2020 جىلى 570 ملرد تەڭگە بيۋدجەت قاراجاتى تيٸمسٸز پايدالانىلعان. بۇل تۋرالى قر پارلامەنتٸ پالاتالارىنىڭ بٸرلەسكەن وتىرىسىندا رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كويتەتٸنٸڭ تٶرايىمى ناتاليا گودۋنوۆا ايتتى, دەپ حابارلايدى "ۇلت اقپارات".
«بيۋدجەتتٸڭ اتقارىلۋىنا قاتاڭ تالاپ قويىلعاندىقتان, ەزٸرگە يگەرۋ بويىنشا جارىس جٷرٸپ جاتىر. بٸراق سانانى نەتيجە الۋعا قاراي قايتا فورماتتاۋ ەلٸ دە ويداعىداي ٸسكە اسىرىلماي وتىر. 2020 جىلى بٶلٸنٸپ, تيٸمسٸز پايدالانىلعان بيۋدجەت قاراجاتىنىڭ سوماسى 570 ملرد تەڭگەنٸ قۇرادى. بۇعان رەسپۋبليكالىق بيۋدجەتكە قاراجاتتى قايتارۋ دا, قولما-قول اقشانى باقىلاۋ شوتتارىنداعى قاراجات قالدىقتارى دا كٸرەدٸ. سونداي-اق بارلىق مەملەكەتتٸك اۋديت ورگاندارى, سونىڭ ٸشٸندە داعدارىسقا قارسى رەسۋرستاردىڭ جۇمسالۋى بويىنشا انىقتاعان بۇزۋشىلىقتار دا بار. نەتيجەسٸندە بۇل اقشا پاندەمييانىڭ سالدارىن جەڭٸلدەتۋ ٷشٸن ۋاقىتىندا جۇمىس ٸستەمەدٸ. تەك بۇل عانا ەمەس. سوندىقتان بٸز ٶتكەن جىلى ەكٸمشٸلٸك قۇقىق بۇزۋشىلىق تۋرالى كودەكسكە ٶزگەرٸستەر ەنگٸزۋ كەزٸندە مەملەكەتتٸك رەسۋرستاردى تيٸمسٸز پايدالانعانى ٷشٸن لاۋازىمدى ادامداردىڭ جاۋاپتىلىعىن كٷشەيتۋ جٶنٸندەگٸ باستاعان جۇمىستى جالعاستىرۋ ٶتە ماڭىزدى دەپ ەسەپتەيمٸز», - دەدٸ ناتاليا گودۋنوۆا.
ونىڭ اتاپ ٶتۋٸنشە, قولدانىستاعى شىعىستاردىڭ ساپاسى جەنە ٸسكە اسىرۋدان الىناتىن ەسەر مەنٸنە ولاردى سىني تۇرعىدان قايتا قاراۋ قاجەتتٸلٸگٸ بۇرىننان پٸسٸپ-جەتٸلدٸ.
«بۇل جٶنٸندە مەملەكەت باسشىسى ەر سٶزٸندە ايتىپ وتىرادى. بيۋدجەتتٸڭ مٷمكٸندٸكتەرٸ شەكتەۋلٸ بولعان كەزدە باسىمدىقتاردى ناقتى ايقىنداپ, دەيەكتٸ تٷردە بەلگٸلەۋ قاجەت. بۇل بارلىق جوسپارلانعان مٸندەتتەمەلەردٸڭ ورىندالۋىنا كەپٸلدٸك بەرەدٸ جەنە قابىلدانعان شەشٸمدەردٸڭ ساباقتاستىعىن قامتاماسىز ەتەدٸ. مەملەكەتتٸك جوسپارلاۋدىڭ جاڭا جٷيەسٸ مەن ۇلتتىق جوبالار بۇعان ىقپال ەتەدٸ دەپ ٷمٸتتەنەمٸز», - دەدٸ ول.
كوميتەت تٶرايىمى دەپۋتاتتاردىڭ كٶرسەتكەن قولداۋىنىڭ جەنە ۇلتتىق ەكونوميكا مينيسترلٸگٸنٸڭ بەلسەندٸ رٶلٸنٸڭ ارقاسىندا سالىنعان بيۋدجەت قاراجاتىنان الىناتىن ەكونوميكالىق ەسەردٸ باعالاۋ نەگٸزدەرٸ بيۋدجەت كودەكسٸندە كٶزدەلگەنٸن باسا ايتتى.
«ونىڭ قالاي جٷزەگە اسىرىلاتىنىن الداعى ەكٸ جىلدا كٶرەتٸن بولامىز. بٸراق, ستراتەگييالىق جوسپارلاۋ جەنە رەفورمالار اگەنتتٸگٸ مەن ۇلتتىق ەكونوميكا مينيسترلٸگٸنٸڭ ەدٸسنامالىق ٷيلەستٸرۋشٸ رەتٸندەگٸ بەلسەندٸ ۇستانىمى ودان ەرٸ دە ماڭىزدى ەكەنٸ انىق», - دەدٸ ول.
