قاراعاندى وبلىسىندا تەمٸر رۋداسىن ليتسەنزيياسىز ٶندٸرٸپ, شەتەلگە زاڭسىز ەكسپورتتاعاندارعا قاتىستى سوت ٷكٸمٸ شىقتى, دەپ حابارلايدى ult.kz.
باس پروكۋراتۋرا مەلٸمەتٸنشە, وبلىستىق مامانداندىرىلعان تابيعات قورعاۋ پروكۋراتۋراسىنىڭ قاداعالاۋ بارىسىندا ٶڭٸردەگٸ كەسٸپورىنداردىڭ بٸرٸ تٶرت جىل بويى تەمٸر رۋداسىن زاڭسىز ٶندٸرٸپ كەلگەنٸ انىقتالعان. تەرگەۋ مەلٸمەتٸنشە, ٶندٸرٸلگەن پايدالى قازبالار كەيٸن شەتەلگە شىعارىلىپ وتىرعان.
زاڭسىز ەرەكەتتەر سالدارىنان مەملەكەتكە كەلتٸرٸلگەن شىعىن كٶلەمٸ 2 ميلليارد تەڭگەدەن استى.
تەرگەۋ بارىسىندا ٸس بويىنشا كٷدٸككە ٸلٸنگەن ٷش ادام قاماۋعا الىنىپ, ولاردىڭ جالپى قۇنى 360 ميلليون تەڭگەدەن اساتىن مٷلكٸنە تىيىم سالىندى.
قىلمىستىق ٸس بويىنشا مەملەكەتتٸك ايىپتاۋدى پروكۋراتۋرا قولدادى. نەتيجەسٸندە قاراعاندى وبلىسىنىڭ شەت اۋداندىق سوتى ٷش ايىپتالۋشىنى جەر قويناۋىن زاڭسىز پايدالانعانى ٷشٸن كٸنەلٸ دەپ تانىپ, ولاردى ەرتٷرلٸ مەرزٸمگە باس بوستاندىعىنان ايىرۋ جازاسىنا كەستٸ.
