ەكونوميكالىق تەرگەپ-تەكسەرۋ دەپارتامەنتٸنٸڭ مەلٸمەتٸنشە, قايرات پ. مەن ونىڭ اناسى گ. الاشباەۆا اسا ٸرٸ كٶلەمدە الاياقتىق جاسادى جەنە قىلمىستىق جولمەن الىنعان كٸرٸستٸ زاڭداستىردى دەگەن كٷدٸككە ٸلٸندٸ, دەپ حابارلايدى Ult.kz.
2021–2024 جىلدار ارالىعىندا پ. قايرات «Biz Birgemiz Qazaqstan 2030» قورى ارقىلى حالىقتان قايىرىمدىلىق كٶمەك رەتٸندە قارجى جيناپ كەلگەن. ول بۇل قاراجاتتى مۇقتاج بالالارعا, پالەستينا حالقىنا جەنە سۋ تاسقىنىنان زارداپ شەككەندەرگە باعىتتايمىن دەپ سەندٸرگەن.
الايدا تەرگەۋ نەتيجەسٸ بويىنشا, جينالعان 3,5 ملرد تەڭگە كٶلەمٸندەگٸ قاراجات جەكە قاجەتتٸلٸكتەرگە جۇمسالعانى انىقتالدى. پ. قايرات قور ەسەپشوتىنداعى اقشانى ٶز اتىنا جەنە اناسى الاشباەۆانىڭ اتىنا اۋدارىپ, ولاردى زەرگەرلٸك بۇيىمدار, كيٸم-كەشەك, جيھاز, ساياحاتتار, اۆتوكٶلٸك جالداۋ, جٶندەۋ جۇمىستارى سىندى ماقساتتارعا جۇمساعان.
2024 جىلعى 1 سەۋٸر مەن 15 قاراشا ارالىعىندا سۋ تاسقىنىنان زارداپ شەككەندەرگە ارنالعان 2,8 ملرد تەڭگە جىمقىرىلعان. بۇل قاراجاتتىڭ بٸر بٶلٸگٸ جالعان كەلٸسٸمشارتتار جاساۋ ارقىلى قولما-قول اقشاعا اينالدىرىلعان. قايرات پ. 16 جەكە كەسٸپكەرمەن مەتالدان جاسالعان كيٸز ٷيلەر, قايىقتار مەن ەتٸكتەر جەتكٸزۋ تۋرالى كەلٸسٸمشارتقا وتىرعان, بٸراق ٸس جٷزٸندە بۇل كەلٸسٸمدەر ورىندالماعان.
تەرگەۋ دەرەكتەرٸنە ساي:
-
4 اۆتوكٶلٸك, 4 پەتەر, 2 اۆتوتۇراق ورنى, جەكە ٷي, جەر تەلٸمٸ مەن عيمارات ساتىپ الىنعان;
-
6,9 ملن تەڭگەگە «Rolex» ساعاتى الىنعان;
-
23 ملن تەڭگەگە «Rebel Flowers» گٷل سالونى ساتىپ الىنعان (قۇجاتتا 2 ملن تەڭگە دەپ كٶرسەتٸلگەن);
-
بۇل بيزنەستەن 69 ملن تەڭگە تابىس تٷسكەن;
-
158 ملن تەڭگە تۇراتىن زەرگەرلٸك بۇيىمدار, اياق كيٸم مەن سٶمكەلەر تەركٸلەندٸ;
-
865 ملن تەڭگەنٸڭ مٷلكٸنە تىيىم سالىندى.
سونىمەن قاتار, 72 ملن تەڭگە زارداپ شەككەندەرگە تۇرمىستىق تەحنيكا الۋ سىلتاۋىمەن الاشباەۆانىڭ ەسەپشوتىنا اۋدارىلىپ, كەيٸن قولما-قول اقشاعا اينالدىرىلعان.
قازٸرگٸ ۋاقىتتا گ. الاشباەۆاعا قاتىستى ٷيقاماق تٷرٸندەگٸ بۇلتارتپاۋ شاراسى قولدانىلدى. تەرگەۋ امالدارى جالعاسۋدا.
ايتا كەتەيٸك, كەشە قارجىلىق مونيتورينگ اگەنتتٸگٸ پەريزات قايراتقا قاتىستى قىلمىستىق ٸستٸڭ تەرگەۋٸ اياقتالعانىن حابارلادى.
