نەگە قازاقتار قازاقستاننان كەتٸپ جاتىر? كەتٸپ جاتقانداردىڭ بەرٸ جەمقور ياكي پاراقور ەمەس قوي. ولاردىڭ ٷلەسٸ 10% عانا. ال قالعان 90%-ى جاستار. يە, 25-35 جاس ارالىعىنداعى قىلشىلداپ تۇرعان جاستار. مەملەكەتتٸ تٶڭكەرٸپ تە, كٶتەرٸپ تە تاستاي الاتىن جاستاعى جاندار.
ەنەرگيياسى مەن بولاشاققا دەگەن جوسپارى تولى, ەرتەڭگٸ كٷنگە كٷلٸپ قارايتىن جاندار. قازٸر ٶزٸممەن جاستى قىزدارمەن, ۇلدارمەن باس قوسا قالساق بولدى, ەكٸنٸڭ بٸرٸ شەتەلگە كەتكٸسٸ كەلەتٸنٸن ايتادى. ولار ٷشٸن باستى كەدەرگٸ اعىلشىن تٸلٸن جەتٸك بٸلمەۋٸندە بولىپ وتىر. ال ەرتە مە, كەش پە ول قورشاۋدىڭ دا جويىلارى انىق. تٸپتٸ مەكتەپتە "ماي نەيم يزدٸ" ايتا المايتىن كەي تانىستارىم, شەتەلگە تابان جالتىراتۋ ٷشٸن, بٷگٸندە اق تەر, كٶك تەر بولىپ جٷزدەگەن مىڭ تەڭگەسٸن شاشىپ, تٸل كۋرسىن وقىپ جاتىر. كەتكٸسٸ كەلەتٸندەردٸڭ كٶبٸسٸ وقۋعا بارعىسى كەلەتٸنٸن, ىڭعايى كەلسە سوندا قالاتىنىن ايتسا, ەندٸ بٸر بٶلٸگٸ بٸرجولاتا شەتەلگە قونىس اۋدارعىسى كەلەدٸ. "سوندا قونىس اۋدارساق بەرٸ جاقسى بولادى" دەگەن ٷمٸتتە. ولاردىڭ ٸشٸندە وسىدان بەس جىل بۇرىن قازاقستان ٷشٸن جٷرەگٸن جۇلىپ بەرۋگە دايىن ەكەندٸگٸن ايتقان جەنە شىندىعىندا سونداي سەزٸمدە بولعان جٸگٸتتەر مەن قىزدار بار. ولاردىڭ ٶلشەۋسٸز, شەكسٸز وسىناۋ پاتريوتتىق سەزٸمٸن كەرٸ باعىتتا تٶڭكەٸرٸپ تاستاعان نە بولۋى مٷمكٸن? ەرينە جەمقورلىق, قوعامدىق ەلەۋمەتتٸك تەڭسٸزدٸك, ەرتەڭگٸ كٷنگە دەگەن سەنٸمسٸزدٸك. كەتٸپ جاتقانداردىڭ كٶبٸسٸ ٶتە بٸلٸمدٸ جاندار. قازاقستاندا تۋرا توقسانىنشى جىلدارداعىداي "اقىلدىلار اعىنى" (ۋتەچكا موزگوۆ) بولىپ جاتقان سىندى.
"قيىن-قىستاۋ سەتتە دە ٶز جەرٸمٸزدە بولعانبىز", "قارا سۋ ٸشٸپ, قارا نان جەسەك تە ٶز ەلٸمٸزدە قالۋعا تيٸسپٸز" دەگەن قۇرعاق سٶز, ۇران ەندٸگٸ تاڭدا ولاردى ۇستاپ قالا المايدى. ولاردى وسىندا قالۋعا يتەرمەلەيتٸن ەكونوميكالىق, ەدٸلەتتٸ رەفورمالار جاسالۋعا تيٸس. ول رەفورمالار ەر جاستىڭ جٷرەگٸندە ەرتەڭگٸ كٷنگە دەگەن سەنٸم وتىن جاعۋعا مٸندەتتٸ.
ال ەزٸرگە 179 مىڭ دوللارعا بٸرەۋ تورت ساتىپ الىپ, ەندٸ بٸرەۋ 30 مىڭ ايلىق الىپ جاتقان سەتتە كەتۋ توقتامايدى. ٶيتكەنٸ ولار قوعامداعى تەڭسٸزدٸكتٸ انىق كٶرٸپ وتىر. ال بٷگٸنگٸدەي داراقىلىق ونى تٸپتٸ ايشىقتاي تٷسۋدە.
اسحات قاسەنعاليدٸڭ فەيسبۋكتەگٸ جازباسىنان
