«Ulttyq aqparattyq tehnologiialar» AQ-nyń habarlaýynsha, 13 shilde saǵat 09:00-den bastap eGov.kz portaly men eGov Mobile mobildi qosymshasy arqyly bilim berý granttaryn taǵaiyndaý konkýrsyna qatysýǵa ótinim qabyldaý bastalady. Qujattardy onlain túrde 20 shilde saǵat 18:00-ge deiin tapsyrýǵa bolady, dep habarlaidy ult.kz.
Biyl qyzmetke birqatar jańartý engizildi. Endi júie talapkerge memlekettik bilim berý grantynyń konkýrstan tys tártippen buryn taǵaiyndalǵanyn avtomatty túrde tekseredi. Tekserý Ulttyq testileý ortalyǵynyń derekteri negizinde júrgiziledi. Eger talapkerge grant buǵan deiin berilgen bolsa, júie bul týraly birden habarlap, qaita ótinim berýdiń qajeti joq ekenin kórsetedi.
Al qalǵan talapkerler ótinimdi jalpy tártippen tapsyra alady. Jeńildik sanatyna jatatyn azamattardyń mártebesi de ótinim berý barysynda avtomatty túrde rastalady.
Ótinimdi eGov.kz portalynyń «Azamattarǵa – Bilim – Joǵary bilim» bólimindegi «Bilim berý granttaryn taǵaiyndaý...» qyzmeti arqyly nemese eGov Mobile qosymshasy arqyly rásimdeýge bolady. Ótinimniń mártebesin paidalanýshylar jeke kabinetten baqylai alady.
UAT málimetinshe, ótinim qabyldaý kezeńinde júiege túsetin júkteme artqan jaǵdaida eGov.kz portalynda elektrondyq kezek iske qosylady. Paidalanýshylar kezegi jaqyndaǵany týraly 1414 nómirinen SMS-habarlama alýǵa jazyla alady. Bul úshin ótinim berý kezinde tiisti chekboksty belgileý qajet.
Ótinim joldanǵannan keiin talapkerdiń jeke kabinetinde grant konkýrsyna qatysqany týraly elektrondyq anyqtama paida bolady. Al konkýrs qorytyndysy boiynsha grant iegerlerine elektrondyq sertifikat 10 tamyzdan keshiktirilmei jeke kabinetke jiberiledi. Eger grant taǵaiyndalmasa, talapkerge tiisti habarlama joldanady.
Atalǵan qyzmet QR Jasandy intellekt jáne tsifrlyq damý ministrliginiń Memlekettik kórsetiletin qyzmetter komiteti, «Ulttyq aqparattyq tehnologiialar» AQ jáne QR Ǵylym jáne joǵary bilim ministrliginiń birlesken jumysy aiasynda júzege asyryldy.
