ٶتكەن جىلى مەملەكەت باسشىسىنىڭ تاپسىرماسىمەن ٷكٸمەت COVID-19-كە جۇمىلدىرىلعان بارلىق مەديتسينا قىزمەتكەرلەرٸن ماتەريالدىق ىنتالاندىرۋ جەنە ەڭبەك جاعدايلارى قاۋٸپسٸزدٸگٸن بارىنشا قامتاماسىز ەتۋ بويىنشا اۋقىمدى جۇمىس جٷرگٸزدٸ. ەلٸمٸزدٸڭ دەنساۋلىق ساقتاۋ مينيسترلٸگٸ كوروناۆيرۋس ينفەكتسيياسىن جۇقتىرۋ تەۋەكەلٸنٸڭ 3 توبى بويىنشا مەديتسينا قىزمەتكەرلەرٸنٸڭ نەگٸزگٸ جالاقىسىنان بٶلەك, اي سايىنعى تٶلەمدەر جاسادى.
اتاپ ايتقاندا, «تەۋەكەلٸ ٶتە جوعارى» توپقا كٸرەتٸن رەانيماتسييا بٶلٸمشەلەرٸن قوسا العان ينفەكتسييالىق ستاتسيونارلاردا جۇمىس ٸستەيتٸن دەرٸگەرلەردٸڭ, ورتاشا جەنە كٸشٸ مەديتسينا قىزمەتكەرلەرٸنٸڭ نەگٸزگٸ جالاقىسىنا قوسىمشا 850 مىڭ تٶلەندٸ. «جوعارى تەۋەكەل» - بۇل پروۆيزورلىق ستاتسيونارلار مەن جەدەل كٶمەك دەرٸگەرلەرٸ, ورتا جەنە كٸشٸ مەديتسينا قىزمەتكەرلەرٸ. ولار نەگٸزگٸ جالاقىلارىنا 425 مىڭ تەڭگە الدى. «ورتاشا تەۋەكەلگە» كارانتيندٸك ستاتسيونارلاردىڭ دەرٸگەرلەرٸ, ورتا جەنە كٸشٸ مەديتسينا قىزمەتكەرلەرٸ, جەدەل جەردەم سانيتارلىق دەرٸگەرٸ, جٷرگٸۋشٸلەر جەنە تاعى باسقالارى كٸردٸ. بۇل توپقا كٸرگەندەر نەگٸزگٸ جالاقىلارىنا 212,5 مىڭ تەڭگە ٷستەمەاقى الىپ وتىردى.
ەپيدەميياعا قارسى ٸس-شارالارعا تارتىلعان مەديتسينا قىزمەتكەرلەرٸ مەن ماماندارعا ٷستەمەاقى تٶلەۋ ەلەۋمەتتٸك مەديتسينالىق ساقتاندىرۋ قورىنا جٷكتەلگەن. اتالعان قوردىڭ مەلٸمەتتەرٸنە سەيكەس, 2020 جىلدىڭ قاراشا ايىنىڭ قورىتىندىسىندا COVID-19-بەن ۆيرۋستىق پنەۆمانييامەن كٷرەسكە جۇمىلدىرىلعان شامامەن 42 مىڭ مەديتسينا قىزمەتكەرٸ جالاقىلارىنا ٷستەمەاقى الدىن تٶلەم سوماسى 9,7 ملرد تەڭگەدەن اسىپ جىعىلادى. جالپى, ٶتكەن جىلدىڭ ناۋرىزى مەن قازانى ارالىعىندا, ناقتى ايتقاندا ناۋرىزدا 19 340, سەۋٸردە 42 926, مامىردا 40 416, ماۋسىمدا 53 160, شٸلدەدە 78 963, تامىزدا 66 249, قىركٷيەكتە 36 503, قازاندا 37 893 مەديتسينا قىزمەتكەرٸنە ٷستەمەاقى بەرٸلدٸ. بۇل ماقساتقا ەلەۋمەتتٸك مەديتسينالىق ساقتاندىرۋ قورىنان 88,9 ملرد تەڭگە جۇمسالدى. ال دەرٸگەرلەر جەلتوقسان ايىنا ٷستەماقى ەلٸ العان جوق. ونىڭ ەسەبٸن جەرگٸلٸكتٸ اتقارۋشى ورگاندار شىعارىپ جاتىر. ولاردان ٷسەمەاقىعا قاتىستى ەسەپ-قيساپ كەلگەننەن كەيٸن قور تٶلەم جاسايدى.
جوعارىدا ەر ايعا كٶرسەتٸلگەن دەرەكتەردەن ٷستەمەاقى العان دەرٸگەرلەر سانىنىڭ بٸردە ارتىپ, ەندٸ بٸردە كەمٸپ وتىرعاندىعىن بايقاۋعا بولادى. مۇنىڭ سەبەبٸن تٷسٸندٸرگەن قوردىڭ ۋەجٸنە قاراعاندا, دەرٸگەرلەرگە ٷستەمەاقى ەلٸمٸزدەگٸ ەپيدەميولوگييالىق احۋالدىڭ ٶزگەرۋٸنە بايلانىستى تٶلەنٸپ وتىرعان. مەسەلەن, جاز ايلارىندا كوروناۆيرۋس ينفەكتسيياسى ٶرشٸگەن كەزدە ٷستەمەاقى العان دەرٸگەردٸڭ قاتارى دا كٶپ بولعاندىعىن بايقاۋ قيىن ەمەس.
«ەلدەگٸ ەپيدەميولوگييالىق احۋالعا بايلانىستى كوروناۆيرۋس ينفەكتسيياسىنىڭ تارالۋى جاعدايىندا جۇمىس ٸستەگەن قىزمەتكەرلەردٸڭ سانى اي سايىن ٶزگەرٸپ وتىرادى. سوعان وراي جەدەل شتابتار جانىنا قۇرىلعان ٶڭٸرلٸك كوميسسييالار تٷزەتٸن ٷستەمەاقى الۋشىلاردىڭ تزٸمٸ ٶزگەرەدٸ. ٶڭٸرلٸك شتابتاردى ەكٸمدەردٸڭ ورىنباسارلارى باسقارادى. سونىمەن قاتار كوميسسييا قۇرامىنا ەلەۋمەتتٸك مەديتسينالىق ساقتاندىرۋ قورى فيليالدارىنىڭ قىزمەتكەرلەرٸ, ٶڭٸردٸڭ باس مەملەكەتتٸك سانيتار دەرٸگەرٸ, دەنساۋلىق ساقتاۋ باسقارماسىنىڭ ٷكٸمەتتٸك ەمەس ۇيىمداردىڭ ٶكٸلدەرٸ كٸرەدٸ», - دەپ اتاپ ٶتەدٸ قوردان.
ەلەۋمەتتٸك مەديتسينالىق ساقتاندىرۋ قورىنىڭ اتاپ ٶتۋٸنشە, مەديتسينا قىزمەتكەرلەرٸندە ٷستەمەاقى تٶلەۋگە بايلانىستى سۇراقتار تۋىندايتىن بولسا, وندا ولار ٶڭٸرلٸك كوميسسييالارعا جٷگٸنۋٸلەرٸ قاجەت.
ەستە بولسا, ٶتكەن جىلدىڭ 27 مامىرىندا ۇلتتىق قوعامدىق سەنٸم كەڭەسٸنٸڭ ٸٸٸ وتىرىسىندا مەملەكەت باسشىسى 2023 جىلعا قاراي دەرٸگەرلەردٸڭ جالاقىسىن ەكونوميكاداعى ورتاشا ەڭبەكاقىنىڭ 2,5 ەسەسٸنە دەيٸن بٸرتٸندەپ جەتكٸزۋ قاجەتتٸگٸن اتاپ ٶتكەن بولاتىن. وسىعان وراي 2021-2023 جىلدارعا ارنالعان رەسپۋبليكالىق بيۋدجەت تۋرالى زاڭنىڭ جوباسىندا دەنساۋلىق ساقتاۋ مينيسترلٸگٸنەن دەرٸگەرلەر مەن ورتا مەديتسينا قىزمەتكەرلەرٸنٸڭ جالاقىسىن ارتتىرۋعا 2021 جىلى 156,8 ملرد تەڭگە, 2022 جىلى 255,1 ملرد تەڭگە, 2023 جىلى 393,1 ملرد تەڭگە كٶزدەلگەن. سونىمەن قاتار مەمس قاراجاتى ەسەبٸنەن دەرٸگەرلەر مەن ورتا مەديتسينا قىزمەتكەرلەرٸنٸڭ جالاقىسىن ارتتىرۋعا 2021 جىلى 65,6 ملرد تەڭگە, 2022 جىلى 106,6 ملرد تەڭگە, 2023 جىلى 164,4 ملرد تەڭگە باعىتتالادى.
247 مىڭ مەديتسينا قىزمەتكەرٸنٸڭ جالاقىسىنا ارنالعان شىعىستاردىڭ جالپى سوماسى 2021 جىلى 222,3 ملرد تەڭگەنٸ, 2022 جىلى 361,7 ملرد تەڭگەنٸ, 2023 جىلى 557,5 ملرد تەڭگەنٸ قۇرايتىن بولادى. وسىلايشا, دەرٸگەرلەردٸڭ ورتاشا جالاقىسى 2023 جىلى ەكونوميكاداعى ورتاشا جالاقىنىڭ 2,5 ەسەسٸن قۇرايتىن بولادى. بۇل رەتتە بارلىق ىنتالاندىرۋشى تٶلەمدەردٸ قوسا العاندا دەرٸگەردٸڭ ورتاشا جالاقىسى 2021 جىلى 320 مىڭ, 2022 جىلى 416 مىڭ, 2023 جىلى 561 مىڭ تەڭگەنٸ, ورتا مەديتسينا قىزمەتكەرٸنٸڭ جالاقىسى 2021 جىلى 166 مىڭ, 2022 جىلى 183 مىڭ, 2023 جىلى 201 مىڭ تەڭگەنٸ قۇرايتىن بولادى.
مەسەلەن, 1 ستاۆكادا دەرٸگەردٸڭ ورتاشا بازالىق جالاقىسى ىنتالاندىرۋشى تٶلەمدەردٸ ەسەپكە العاندا 2020 جىلمەن سالىستىرعاندا 2021 جىلى ستاتسيوناردا 188,5 مىڭنان 244 مىڭعا, امبۋلاتورلىق-ەمحانالىق كٶمەكتە 180 مىڭنان 240 مىڭ تەڭگەگە جەتكٸزٸلەدٸ. 1 ستاۆكاداعى ورتا مەديتسينا قىزمەتكەرٸنٸڭ ورتاشا جالاقىسى 2021 جىلى ستاتسيوناردا 133 مىڭنان 155 مىڭعا, امبۋلاتورلىق-ەمحانالىق كٶمەكتە 129 مىڭنان 154 مىڭعا ارتادى.
