اۋىل شارۋاشىلىعى مينيسترٸ ساپارحان وماروۆ قازاقستاننىڭ اگروٶنەركەسٸپ كەشەنٸن دامىتۋ مەسەلەلەرٸ جٶنٸندەگٸ قوعامدىق كەڭەستٸڭ كەزەكتٸ وتىرىسىندا مينيسترلٸكتٸڭ 2020 جىلى اتقارعان جۇمىسىنىڭ نەتيجەلەرٸ تۋرالى ەسەپ بەردٸ, دەپ حابارلايدى "ۇلت اقپارات".
اگروٶنەركەسٸپ كەشەنٸن دامىتۋ نەتيجەلەرٸن كٶرسەتكەن مينيستر كوروناۆيرۋس پاندەميياسىنا جەنە ەلەمدەگٸ كٷردەلٸ ەكونوميكالىق جاعدايعا قاراماستان, 2020 جىلدىڭ قورىتىندىسى بويىنشا سالا بارلىق ماكروكٶرسەتكٸشتەر بويىنشا ٶسٸمگە قول جەتكٸزگەنٸن ايتتى. مەسەلەن, اۋىل شارۋاشىلىعىنىڭ جالپى ٶنٸمٸنٸڭ كٶلەمٸ 5,6%-عا ارتىپ, 6,3 ترلن تەڭگەگە جەتكەن.
مۇنداي ٶسٸمگە مەملەكەتتٸك اگرارلىق ساياسات ينديكاتورلارىنىڭ جوسپارلى تٷردە ورىندالۋى, سونداي-اق جٷيەلٸ جۇمىس پەن ٶتكەن جىلدىڭ كٶكتەمٸندە داعدارىسقا قارسى شۇعىل شەشٸمدەردٸڭ دەر كەزٸندە قابىلدانعانى ىقپال ەتتٸ.
«ٶتكەن جىلى داعدارىسقا قارسى شارالاردى ەسەپتەگەندە, مەملەكەتتٸك قولداۋ كٶلەمٸ 366 ملرد تەڭگەگە دەيٸن جەتتٸ. بۇل 2019 جىلعى دەڭگەيدەن 13%-عا ارتىق.
اتاپ ايتقاندا, سۋبسيدييالاۋ بارىنشا جەڭٸلدەتٸلٸپ, تولىق اۆتوماتتاندىرىلدى. ونىڭ بەلگٸلٸ بٸر سالاعا عانا نازار اۋدارماي, بٸرىڭعاي تەسٸلدٸ كٶزدەيتٸن مەحانيزمدەرٸ قايتا قارالدى. سونداي-اق شاعىن جەنە ورتا فەرمەرلەردٸ سۋبسيدييالاۋعا قول جەتكٸزۋ شەگٸ ٶزگەرتٸلدٸ», - دەدٸ مينيستر.
ونىڭ ايتۋىنشا, ٶسٸمدٸك شارۋاشىلىعىنداعى بارلىق سۋبسيدييالار بٸرىڭعاي ەرەجەلەرگە بٸرٸكتٸرٸلٸپ, ٶسٸمدٸكتەردٸ قورعاۋ قۇرالدارىن سۋبسيدييالاۋ كەڭەيتٸلدٸ. ەندٸ گەربيتسيدتەر عانا ەمەس, پەستيتسيدتەردٸڭ باسقا دا تٷرلەرٸ سۋبسيدييالانادى. باستى جاڭالىقتاردىڭ بٸرٸ – سۋبسيدييالاردى بەكٸتٸلگەن ۋاقىتتا عانا ەمەس, تۇقىمدى, تىڭايتقىشتى, پەستيتسيدتەردٸ ساتىپ الىنعان كٷننەن باستاپ جىل ون ەكٸ اي الا الاتىن مٷمكٸندٸك بەرٸلٸپ وتىر.
قارجى قۇرالدارىن جەتٸلدٸرۋ اياسىندا اينالىم قاراجاتىن تولىقتىرۋعا ارنالعان نەسيەلەر بويىنشا سىياقى مٶلشەرلەمەلەرٸن سۋبسيدييالاۋ نورماتيۆٸ 5%-دان 7%-عا دەيٸن ۇلعايتىلدى. ەندٸ ەگٸن ەگۋ جەنە ەگٸن جيناۋ جۇمىستارىن جٷرگٸزۋ سىياقى مٶلشەرلەمەسٸنٸڭ 9%-ى سۋبسيدييالانادى.
«اگروٶنەركەسٸپ كەشەنٸنٸڭ سۋبەكتٸلەرٸ ٷشٸن كەپٸلدٸك بازاسى جەتپەگەن جاعدايدا ەكٸنشٸ دەڭگەيدەگٸ بانكتەردٸڭ نەسيەلەرٸنە كەپٸلدٸك بەرۋ مەحانيزمٸ قولجەتٸمدٸ بولدى. نەسيە سوماسىنىڭ 50%-نا دەيٸن جەنە باسىم ينۆەستيتسييالىق جوبالار بويىنشا نەسيە سوماسىنىڭ 85%-نا دەيٸن كەپٸلدٸك بەرٸلەدٸ.
ٶتكەن جىلدان باستاپ اۋىل شارۋاشىلىعى سالاسىندا ساقتاندىرۋدىڭ جاڭا جٷيەسٸ جۇمىس ٸستەي باستادى. ياعني, ساقتاندىرۋ ەرٸكتٸ تٷردە جاسالادى. سونداي-اق ٶسٸمدٸك شارۋاشىلىعى سالاسىن عانا ەمەس, باسقا دا سالالاردى ساقتاندىرۋ مەحانيزمٸ ەنگٸزٸلدٸ», - دەپ حابارلادى ساپارحان وماروۆ.
وتىرىس سوڭىندا قوعامدىق كەڭەس مٷشەلەرٸ ۇيىمداستىرۋ مەسەلەلەرٸن قارادى. اتاپ ايتقاندا, تٶرالقا قۇرامىن, ەرەجەنٸ جەنە جىلدىق جۇمىس جوسپارىن بەكٸتتٸ.
