساۋىن بيەلەرٸمنٸڭ سانىن ارتتىردىم. قىمىز اشىتىپ ساتامىز. تابىسىمىز جاقسى. ٷش ادامعا جۇمىس بەرٸپ وتىرمىن», - دەيدٸ كەڭەس كۋكيەۆ.
سولتٷستٸك قازاقستان وبلىسى مال شارۋاشىلىعىنا قولايلى ايماق. جەرٸ كەڭ, شٶبٸ شٷيگٸن, سۋى مٶلدٸر. سوندىقتان بولار, قوردان نەسيە الۋشىلاردىڭ باسىم كٶپشٸلٸگٸ مال شارۋاشىلىعىمەن اينالىسادى. سونىڭ ٸشٸندە جىلقى ٶسٸرۋدٸ قولعا العان شارۋالار كٶپ.
«بيىل بٸزدٸڭ فيليالعا «ەڭبەك» باعدارلاماسى بويىنشا 2,28 ملرد تەڭگە قارجى بٶلٸنگەن بولاتىن. بٷگٸنگٸ تاڭدا ونىڭ 1 ملرد تەڭگەدەن استامى يگەرٸلٸپ, 286 جوبا قارجىلاندىرىلدى. جالپى, بيىل جىل سوڭىنا دەيٸن 529 كەسٸپكەرگە نەسيە بەرۋدٸ جوسپارلاپ وتىرمىز», - دەيدٸ «اۋىل شارۋاشىلىعىن قارجىلاي قولداۋ قورى» اق سقو فيليالىنىڭ ديرەكتورى ابىلاي نۇركەنوۆ.
قور ٶزٸنٸڭ نەسيە ٶنٸمدەرٸ ارقىلى اۋىل تۇرعىندارى مەن اۋىل شارۋاشىلىعى تاۋارىن ٶندٸرۋشٸلەردٸڭ جوبالارىن تٷرلٸ ماقساتتى باعىتتار بويىنشا قارجىلاندىرادى. ناقتى ايتار بولساق, مال شارۋاشىلىعىن, ٶسٸمدٸك شارۋاشىلىعىن, اۋىل كەسٸپكەرلٸگٸن دامىتۋ جەنە اۋىل شارۋاشىلىعى ٶنٸمدەرٸن قايتا ٶڭدەۋ مەن ساقتاۋ جوبالارى بار.
4-6-12 ملن تەڭگەگە دەيٸنگٸ نەسيە 6,5 جىلعا 6 پروتسەنتپەن بەرٸلەدٸ. جىلدىق تيٸمدٸ سىياقى مٶلشەرٸ 6,7 پروتسەنتتەن اسپايدى. ايتا كەتۋ كەرەك, از قامتىلعان جەنە كٶپ بالالى وتباسى مٷشەلەرٸنە 4 پروتسەنتپەن بەرٸلەتٸن نەسيەنٸڭ جىلدىق تيٸمدٸ سىياقى مٶلشەرٸ 4,7 پروتسەنتتەن اسپايدى. بٸر جىلعا دەيٸنگٸ جەڭٸلدٸك مەرزٸمٸ دە قاراستىرىلعان.
قر اۋىل شارۋاشىلىعى مينيسترلٸگٸنٸڭ باسپاسٶز قىزمەتٸ
