جوعارى وقۋ ورىندارىنىڭ اكادەمييالىق جەنە باسقارۋ دەربەستٸگٸن كەڭەيتۋ اياسىندا 2019 جىلدان باستاپ مەملەكەتتٸك بٸلٸم گرانتتارى بٸلٸم باعدارلامالارىنىڭ توپتارى بويىنشا تاعايىندالاتىن بولادى. سونداي-اق, مامانداردى دايارلاۋ باعىتتارىنىڭ جاڭا كلاسسيفيكاتورى ەنگٸزٸلٸپ وتىر, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
بٷگٸنگٸ كٷنگە دەيٸن ەلٸمٸزدٸڭ جوعارى وقۋ ورىندارىندا ماماندىقتار تٸزٸمٸ ناقتى كٶرسەتٸلگەن كلاسسيفيكاتور پايدالانىلدى. 2019 جىلدان باستاپ جاڭا كلاسسيفيكاتور ەنگٸزٸلەدٸ. وندا ماماندىقتاردىڭ ناقتى تٸزٸمٸ ەمەس, مامانداردى دايارلاۋ باعىتى كٶرسەتٸلەتٸن بولادى. سەيكەسٸنشە, ەلٸمٸزدٸڭ جوعارى وقۋ ورىندارى دەربەس بٸلٸم باعدارلامالارىن جاساپ الادى.
«وسىعان وراي, مەملەكەتتٸك بٸلٸم گرانتتارى بٸلٸم باعدارلامالارىنىڭ توپتارى بويىنشا تاعايىندالادى. مەسەلەن, «ماتەماتيكا پەنٸ مۇعالٸمدەرٸن دايارلاۋ» توبىنا «ماتەماتيكا», قوسارلانعان «ماتەماتيكا-فيزيكا», «ماتەماتيكا-ينفورماتيكا» ماماندىقتارى كٸرەدٸ. ال, «اقپاراتتىق تەحنولوگييالار» توبىنا - «ينفورماتيكا», «اقپاراتتىق جٷيەلەر» جەنە تاعى باسقالارى ەنەدٸ. ياعني, بٸلٸم گرانتتارىنىڭ تاعايىندالۋى بۇرىنعىداي ماماندىق بويىنشا ەمەس, بٸلٸم باعدارلامالارىنىڭ توپتارى بويىنشا جٷزەگە اسىرىلماق. گرانت ۇتىپ العان سوڭ تالاپكەر جوو-عا تاڭداعان بٸلٸم باعدارلاماسى بويىنشا تٸركەلٸپ, جوو-عا قۇجاتتارىن تاپسىرۋ كەزٸندە ٶزٸ تاڭداعان ماماندىق بويىنشا بٸلٸم الادى», - دەلٸنگەن حابارلامادا.
بعم باسپاسٶز قىزمەتٸنٸڭ مەلٸمەتٸنشە, 2019 جىلى ۇبت فورماتى ەش ٶزگەرٸسسٸز قالادى. وقۋعا تٷسۋشٸ دەستٷرلٸ تٷردە 3 مٸندەتتٸ پەن (قازاقستان تاريحى, ماتەماتيكالىق ساۋاتتىلىق, وقۋ ساۋاتتىلىعى) جەنە 2 بەيٸندٸك پەن بويىنشا تەستٸلەۋدەن ٶتەدٸ.
«بٸراق, بيىلدان باستاپ ۇبت جىلىنا 4 رەت - قاڭتار, ناۋرىز, ماۋسىم, تامىز ايلارىندا ٶتكٸزٸلمەك. قاڭتار, ناۋرىز, تامىزدا ٶتەتٸن تەستٸلەۋدٸ تاپسىرۋ ارقىلى تالاپكەر جوو-نىڭ تەك اقىلى بٶلٸمٸنە تٷسۋگە مٷمكٸندٸك الادى. ال, مەملەكەتتٸك بٸلٸم گرانت كونكۋرسىنا قاتىسۋ ٷشٸن مٸندەتتٸ تٷردە ماۋسىم ايىندا ٶتەتٸن ۇلتتىق بٸرىڭعاي تەستٸلەۋگە قاتىسۋى تيٸس. جوو-نىڭ اقىلى بٶلٸمٸنە وقۋعا تٷسۋ ٷشٸن تالاپكەرگە جىلىنا 4 رەت ٶتكٸزٸلەتٸن ۇبت-نىڭ كەز كەلگەنٸنە قاتىسىپ, شەكتٸ بالل جيناۋ جەتكٸلٸكتٸ» دەپ مەلٸم ەتتٸ مينيسترلٸكتەن.
قاڭتار, ناۋرىز ايلارىندا ٶتەتٸن تەستٸلەۋدٸ تالاپكەر ۇبت ٶتكٸزٸلەتٸن ٶزٸنە ىڭعايلى كەز كەلگەن پۋنكتٸدە تاپسىرا الادى. تەك تەستٸلەۋگە قاتىسۋ ٷشٸن ۇبت ٶتكٸزۋ پۋنكتٸنە كٶرسەتٸلگەن مەرزٸمدە ٶتٸنٸش بەرۋ قاجەت.
