2018 جىلدان بەرٸ تەمٸرجول ٶتكەلدەرٸندەگٸ جول اپاتىنان 22 ادام زارداپ شەككەن. ونىڭ ەكەۋٸ كٶز جۇمعان, دەپ حابارلايدى قازاقپارات.
«قازٸرگٸ تاڭدا ورتاق قولدانىستاعى قازاقستاندىق جولداردا اۆتوكٶلٸك جولدارىمەن قيىساتىن 1 مىڭعا تارتا تەمٸرجول ٶتكەلٸ بار. رەسپۋبليكالىق جەلٸلەردە مۇنداي قيىلىستاردىڭ سانى - 139. اۆتوكٶلٸك جولى مەن پويىز جولى بٸر نٷكتەدە قيىسقان كەزدە, ەرينە, اتالعان ٶتكەلدەردٸ كەسٸپ ٶتۋ ەرەجەلەرٸن قاتاڭ ساقتاۋ كەرەك. پويىزدىڭ ٶتكەلگە جاقىنداعانىنا 2,5 شاقىرىم قالعان كەزدە باعدارشامنىڭ ٶتۋگە تىيىم سالىناتىن تٷسٸ جانادى, شلاگباۋم تٷسەدٸ دە, كٶلٸك قۇرالدارى توقتاۋى تيٸس. ٶتكەلدٸ قورشايتىن قۇرىلعىسى بار تەمٸرجول ٶتكەلدەرٸندە بەرٸ اۆتوماتتى تٷردە ٸسكە قوسىلىپ, كٶلٸكتەر قاۋٸپسٸز تەرتٸپتە توقتايدى», - دەدٸ يندۋسترييا جەنە ينفراقۇرىلىمدىق دامۋ مينيسترٸ رومان سكليار وقك-دا ٶتكەن باسپاسٶز مەسليحاتىندا.
مينيستردٸڭ ايتۋىنشا, تەمٸرجول ٶتكەلدەرٸندەگٸ ەرەجەلەردٸ جەتٸلدٸرۋ جۇمىسىن قاراي جالعاستىن تاپپاق.
«بٸراق, ول ەرەجەلەردٸ جەتٸلدٸرۋ جۇمىسىن بٸز ارى قاراي جالعاستىرا بەرەمٸز. 2018 جىلدان بەرٸ مۇنداي ٶتكەلدەردە 9 جول-كٶلٸك وقيعاسى تٸركەلٸپ, ونىڭ سالدارىنان 2 ادام كٶز جۇمدى, 20 كٸسٸ ەرتٷرلٸ دەنە جاراقاتىن الدى. وسى جىلدىڭ 8 ايىنىڭ قورىتىندىسى بويىنشا, بۇل جاعدايدى قوسقاندا 6 وقيعا تٸركەلٸپ, 1 ادام قايتىس بولدى, 15 ادام زارداپ شەكتٸ. بٸز بۇل جاعدايدا قوسىمشا قاۋٸپسٸزدٸك شارالارىن قابىلداۋ ٷشٸن جۇمىستى كٷشەيتە بەرەتٸن بولامىز», - دەدٸ مينيستر.
ەسكە سالا كەتسەك, كەشە شامالعان ستانساسىندا پويىز بەن اۆتوبۋس سوقتىعىسقان بولاتىن.
وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸنە جاتقىزىلدى.
قازٸر اتالعان فاكتٸ بويىنشا قر قك 345-بابىنىڭ 3-تارماعىمەن ٸس قوزعالىپ, تەرگەۋ جٷرٸپ جاتىر. ٸستٸ باس كٶلٸكتٸك پروكۋراتۋرا باقىلاۋىنا الدى.
