سەنات دەپۋتاتى سەۋلە ايتپاەۆا 16 جاسقا تولماعان بالالارىن ميتينگكە ەرتٸپ شىعاتىن اتا-انالاردى جاۋاپقا تارتۋدى ۇسىندى, دەپ حابارلايدى Sputnik قازاقستان.
"16 جاسقا تولماعان بالالارىن ميتينكە الىپ شىعاتىن اتا-انالاردى جاۋاپقا تارتۋدى ۇسىنىپ وتىرمىن. قازٸر ەكٸمشٸلٸك قۇقىق بۇزۋشىلىق تۋرالى كودەكستە زاڭسىز شەرۋگە قاتىسقانى ٷشٸن 16 جاستان باستاپ جاۋاپكەرشٸلٸك قاراستىرىلعان. الايدا 16 جاسقا تولماعان بالالارىن ميتينكە شىعاراتىن اتا-انالار ٷشٸن جاۋاپكەرشٸلٸك كٶزدەلمەگەن", - دەدٸ ايتپاەۆا سەنات كۋلۋارىندا.
ول بٷكٸل ەلەمدە 16 جاسقا دەيٸنگٸ بالالاردى قانداي دا بٸر قاۋٸپتٸ ٸسكە ارالاستىرماۋ تۋرالى نورما قاراستىرىلعانىن اتاپ ٶتتٸ. دەپۋتاتتىڭ ەرٸپتەستەرٸنە مۇنداي ۇسىنىس تاستاۋىنا اتا-انالاردان كەلٸپ تٷسكەن حاتتار تٷرتكٸ بولعان.
"جازدىڭ اپتاپ ىستىعىندا كٶپبالالى انالار پارلامەنتتٸڭ الدىندا بالالارىمەن بٸرگە وتىرعانى ەستەرٸڭٸزدە شىعار. وسىنى كٶرگەن باسقا اتا-انالار ماعان حات جازىپ, ولار ٶز بالالارىن مۇنداي قاۋٸپتٸ شارالارعا قاتىستىرماۋ كەرەكتٸگٸن ايتتى", - دەيدٸ سەناتور.
دەپۋتات بۇل جەردە تەك كٶپبالالى انالار عانا ەمەس, ەكە مەن شەشە, ياعني جالپى اتا-انالار تۋرالى سٶز بولىپ وتىرعانىن اتاپ ٶتتٸ.
"اتا-انالار, ەڭ الدىمەن, بالالارىنىڭ قاۋٸپسٸزدٸگٸن ويلاۋى تيٸس. ەرينە, ولاردى دا تٷسٸنۋگە بولادى, كٶبٸسٸ سول بالالارى ٷشٸن شىعىپ جاتىر. بٸراق, بالالارعا, ولاردىڭ ٶمٸرٸنە قاۋٸپ-قاتەر تٶنبەۋٸ كەرەك", - دەدٸ ايتپاەۆا.
بۇعان دەيٸن ەلەۋمەتتٸك جەلٸدە ەلوردادا ٶتكەن ميتينگ كەزٸندە كەمەلەتكە تولماعان قىزدىڭ ۇستالعانى تۋرالى اقپارات تاراعان بولاتىن. كەيٸنٸرەك ٸشكٸ ٸستەر مينيسترلٸگٸ ونىڭ جاسٶسپٸرٸم ەمەس, 19 جاستاعى قىز ەكەنٸن حابارلادى.
21 قىركٷيەكتە بٸرنەشە قالادا ٶتكەن زاڭسىز ميتينگتەر كەزٸندە 100 ادام ۇستالعان.
