7 جاستان 16 جاسقا دەيٸنگٸ بالالاردى مٷگەدەكتٸك توپتارى بويىنشا بٶلۋ قاراستىرىلىپ وتىر. بۇل تۋرالى بٷگٸن مەجٸلٸستە زاڭ جوباسىن تانىستىرۋ بارىسىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شاپكەنوۆ مەلٸم ەتتٸ, دەپ حابارلايدى قازاقپارات.
ايتا كەتەيٸك, بٷگٸن «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ازاماتتاردىڭ جەكەلەگەن ساناتتارىن ەلەۋمەتتٸك قورعاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى تانىستىرىلدى.
«ٶمٸر سٷرۋ مەن دەنساۋلىقتىڭ قىزمەت ەتۋٸنٸڭ, شەكتەلۋٸنٸڭ حالىقارالىق سىنىپتاماسىنا سەيكەس 7 جاستان 16 جاسقا دەيٸنگٸ بالالاردى مٷگەدەكتٸك توپتارى بويىنشا بٶلۋ كٶزدەلەدٸ. بۇل شارا بالالار سىرقاتىنىڭ اۋىرلىق دەرەجەسٸنە بايلانىستى جەردەماقى مٶلشەرٸن سارالانعان تٷردە بەلگٸلەۋگە مٷمكٸندٸك بەرەدٸ. بۇل رەتتە, جەردەماقى مٶلشەرٸ 16,7 پايىزدان 37%-پايىزعا دەيٸن ۇلعايتىلادى. جاڭاشىلدىق 31 مىڭنان استام مٷمكٸندٸگٸ شەكتەۋلٸ بالاعا قاتىستى بولادى», - دەدٸ مينيستر.
ونىڭ ايتۋىنشا, بۇل نورما بايقوڭىردا تۇراتىن مٷگەدەك بالالارعا بەرٸلەتٸن ارناۋلى مەملەكەتتٸك جەردەماقى مٶلشەرٸنە دە وڭ ەسەرٸن تيگٸزەدٸ. وسى ورايدا 207 بالا قامتىلادى.
بۇدان بٶلەك مينيستر مٷگەدەكتٸگٸ بويىنشا جەنە اسىراۋشىسىنان ايىرىلۋ جاعدايى بويىنشا جەردەماقىلاردى بٸر مەزگٸلدە الۋ قۇقىعىن بەرۋ تەتٸگٸنە توقتالدى.
«بۇل اسىراۋشىسىنان ايىرىلعان جەنە قۇرامىندا مٷگەدەك بالالارى بار وتباسىلاردىڭ تابىس دەڭگەيٸن ارتتىرۋعا مٷمكٸندٸك بەرەدٸ. اتالعان نورما ەنگٸزٸلگەن كەزدە 2 مىڭنان استام بالا مٷگەدەكتٸگٸ بويىنشا جەردەماقىمەن قوسا اسىراۋشىسىنان ايىرىلۋ بويىنشا جەردەماقى الاتىن بولادى. قازٸرگٸ ۋاقىتتا ولار تاڭداۋى بويىنشا جەردەماقىنىڭ بٸر تٷرٸن عانا الىپ وتىر.
