«قتج» ۇك» اق باسقارما تٶراعاسىنىڭ بٸرٸنشٸ ورىنباسارى قانات الماعامبەتوۆ الاكٶل 19 ماۋسىمنان باستاپ اشىلاتىنىن ايتتى, – دەپ حابارلايدى قازاقپارات.
«ەزٸرگە, ەل ازاماتتارى قازاقستاننان تىس ساپارلاي المايدى, سوندىقتان 1 ماۋسىمنان دوستىق ستانساسى باعىتىندا ەكٸ پويىزدىڭ قوزعالىسى ٸسكە اسىرىلادى. ال 10 ماۋسىمنان كەيٸن قالعان پويىزداردىڭ قوزعالىسىن جانداندىرامىز. شىعىس قازاقستان وبلىسى ەكٸمدٸگٸمەن ۋاعدالاستىق بويىنشا 19 ماۋسىمنان الاكٶلدٸ اشۋ جوسپارلانىپ وتىر. بٸز وسى جولاۋشىلار پويىزدارىن ٸسكە قوسۋدى جوسپارلادىق», - دەدٸ ول ورتالىق كوممۋنيكاتسييالار قىزمەتٸندە.
سونىمەن قاتار تاريفتەر كٶتەرٸلمەيتٸنٸن, بيلەتتەر بۇرىنعى تاريفپەن ساتىلاتىنىن اتاپ ٶتتٸ.
«تاريفتەر كٶتەرٸلمەيدٸ. بٸز ديناميكالىق باعا قالىپتاستىرۋ جٷيەسٸن الىپ تاستادىق. ٶزدەرٸڭٸز بٸلەسٸزدەر, بۇرىندارى جولاۋشى 45 كٷن بۇرىن بيلەت ساتىپ السا, وندا باسقا باعا بولاتىن. ال پويىز جٷرۋگە ەكٸ كٷن قالعان كەزدە العاندا بيلەتتٸڭ قۇنى ٶزگەرەتٸن. ەلەۋمەتتٸك ماڭىزدى باعدارلارداعى ديناميكالىق باعا قالىپتاستىرۋدى توقتاتتىق», - دەدٸ قانات الماعامبەتوۆ.
