تۋىستارىنىڭ مەلٸمەتٸنە قاراعاندا, 2022 جىلى اقبايان ەنەسٸمەن بٸرگە تۇرۋعا بايلانىستى تۋىنداعان كەلٸسپەۋشٸلٸكتەردەن كەيٸن ٷش بالاسىن ەرتٸپ, اتا-اناسىنىڭ ٷيٸنە كەتٸپ قالعان, دەپ حابارلايدى ult.kz.
بٸراز ۋاقىتتان سوڭ ەرلٸ-زايىپتىلار رەسمي تٷردە اجىراسىپ, كەيٸن قايتا تابىسقان.
2022 جىلدىڭ جازىندا اقبايان مۇقانعاليەۆا ٷش بالاسىن ەرتٸپ, كٷيەۋٸنەن كەتٸپ, اتا-اناسىنىڭ ٷيٸنە بارعان. اناسى نەسٸپ قىزىنىڭ ماحامبەت اۋدانىندا قايىن جۇرتپەن بٸرگە تۇرعانىنا قارسى بولىپ, ولاردىڭ اتىراۋ قالاسىنا كٶشٸپ, بٶلەك تۇرۋىن قالاعان. الايدا سەرسەمەليەۆ بۇل ۇسىنىسپەن كەلٸسپەي, اتا-اناسىن تاستاپ كەتپەيتٸنٸن ايتقان.
ال 2024 جىلى بەسٸنشٸ بالاسىنا جٷكتٸ كەزٸندە اقباياننىڭ دەنساۋلىعى كٷرت ناشارلاعان. دەرٸگەرلەر وعان پنەۆموتوراكس دياگنوزىن قويعان. وتا جاسالعاننان كەيٸن جاس انا شامامەن 20 كٷن بويى كومادا جاتقان.
