17 تامىزدان باستاپ بارلىق ٶڭٸرلەردە جۇمىسىن قايتا باستايتىن كەسٸپكەرلٸك سۋبەكتٸلەرٸنٸڭ قىزمەت تٷرلەرٸنٸڭ تٸزبەسٸ بەكٸتٸلدٸ, دەپ حابارلايدى "ۇلت اقپارات".
2020 جىلعى 17 تامىزدان باستاپ بارلىق ٶڭٸرلەردە جۇمىسىن قايتا باستايتىن كەسٸپكەرلٸك سۋبەكتٸلەرٸنٸڭ قىزمەت تٷرلەرٸنٸڭ تٸزبەسٸ بەكٸتٸلدٸ.
ولار: سوسو, ساۋدا ٷيلەرٸ (بۋتيكتەر), ساۋدا جەلٸلەرٸ, جابىق بازارلار (تولىمدىلىعى 30%-دان اسپاۋى تيٸس, 1 كەلۋشٸگە 4 ش. م); سۇلۋلىق سالوندارى, شاشتاراز, سپا ورتالىقتارى, كوسمەتولوگييالىق قىزمەت كٶرسەتەتٸن نىساندار (الدىن الا جازىلۋ بويىنشا 1 كەلۋشٸگە 4 ش.م.); باسسەينٸ جوق فيتنەس ورتالىقتارى (تولىمدىلىعى 50%-دان اسپاۋى تيٸس, 1 كەلۋشٸگە 5 ش.م.), باسسەينٸ جوق مونشالار مەن ساۋنالار (تولىمدىلىعى 50%-دان اسپاۋى تيٸس, 1 كەلۋشٸگە 4 ش.م.); بالالارعا ارنالعان تٷزەتۋ كابينەتتەرٸ, بالالار جەنە ەرەسەكتەرگە بٸلٸم بەرۋ ورتالىقتارى (توپتاردا — 5 ادامنان ارتىق ەمەس, جازىلۋ بويىنشا); مەكتەپكە دەيٸنگٸ بالالار مەكەمەلەرٸنٸڭ كەزەكشٸ توپتارى (15 ادامنان ارتىق ەمەس); اشىق اۋاداعى اتتراكتسيوندار (قاشىقتىقتى ساقتاۋ, ماسكا تاعى, ادامدار اعىنىن رەتتەۋ). جۇمىس بەرۋشٸلەرگە قىزمەتكەرلەردٸڭ كەمٸندە 80% ٷشٸن قاشىقتان جۇمىس ٸستەۋ فورماتىن ساقتاۋ ۇسىنىلادى.
ايتا كەتسەك, بٷگٸن پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا قالىپتاسقان ەپيدەميولوگييالىق جاعدايدى ەسكەرە وتىرىپ, كارانتين شارالارىن كەزەڭ-كەزەڭٸمەن الىپ تاستاۋ جوسپارى قارالدى.
ەسكە سالساق, قازاقستاندا شٸلدە ايىنىڭ ورتاسىندا ەكٸ اپتاعا سوزىلاتىن كارانتين ەنگٸزٸلگەن بولاتىن. 29 شٸلدەدە مەملەكەت باسشىسى قاسىم-جومارت توقاەۆ ەپيدەميولوگييالىق احۋالدى تۇراقتاندىرۋ جٶنٸندە كەڭەس ٶتكٸزٸپ, كارانتين شارالارىن تاعى ەكٸ اپتاعا ۇزارتۋدى تاپسىرعان ەدٸ. قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتكەن ۆەدومستۆوارالىق كوميسسييا پرەزيدەنت تاپسىرمالارىن ەرەكشە باقىلاۋعا الدى.
ەكٸ اپتاعا سوزىلعان كارانتينگە بايلانىستى تٶلەم مٸندەتتٸ تٷردە جٷرگٸزٸلەدٸ. الايدا, بۇرىنعى سومانىڭ جارتىسى, ياعني 42 500 تەڭگەنٸڭ جارتىسى – 21 250تەڭگەدەن بەرٸلەدٸ. بۇل قارجىنى قازاقستاندىقتار اۆتوماتتى تٷردە الادى.
