قازاقستاندا وقۋشىلاردىڭ بٸلٸمٸن باعالاۋ تالاپتارى قاتاڭداتىلماق. جاڭا تەرتٸپكە سەيكەس 5-11 سىنىپ وقۋشىسى بٸر نەمەسە ەكٸ پەننەن جىلدىق قورىتىندى باعا رەتٸندە «2» السا, جازعى كەزەڭدە قايتا جيىنتىق باعالاۋدان ٶتەدٸ. نەتيجەسٸ قاناعاتتانارلىق بولماسا, وقۋشى وقۋ جىلىن قايتا وقۋى مٷمكٸن, دەپ حابارلايدى ult.kz.
31-ارنانىڭ «ينفورمبيۋرو» باعدارلاماسىنىڭ مەلٸمەتٸنشە, جاڭا بۇيرىق بويىنشا 1-سىنىپ وقۋشىلارىنا باعا قويىلمايدى. 2-4 سىنىپتاردا 10 بالدىق باعالاۋ جٷيەسٸ ساقتالادى.
ال 5-11 سىنىپ وقۋشىلارىنىڭ بٸر نەمەسە ەكٸ پەننەن جىلدىق باعاسى «2» بولسا, جازدا قايتا باعالاۋدان ٶتۋٸنە مٷمكٸندٸك بەرٸلەدٸ. نەتيجە بولماعان جاعدايدا جاڭا وقۋ جىلى باستالعانعا دەيٸن تاعى بٸر رەت سىناق تاپسىرادى. ودان دا ٶتە الماسا, وقۋشى سول سىنىپتا قايتا قالادى.
اتا-انالار بۇل تالاپقا قاتىستى ەرتٷرلٸ پٸكٸر بٸلدٸرٸپ وتىر. كەيبٸرٸ وقۋشىنىڭ سىنىپتا قالۋ قاۋپٸ ونىڭ بٸلٸم الۋعا دەگەن جاۋاپكەرشٸلٸگٸن ارتتىرادى دەپ سانايدى. ولاردىڭ پٸكٸرٸنشە, وقۋشىنى ٷلگەرٸمٸنە قاراماستان كەلەسٸ سىنىپقا ٶتكٸزە بەرۋ بٸلٸمٸندەگٸ ولقىلىقتاردىڭ جينالۋىنا ەكەلۋٸ مٷمكٸن.
سونىمەن قاتار اتا-انالار قازٸرگٸ مەكتەپتەردە ٷلگەرٸمٸ تٶمەن وقۋشىلارعا قوسىمشا ساباق پەن باسقا دا قولداۋ كٶرسەتۋ مٷمكٸندٸكتەرٸ بار ەكەنٸن اتاپ ٶتتٸ.
ەسكە سالايىق, بۇعان دەيٸن نەيمەگەن ۋنيۆەرسيتەتٸنٸڭ زەرتتەۋشٸلەرٸ 14-16 جاستاعى 10 مىڭنان استام وقۋشىنىڭ دەرەكتەرٸن زەرتتەپ, جاسٶسپٸرٸمدەردٸڭ وقۋ ٷلگەرٸمٸنە قۇرداستارى مەن ەلەۋمەتتٸك ورتاسى ەسەر ەتەتٸنٸن انىقتاعان.
