«ۇلتتىق اقپاراتتىق تەحنولوگييالار» اق-نىڭ حابارلاۋىنشا, 13 شٸلدە ساعات 09:00-دەن باستاپ eGov.kz پورتالى مەن eGov Mobile موبيلدٸ قوسىمشاسى ارقىلى بٸلٸم بەرۋ گرانتتارىن تاعايىنداۋ كونكۋرسىنا قاتىسۋعا ٶتٸنٸم قابىلداۋ باستالادى. قۇجاتتاردى ونلاين تٷردە 20 شٸلدە ساعات 18:00-گە دەيٸن تاپسىرۋعا بولادى, دەپ حابارلايدى ult.kz.
بيىل قىزمەتكە بٸرقاتار جاڭارتۋ ەنگٸزٸلدٸ. ەندٸ جٷيە تالاپكەرگە مەملەكەتتٸك بٸلٸم بەرۋ گرانتىنىڭ كونكۋرستان تىس تەرتٸپپەن بۇرىن تاعايىندالعانىن اۆتوماتتى تٷردە تەكسەرەدٸ. تەكسەرۋ ۇلتتىق تەستٸلەۋ ورتالىعىنىڭ دەرەكتەرٸ نەگٸزٸندە جٷرگٸزٸلەدٸ. ەگەر تالاپكەرگە گرانت بۇعان دەيٸن بەرٸلگەن بولسا, جٷيە بۇل تۋرالى بٸردەن حابارلاپ, قايتا ٶتٸنٸم بەرۋدٸڭ قاجەتٸ جوق ەكەنٸن كٶرسەتەدٸ.
ال قالعان تالاپكەرلەر ٶتٸنٸمدٸ جالپى تەرتٸپپەن تاپسىرا الادى. جەڭٸلدٸك ساناتىنا جاتاتىن ازاماتتاردىڭ مەرتەبەسٸ دە ٶتٸنٸم بەرۋ بارىسىندا اۆتوماتتى تٷردە راستالادى.
ٶتٸنٸمدٸ eGov.kz پورتالىنىڭ «ازاماتتارعا – بٸلٸم – جوعارى بٸلٸم» بٶلٸمٸندەگٸ «بٸلٸم بەرۋ گرانتتارىن تاعايىنداۋ...» قىزمەتٸ ارقىلى نەمەسە eGov Mobile قوسىمشاسى ارقىلى رەسٸمدەۋگە بولادى. ٶتٸنٸمنٸڭ مەرتەبەسٸن پايدالانۋشىلار جەكە كابينەتتەن باقىلاي الادى.
ۇات مەلٸمەتٸنشە, ٶتٸنٸم قابىلداۋ كەزەڭٸندە جٷيەگە تٷسەتٸن جٷكتەمە ارتقان جاعدايدا eGov.kz پورتالىندا ەلەكتروندىق كەزەك ٸسكە قوسىلادى. پايدالانۋشىلار كەزەگٸ جاقىنداعانى تۋرالى 1414 نٶمٸرٸنەن SMS-حابارلاما الۋعا جازىلا الادى. بۇل ٷشٸن ٶتٸنٸم بەرۋ كەزٸندە تيٸستٸ چەكبوكستى بەلگٸلەۋ قاجەت.
ٶتٸنٸم جولدانعاننان كەيٸن تالاپكەردٸڭ جەكە كابينەتٸندە گرانت كونكۋرسىنا قاتىسقانى تۋرالى ەلەكتروندىق انىقتاما پايدا بولادى. ال كونكۋرس قورىتىندىسى بويىنشا گرانت يەگەرلەرٸنە ەلەكتروندىق سەرتيفيكات 10 تامىزدان كەشٸكتٸرٸلمەي جەكە كابينەتكە جٸبەرٸلەدٸ. ەگەر گرانت تاعايىندالماسا, تالاپكەرگە تيٸستٸ حابارلاما جولدانادى.
اتالعان قىزمەت قر جاساندى ينتەللەكت جەنە تسيفرلىق دامۋ مينيسترلٸگٸنٸڭ مەملەكەتتٸك كٶرسەتٸلەتٸن قىزمەتتەر كوميتەتٸ, «ۇلتتىق اقپاراتتىق تەحنولوگييالار» اق جەنە قر عىلىم جەنە جوعارى بٸلٸم مينيسترلٸگٸنٸڭ بٸرلەسكەن جۇمىسى اياسىندا جٷزەگە اسىرىلدى.
