بٷگٸن قر پرەمەر-مينيسترٸ باقىتجان ساعىنتاەۆتىڭ تٶراعالىعىمەن ٶتكەن ٷكٸمەت وتىرىسىندا «نۇرلى جول» ينفراقۇرىلىمدى دامىتۋدىڭ 2015–2019 جىلدارعا ارنالعان مەملەكەتتٸك باعدارلاماسىن ٸسكە اسىرۋ بارىسى تۋرالى ۇلتتىق ەكونوميكا مينيسترٸ تيمۋر سٷلەيمەنوۆ باياندادى, دەپ حابارلايدى "ۇلت اقپارات" ٷكٸمەت باسشىسىنىڭ سايتىنا سٸلتەمە جاساپ.
تيمۋر سٷلەيمەنوۆتىڭ ايتۋىنشا, 2017 جىلى «نۇرلى جول» باعدارلاماسىن ٸسكە اسىرۋعا 484,2 ملرد تەڭگە بٶلٸنگەن, 2017 جىلدىڭ 1 قازانىنداعى جاعداي بويىنشا ونىڭ 313,7 ملرد تەڭگەسٸ نەمەسە قارجىلاندىرۋدىڭ جىلدىق جوسپارىنىڭ 65% يگەرٸلگەن.
رەسپۋبليكالىق ماڭىزداعى 22 نەگٸزگٸ اۆتوجول جوباسىن ٸسكە اسىرۋعا بيىل 259,8 ملرد تەڭگە قاراستىرىلعان, ونىڭ ٸشٸندە 1 قازانداعى جاعداي بويىنشا 150,4 ملرد تەڭگەسٸ بٶلٸنگەن, بٷگٸندە بۇل تولىق كٶلەمدە يگەرٸلگەن. بۇدان ٶزگە, 96,4 ملرد تەڭگە سوماسىنداعى حقۇ زايمدارى قوسىمشا تارتىلعان, بٷگٸندە ونىڭ 27 ملرد تەڭگەسٸ يگەرٸلگەن.
مينيستر كٶلەمدٸ جوبالارعا دا توقتالىپ ٶتتٸ. 2017 جىلى «ۇلتتىق يندۋسترييالىق مۇناي-حيمييا تەحنوپاركٸ» اەا ينفراقۇرىلىمىنىڭ قۇرىلىسىنا 7,7 ملرد تەڭگە كٶلەمٸندە قارجى قاراستىرىلعان. بٷگٸندە گاز-تۋربينالى ەلەكتر ستانتسيياسى جوباسى بويىنشا نەگٸزگٸ تەحنولوگييالىق جابدىقپەن قامتاماسىز ەتۋ جۇمىستارى اياقتالعان, قۇرىلىس-مونتاج جۇمىستارى جٷرگٸزٸلٸپ جاتىر. جوبانى ٸسكە اسىرۋ كەستەگە سەيكەس جٷرگٸزٸلۋدە.
2017 جىلى جىلۋمەن, سۋمەن جابدىقتاۋ جەنە سۋ تارتۋ جەلٸلەرٸنٸڭ جٷيەسٸن جاڭعىرتۋعا ۇلتتىق قور قاراجاتتارىنان 53 ملرد تەڭگە قاراستىرىلعان, بۇل 700 شاقىرىمعا جۋىق جەلٸنٸ سالىپ, رەكونسترۋكتسييالاۋعا مٷمكٸندٸك بەرەدٸ.
بۇدان ٶزگە, 2017 جىلى بٸلٸم بەرۋ سالاسىنىڭ ينفراقۇرىلىمىن دامىتۋعا ۇلتتىق قور قاراجاتىنان 109 بٸلٸم بەرۋ نىسانىنىڭ قۇرىلىسىنا 71,7 ملرد تەڭگە قاراستىرىلعان, بيىل ونىڭ 76 نىسانىن پايدالانۋعا بەرۋ كٶزدەلٸپ وتىر.
«كەسٸپكەرلٸك نىساندارىنا جەتٸسپەيتٸن ينفراقۇرىلىمدى جٷرگٸزۋگە ۇلتتىق قور قاراجاتىنان 10 ملرد تەڭگە بٶلٸنگەن. اتالعان باعىت اياسىندا مينيسترلٸك ٶڭٸرلەرمەن بٸرلەسٸپ, قارجىلاندىرۋ جوسپارىن قايتا قاراۋ جۇمىستارىن جٷرگٸزدٸ, نەتيجەسٸندە وسى جىلدىڭ جەلتوقسان ايىنا جوسپارلانعان بارلىق قاراجات قاراشا ايىنا اۋىستىرىلدى. بۇل قاراجاتتاردىڭ يگەرٸلمەي قالۋ قاۋپٸن تٶمەندەتۋگە مٷمكٸندٸك بەرەدٸ», — دەدٸ ت. سٷلەيمەنوۆ.
تالقىلاۋ بارىسىندا قارجى مينيسترٸ باقىت سۇلتانوۆ 2017 جىلى «نۇرلى جول» ينفراقۇرىلىمدى دامىتۋ مەملەكەتتٸك باعدارلاماسىن ٸسكە اسىرۋ شىعىندارىن قارجىلاندىرۋ تۋرالى باياندادى.
