اقتٶبەدە 2016 جىلى ماۋسىمدا بولعان قارۋلى شابۋىلعا قاتىسىپ, 22 جىلعا سوتتالعان ايدوس جۇبانوۆ ارقالىقتاعى ۋك-161/12 مەكەمەسٸندە قايتىس بولدى. ونىڭ دەنەسٸ 30 مامىر كٷنٸ اقتٶبەگە جەتكٸزٸلٸپ, قالا سىرتىنداعى زيراتتاردىڭ بٸرٸنە جەرلەنگەن. بۇل تۋرالى جۇبانوۆتىڭ جانازاسىنا قاتىسقاندار حابارلادى, دەپ جازادى ازاتتىق اگەنتتٸگٸ.
سوتتالعان ازاماتتىڭ قازا تاپقانىن قازاقستان قىلمىستىق-اتقارۋ جٷيەسٸ كوميتەتٸ راستادى. كوميتەت ٶكٸلٸ "جۇبانوۆ ۋك-161/12 كولونيياسىنا تۋبەركۋلەزٸ اسقىنىپ كەلگەن ەدٸ. وسى ۋاقىتقا دەيٸن تٷرمە ەكٸمشٸلٸگٸ ونى قاجەتتٸ ەم-دوممەن قامتاماسىز ەتتٸ" دەدٸ.
اتى-جٶنٸن اتاماۋدى ٶتٸنگەن ازامات ازاتتىققا جانازانى ۇيىمداستىرىپ, سٷيەكتٸ اقتٶبەگە جەتكٸزۋگە قاتىسقانىن ايتقان.
- دٸني ورتادا "ايۋب" دەگەن اتپەن تانىمال ايدوس جۇبانوۆتىڭ اتا-اناسى بۇرىنىراقتا قايتىس بولعان. ايۋب ٸستٸ بولعان سوڭ ەيەلٸ تۇرمىس قۇرىپ كەتتٸ. ەت جاقىندارى جوق بولعان سوڭ سٷيەگٸ اقتٶبەگە جاماعاتتىڭ قارجىلاي قولداۋىمەن جەتكٸزٸلدٸ. ول 27 مامىردا ارقالىقتاعى تٷرمەدە تۋبەركۋلەزدەن قايتىس بولدى. جانازاسىنا جٷزدەن اسا ادام جينالدى, - دەيدٸ اتى-جٶنٸن اتاماۋدى ٶتٸنگەن تاعى بٸر ازامات.
اقتٶبەدەگٸ قارۋلى شابۋىلعا قاتىسقان 29 ادامنىڭ جەتەۋٸ 2016 جىلى 28 قاراشاداعى سوت ٷكٸمٸمەن ٶمٸر بويىنا باس بوستاندىعىنان ايىرىلعان. تەرگەۋ ولارعا "تەرروريزم اكتٸسٸنە قاتىستى", "ادام ٶلتٸردٸ", "قارۋدى زاڭسىز يەمدەندٸ", "شابۋىل جاسادى", "ادام ۇرلادى" دەپ ايىپ تاققان.
وسى قىلمىستىق توپتىڭ قۇرامىندا بولعان ايدوس جۇبانوۆ - 22 جىلعا, ازامات ابدراحمانوۆ 20 جىلعا سوتتالعان. ٷكٸم شىققاننان كەيٸن اقتٶبە وبلىستىق سوتىنىڭ باسپاسٶز قىزمەتٸ "سوتتالۋشىلار ازامات ابدراحمانوۆ پەن ايدوس جۇبانوۆ "پاللادا" قارۋ-جاراق دٷكەنٸنە شابۋىل جاساعان. بٸراق دٷكەننەن الىپ شىققان قارۋلارىن تاستاپ, جاسىرىنىپ قالعان. ولار تەررورلىق توپتىڭ ٶزگە مٷشەلەرٸمەن بٸرگە "پانتەرا" دٷكەنٸ مەن ۇلتتىق گۆاردييانىڭ 6655-ەسكەري بٶلٸمٸنە, "رودنيكوۆكا-اقجار" بلوك پوستىنا جاسالعان شابۋىلدارعا قاتىسپاعان" دەگەن.
تەرگەۋ ماتەريالدارىنا قاراعاندا, ايدوس جۇبانوۆ 1985 جىلى اقتٶبە وبلىسىنىڭ مۇعالجار اۋدانىندا تۋعان. بۇرىن سوتتالىپ, 2013 جىلى 22 قاڭتاردا بوستاندىققا شىققان. 2016 جىلعى 5 ماۋسىم كٷنگٸ قارۋلى شابۋىلدان سوڭ 22 جىلعا سوتتالىپ, جازاسىن قوستاناي وبلىسى ارقالىق قالاسىنداعى ۋك-161/12 قاتاڭ رەجيمدٸ كولونييادا ٶتەگەن.
2016 جىلى ماۋسىمدا اقتٶبەدە 26 ادام ەكٸ قارۋ-جاراق دٷكەنٸنە شابۋىلداپ, ۇلتتىق گۆاردييانىڭ ەسكەري بٶلٸمٸن باسىپ الۋعا تىرىسقان. شابۋىل مەن اتىستان رەسمي مەلٸمەت بويىنشا, 7 ادام قازا تاۋىپ, 40 شاقتى ادام جارالانعان. التى كٷنگە سوزىلعان ارنايى وپەراتسييادا شابۋىلعا كٷدٸكتٸ دەلٸنگەن 18 ادامنىڭ كٶزٸ جويىلىپ, بٸرنەشە ادام ۇستالعان.
ايتا كەتەيٸك, ەلباسى نۇرسۇلتان نازارباەۆ اقتٶبەدە شابۋىل جاساعانداردىڭ "راديكالدىق دٸني توپ ٶكٸلدەرٸ" بولعانىن جەنە ولاردىڭ "شەتەلدەن نۇسقاۋ العانىن" مەلٸمدەگەن ەدٸ.
