پارلامەنت سەناتىنىڭ 2018 جىلداعى قورىتىندى جالپى وتىرىسىندا پالاتا تٶراعاسى قاسىم-جومارت توقاەۆ بيىلعى جىلدىڭ جەتٸستٸكتەرٸن اتادى, دەپ حابارلايدى قازاقپارات.
«پالاتانىڭ وسى جىلعى قورىتىندى وتىرىسىن ٶتكٸزدٸك. ەلٸمٸز ٷشٸن جەتٸستٸكتەرگە تولى 2018 جىل تاريحىمىزدا ٶزٸنٸڭ لايىقتى ورنىن الاتىنى سٶزسٸز. بٸز وسى جىل ٸشٸندە پرەزيدەنت نۇرسۇلتان ەبٸشۇلى نازارباەۆتىڭ باسشىلىعىمەن بارشا حالىقپەن بٸرگە مەملەكەت ٶمٸرٸندە ورىن العان قوعامدىق-ساياسي ماڭىزى زور وقيعالاردىڭ قاتىسۋشىسى بولدىق. حالىقتىڭ ٶمٸر ساپاسىن جاقسارتۋ جولىنداعى ەلباسىنىڭ تەڭدەسسٸز باستامالارىن ٸسكە اسىرۋ جۇمىسىنا بەلسەنە قاتىستىق. بيىل ەلٸمٸز ەمبەباپ ەرٸ بالاماسى جوق ەلەمدٸك ۇيىم - بٸرٸككەن ۇلتتار ۇيىمى قاۋٸپسٸزدٸك كەڭەسٸنٸڭ مٷشەسٸ رەتٸندە جەمٸستٸ جۇمىسىن جالعاستىرىپ, كەڭەستەگٸ تٶراعالىق قىزمەتٸن ابىرويمەن اتقاردى. بۇل ەلباسىنىڭ ەلەمدەگٸ بيٸك بەدەلٸنٸڭ ارقاسى جەنە ايقىن كٶرٸنٸسٸ», - دەدٸ سەنات تٶراعاسى.
سونىمەن قاتار ق. توقاەۆ تەۋەلسٸزدٸگٸمٸزدٸڭ بويتۇمارى, ەلباسىمىز نەگٸزٸن قالاعان ەسەم قالا, ەلوردامىز - استانانىڭ مەرەيلٸ 20 جىلدىعى كەڭ اۋقىمدا اتاپ ٶتٸلگەنٸن ەسكە سالدى.
«بٷگٸندە مەملەكەتتٸك بيلٸكتٸڭ بارلىق تارماقتارى پرەزيدەنتتٸڭ ەلەۋمەتتٸك باستامالارىن بەلسەندٸ تٷردە ٸسكە اسىرۋدا.
جولداۋعا سەيكەس, ەڭ الدىمەن, قازاقستاندىقتاردىڭ كٸرٸس دەڭگەيٸن ارتتىرۋ شارالارى قولعا الىندى. 2019 جىلعى 1 قاڭتاردان باستاپ ەڭ تٶمەن جالاقى 1,5 ەسەگە ارتتىرىلادى, زەينەتاقى مٶلشەرٸ كٶبەيتٸلەدٸ, كوممۋنالدىق قىزمەتتەردٸڭ تاريفتەرٸ تٶمەندەتٸلەدٸ.
وسى جىلى كاسپييدٸڭ قۇقىقتىق مەرتەبەسٸ بويىنشا 5 مەملەكەت 20 جىلدىق كەلٸسسٶزدەردٸڭ نەتيجەسٸندە ارنايى كونۆەنتسيياعا قول قويدى.
كاسپيي تەڭٸزٸنٸڭ قۇقىقتىق مەرتەبەسٸن انىقتاۋ جٶنٸندەگٸ كونۆەنتسييانى راتيفيكاتسييالاۋعا قاتىستى زاڭ جوباسىن پالاتامىز جاڭا جىلدا قارايدى», - دەدٸ ول.
سەنات جىل ٸشٸندە ەلباسى ۇسىنعان رەفورمالاردى زاڭنامالىق جاعىنان قامتاماسىز ەتۋ بويىنشا اۋقىمدى جۇمىستاردى اتقاردى.
جالپى, بيىل پارلامەنت 80 زاڭ قابىلدادى. قابىلدانعان زاڭداردىڭ 30-عا جۋىعى ەلباسىنىڭ ناقتى تاپسىرمالارىن ورىنداۋعا باعىتتالدى.
«سەناتورلار زاڭ جوبالارىنىڭ باسىم كٶپشٸلٸگٸن قىسقا مەرزٸمدە جان-جاقتى مۇقييات قاراستىرىپ, كٶپتەگەن ماڭىزدى تٷزەتۋلەر ەنگٸزگەنٸن اتاپ ٶتۋ قاجەت. سەنات دەپۋتاتتارى قوعامىمىزداعى ەڭ ٶزەكتٸ مەسەلەلەر بويىنشا ٷكٸمەتكە 100-دەن اسا دەپۋتاتتىق ساۋال جولدادى.
بيىل پالاتا زاڭ شىعارۋ جۇمىسىمەن قاتار, پارلامەنتتٸك قىزمەتتٸڭ باسقا دا باعىتتارى بويىنشا ٶتە بەلسەندٸ جۇمىس ٸستەدٸ», - دەدٸ قاسىم-جومارت توقاەۆ.
