استانادا پەتەر الىپ-ساتۋ ارقىلى جوعارى تابىس تابۋعا ۋەدە بەرگەن ەيەل 19 ادامدى الداپ, 155 ملن تەڭگەدەن استام قاراجاتتى يەمدەنگەن. سوت ونى 6 جىل 6 ايعا باس بوستاندىعىنان ايىردى. الايدا تٶرت بالانىڭ اناسى بولعاندىقتان, جازانى ٶتەۋ ەكٸ جىلعا كەيٸنگە قالدىرىلدى, دەپ حابارلايدى ult.kz.
استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتىنىڭ مەلٸمەتٸنشە, ەيەل 2025 جىلدىڭ مامىرىنان 2026 جىلدىڭ قاڭتارىنا دەيٸن Instagram ەلەۋمەتتٸك جەلٸسٸندە الماتىدان نارىقتاعى باعادان ارزان پەتەرلەر ساتىپ الىپ, جٶندەپ, كەيٸن قىمباتقا ساتۋ ارقىلى پايدا تابۋعا بولاتىنى تۋرالى اقپارات تاراتقان.
وسىلايشا ول ينۆەستيتسييا سالۋعا نيەتتٸ ازاماتتاردى تارتقان. ەيەل ينۆەستورلارعا ولاردىڭ اتىنا رەسٸمدەلگەن تاۋارلىق كرەديتتەردٸ تٶلەپ, سالعان قاراجاتىنىڭ 5-10 پايىزى كٶلەمٸندە اي سايىن بونۋس بەرۋگە ۋەدە ەتكەن.
باستاپقىدا ول ۋەدەسٸندە تۇرعانداي كٶرٸنٸپ, بٸر ينۆەستوردان تٷسكەن اقشانى ەكٸنشٸسٸنە تٶلەم جاساۋعا پايدالانعان. الايدا كەيٸن تٶلەمدەر توقتاپ, سالىمشىلار الدىنداعى مٸندەتتەمەلەر ورىندالماعان. نەتيجەسٸندە 19 ادامعا كەلتٸرٸلگەن شىعىن 155 ملن تەڭگەدەن اسقان.
سوت وتىرىسىندا ايىپتالۋشى كٸنەسٸن ٸشٸنارا مويىنداعان. ول پەتەرلەردٸ قايتا ساتۋمەن اينالىسۋدى جوسپارلاعانىن, بٸراق بارلىق ينۆەستورمەن ەسەپ ايىرىسۋعا شاماسى جەتپەگەنٸن ايتقان.
ال جەبٸرلەنۋشٸلەر قاراجات بەرگەنٸن جەنە كرەديت رەسٸمدەگەنٸن راستادى. ولاردىڭ ايتۋىنشا, نەسيە بويىنشا بەرەشەك ەلٸ كٷنگە دەيٸن ٶتەلمەگەن. سوندىقتان ولار سوتتان قاتاڭ جازا تاعايىنداپ, كەلتٸرٸلگەن شىعىندى ٶندٸرٸپ بەرۋدٸ سۇراعان.
قىلمىستىق كودەكستٸڭ 190-بابى 4-بٶلٸگٸنٸڭ 2-تارماعىنا سەيكەس, اسا ٸرٸ مٶلشەردە جاسالعان الاياقتىق ٷشٸن مٷلكٸن تەركٸلەۋمەن بٸرگە 5 جىلدان 10 جىلعا دەيٸن باس بوستاندىعىنان ايىرۋ جازاسى قاراستىرىلعان.
سوت ەيەلدٸڭ بۇعان دەيٸن دە وسىعان ۇقساس قىلمىستار ٷشٸن سوتتالعانىن ەسكەردٸ. سونىمەن قاتار ونىڭ اسىراۋىندا تٶرت كەمەلەتكە تولماعان بالاسى بار ەكەنٸ جازانى جەڭٸلدەتەتٸن مەن-جاي رەتٸندە تانىلدى. اۋىرلاتاتىن مەن-جايلار انىقتالماعان.
وسى مەن-جايلاردى, جەبٸرلەنۋشٸلەردٸڭ سانىن, ٶتەلمەگەن شىعىن كٶلەمٸن جەنە ولاردىڭ پٸكٸرٸن ەسكەرە وتىرىپ, سوت ەيەلدٸ 6 جىل 6 ايعا باس بوستاندىعىنان ايىرۋ تۋرالى شەشٸم شىعاردى.
الايدا قىلمىستىق كودەكستٸڭ 74-بابىنىڭ 1-بٶلٸگٸ نەگٸزٸندە تٶرت كەمەلەتكە تولماعان بالاسىنىڭ بولۋىنا بايلانىستى جازانى ورىنداۋ ەكٸ جىلعا, ياعني 2028 جىلعى 20 قازانعا دەيٸن كەيٸنگە قالدىرىلدى.
جەبٸرلەنۋشٸلەردٸڭ ازاماتتىق تالاپتارى ٸشٸنارا قاناعاتتاندىرىلدى. ٷكٸم ەزٸرگە زاڭدى كٷشٸنە ەنگەن جوق.
ايتا كەتەيٸك, بۇعان دەيٸن اقمولا وبلىسىنىڭ تۇرعىنى جوق پەتەردٸ ساتىپ الماق بولىپ, الاياققا 10 ملن تەڭگەسٸن بەرگەن.
