ارمەنييا 15 قاراشادان داۋلى جەرلەردٸ ەزەربايجانعا تاپسىرۋدى باستاۋى تيٸس. ٶزٸن تەۋەلسٸز دەپ جارييالاعان تاۋلى قاراباق ايماعىنداعى التى اپتاعا سوزىلعان قاقتىعىستى توقتاتۋ ماقساتىندا ارمەنييا, ەزەربايجان جەنە رەسەي قول قويعان بٸتٸم كەلٸسٸمٸنٸڭ شارتى وسىنداي.
ازاتىقتىڭ ارميان قىزمەتٸنٸڭ حابارلاۋىنشا, ونداعان جىل بويى ەتنيكالىق ارميانداردىڭ باقىلاۋىندا بولعان كەلبادجار اۋدانىنىڭ تۇرعىندارى كەتەر الدىندا ٷيلەرٸن ٶرتەگەن.
1990 جىلدارى سوۆەت وداعى تاراعاننان كەيٸن ەزەربايجان قۇرامىنداعى كٶبٸنە ارمياندار قونىستانعان تاۋلى قاراباق دەربەستٸككە ۇمتىلىپ, مۇنىڭ سوڭى قارۋلى قاقتىعىسقا, ەكٸ جاقتان دا بوسقىنداردىڭ اعىلۋىنا الىپ كەلگەن. سوعىسقا دەيٸن كٶبٸنە ەزەربايجاندار تۇرعان كەلبادجار اۋدانىنىڭ حالقى بوسىپ كەتكەن سوڭ مۇنداعى ٷيلەر بوس قالعان. ول ٷيلەرگە ارمياندار كەلٸپ قونىستانعان.
كەلبادجاردى ەزەربايجانعا تاپسىراردىڭ الدىندا ارمياندار داديۆانك موناستىرىنا بارىپ دۇعا وقىدى. 14 قاراشادا موناستىر ماڭىنا رەسەي بٸتٸمگەرلەرٸ كەلٸپ ورنالاستى.
كرەملدٸڭ رەسمي اقپاراتىنا سەيكەس, رەسەي پرەزيدەنتٸ ۆلاديمير پۋتين ەزەربايجان پرەزيدەنتٸ يلحام ەليەۆتٸ تاۋلى قاراباقتاعى باكۋدٸڭ باقىلاۋىنا ٶتەتٸن ايماقتاعى حريستيانداردىڭ قاسيەتتٸ ورىندارىن قورعاۋعا شاقىرعان.
ەزەربايجان پرەزيدەنتٸنٸڭ باسپاسٶز قىزمەتٸ حريستيانداردىڭ جەدٸگەرلەرٸن ساقتاۋعا سەندٸرگەن مەلٸمدەمە تاراتتى.
بٸتٸم كەلٸسٸمٸنٸڭ باستى شارتتارىنىڭ بٸرٸ – الداعى 2,5 اپتادا ارمەنييا كەلبادجار مەن تاعى ەكٸ اۋداندى ەزەربايجانعا قايتارۋى تيٸس. كەلبادجار سيياقتى ول ەكٸ اۋدان دا 1994 جىلى سوعىس توقتاعالى ارميانداردىڭ باقىلاۋىندا بولعان.
10 قاراشاداعى بٸتٸم كەلٸسٸمٸ التى اپتالىق سوعىستى توقتاتۋى تيٸس. كەي مەلٸمەتتەر بويىنشا, وسى ارالىقتا ەكٸ جاقتان 5 مىڭعا جۋىق سولدات قازا تاپقان. ارمياندار اراسىندا بۇل كەلٸسٸمگە نارازىلىق بٸلدٸرگەندەر كٶپ بولدى, سەبەبٸ تاۋلى قاراباقتىڭ كٶپ بٶلٸگٸ جەنە وعان جاپسارلاس ايماقتار سوعىس كەزٸندە ەزەربايجاننىڭ باقىلاۋىنا ٶتكەن.
بۇل كەلٸسٸم بويىنشا ايماققا رەسەيدٸڭ 2 مىڭ بٸتٸمگەرٸ ورنالاسادى. العاشقى 200 سارباز بٸتٸم تۋرالى حابارلانا سالىسىمەن ارمەنيياعا ۇشىپ كەلدٸ.
14 قاراشادا ەكٸ تاراپ قازا تاپقانداردىڭ مەيٸتتەرٸمەن الماستى.
باكۋ كەلبادجار اۋدانىنان ەسكەر مەن بەيبٸت تۇرعىنداردى شىعارۋ مەرزٸمٸن 15 قاراشادان 25 قاراشاعا شەگەرۋ تۋرالى ٶتٸنٸشكە "گۋمانيستٸك تۇرعىدا" كەلٸسٸم بەرگەنٸن مەلٸمدەدٸ.
