قۇقىقتىق ستاتيستيكا جەنە ارنايى ەسەپكە الۋ كوميتەتٸنٸڭ ورتالىقتاندىرىلعان دەرەكتەر بانكٸنٸڭ مەلٸمەتتەرٸنە سەيكەس 2020 جىلى شامامەن 7 ملن ەكٸمشٸلٸك قۇقىق بۇزۋشىلىق تٸركەلدٸ, دەپ حابارلايدى "ۇلت اقپارات".
«ەل بويىنشا 5,5 ملن قۇقىق بۇزۋشىعا 80 ملرد 499 ملن تەڭگە كٶلەمٸندە ايىپپۇل تٷرٸندە جازا قولدانىلدى, ونىڭ 54 ملرد 886 ملن تەڭگەسٸ ٶندٸرٸلٸپ الىندى. سونىمەن قاتار, 3,4 ملن ايىپپۇلدىڭ كٶپ بٶلٸگٸ العاشقى 7 تەۋلٸك ٸشٸندە 30,2 ملرد تەڭگە سوماسىندا 50% جەڭٸلدٸكپەن تٶلەندٸ. ٶتكەن جىلى ەكٸمشٸلٸك ايىپپۇلداردى ٶندٸرٸپ الۋ كٶرسەتكٸشٸ 68 پايىزدى قۇرادى», - دەلٸنگەن اتالعان كوميتەتتٸڭ مەلٸمەتٸندە.
ەڭ كٶپ ايىپپۇل الماتى قالاسىندا سالىنعان. 16,4 ملرد تەڭگە سوماسىنا 1,6 ملن قۇقىق بۇزۋشىلىق انىقتالدى, ونىڭ 10,6 ملرد تەڭگەسٸ تٶلەندٸ.
ەكٸنشٸ ورىندا – نۇر-سۇلتان قالاسى. 1 ملن قۇقىق بۇزۋشىعا 13,5 ملرد تەڭگە ايىپپۇل سالىنىپ, 9 ملرد تەڭگە ٶندٸرٸلدٸ.
ەڭ ازى سولتٷستٸك قازاقستان وبلىسىندا, ياعني 1,4 ملرد تەڭگە سوماسىنا 73 مىڭ ايىپپۇل سالىندى, ونىڭ 891 ملن تەڭگەسٸ تٶلەندٸ.
مەملەكەتتٸك ورگاندار اراسىندا قۇقىق بۇزۋشىلىقتاردىڭ ەڭ كٶپ سانىن ٸشكٸ ٸستەر ورگاندارى انىقتادى, ولارعا بارلىق ەكٸمشٸلٸك ٸستەردٸڭ 90 پايىزدان استامى تيەسٸلٸ.
«ٸشكٸ ٸستەر ورگاندارى جالپى 52 ملرد تەڭگە سوماسىنا 5,3 ملن قۇقىق بۇزۋشىنى جاۋاپكەرشٸلٸككە تارتتى, ونىڭ ٸشٸندە مەملەكەت بيۋدجەتٸنە 35,2 ملرد تەڭگە تٷستٸ. ايىپپۇلداردىڭ نەگٸزگٸ بٶلٸگٸن فوتو-بەينەتٸركەۋ كامەرالارى تٸركەگەن قۇقىق بۇزۋشىلىقتار قۇرادى, ولار بويىنشا 26,8 ملرد تەڭگە سوماسىنا 3 ملن-نان استام شەشٸم شىعارىلدى», - دەلٸنگەن حابارلامادا.
