2018 جىلى بٸرىڭعاي جيناقتاۋشى زەينەتاقى قورىنان تٶلەنەتٸن زەينەتاقىنىڭ بولجامدى ورتاشا كٶلەمٸ جارييا ەتٸلدٸ, دەپ حابارلايدى قازاقپارات.
زاڭناماعا سەيكەس, بجزق-دان تٶلەنەتٸن اي سايىنعى زەينەتاقى تٶلەمٸنٸڭ كٶلەمٸ 2012 جىلى ٷكٸمەتتٸڭ قاۋلىسىمەن بەكٸتٸلگەن ەدٸستەمەگە سەيكەس ەسەپتەلٸنەتٸن زەينەتاقى تٶلەمٸنٸڭ 1/12 جىلدىق سوماسى رەتٸندە انىقتالادى.
«اعىمداعى جىلى بجزق-نىڭ سالىمشىلارىنا اي سايىن تٶلەنەتٸن ەڭ تٶمەنگٸ سوما 15 274 تەڭگەنٸ قۇرايدى. بۇل تسيفر زاڭمەن بەكٸتٸلگەن نورماعا سەيكەس الىنىپ وتىر. ياعني, تٶلەم كٶلەمٸ ەڭ تٶمەنگٸ كٷنكٶرٸستەن 54 پايىزعا تٶمەن بولماۋى تيٸس. مۇنداي اقشانى بزجق-دان تٶلەم الۋعا قۇقىلى قازاقستاندىقتاردىڭ نەگٸزگٸ بٶلٸگٸ الادى. ولار زەينەتكەرلٸككە شىقان كەزدەگٸ جيناقتارى 900 مىڭنان 2 ملن تەڭگەگە دەيٸنگٸ سومانى قۇرايتىن ادامدار. ولاردىڭ سانى 62 مىڭ ادام. 2 ملن تەڭگەدەن استام جيناعى بار 7 مىڭنان استام ادام بجزق-دان اي سايىن 15274 تەڭگە الىپ وتىرادى», - دەدٸ «بجزق» اق-نىڭ باسقارۋشى ديرەكتورى جانار تٶلەگەنوۆا.
سونىمەن قاتار ونىڭ ايتۋىنشا, 2017 جىلى زەينەتاقى اننۋيتەتٸ اياسىندا ساقتاندىرۋ كومپانييالارىنا 2784 ادام ٷشٸن 26,7 ملرد تەڭگە اۋدارىلدى.
«15274 تەڭگە سوماسى - بۇل قازاقستاندىقتار الاتىن زەينەتاقىنىڭ 1/3 بٶلٸگٸ عانا. 2/3 زەينەتاقىنى مەملەكەت تٶلەيتٸن بازالىق جەنە ىنتىماقتى زەينەتاقى قۇرايدى. 2040 جىلعا قاراي زەينەتكەرلٸككە شىعاتىندار ىنتىماقتى زەينەتاقى المايدى. ٶيتكەنٸ, ول 1998 جىلعا دەيٸنگٸ ەڭبەك ٶتٸلٸمەن بايلانىستى. تەك بازالىق زەينەتاقى مەن بجزق تٶلەمدەرٸ عانا قالادى. سوندىقتان جاس قازاقستاندىقتار قازٸردەن باستاپ ەرتەڭگٸ كٷنٸن ويلاپ, زەينەتاقى تٶلەمدەرٸن اۋدارىپ وتىرعاندارى دۇرىس», - دەدٸ «بجزق» اق باسقارماسى تٶراعاسىنىڭ ورىنباسارى سەۋلە ەگەۋباەۆا.
ايتا كەتەيٸك, 2018 جىلدىڭ 1 قاڭتارىنان باستاپ, بجزق-دان مٸندەتتٸ زەينەتاقى جارنالارى, مٸندەتتٸ كەسٸپتٸك زەينەتاقى جارنالارى ەسەبٸنەن زەينەتاقى تٶلەمدەرٸ تەك اي سايىن عانا جٷزەگە اسىرىلاتىن بولادى. ەگەر قورعا جٷگٸنگەن كٷنٸ زەينەتاقى جيناقتارىنىڭ سوماسى ەڭ تٶمەن زەينەتاقىنىڭ 12 ەسەلەنگەن مٶلشەرٸنەن اسپاعان بولسا, ولاردى تولىعىمەن الۋعا مٷمكٸندٸك بار. 2018 جىلى بۇل سوما: 33 745 x12 =404 940 تەڭگەنٸ قۇرايدى. بۇل سومادان ارتىق قاراجاتتىڭ بارلىعى تەك اي سايىن تٶلەنەدٸ. بجزق-دان تٶلەنەتٸن اي سايىنعى زەينەتاقى تٶلەمدەرٸنٸڭ مٶلشەرٸ ٷكٸمەت قاۋلىسىمەن بەكٸتٸلگەن, زەينەتاقى تٶلەمدەرٸنٸڭ مٶلشەرٸن ەسەپتەۋدٸ جٷزەگە اسىرۋ ەدٸستەمەسٸنە سەيكەس, زەينەتاقى تٶلەمدەرٸنٸڭ جىلدىق سوماسىنىڭ ون ەكٸدەن بٸر بٶلٸگٸ رەتٸندە ايقىندالادى.
